Hassan Nisar Urdu News Website

پشاور (نیوز ڈیسک) ایف آئی اے نے ممنوعہ فنڈنگ کیس خیبرپختونخوا میں تحریک انصاف کے رہنماؤں کو طلب کرلیا۔تفصیلات کے مطابق وفاقی تحقیقاتی ایجنسی (ایف آئی اے) پشاور نے پاکستان تحریک انصاف (پی ٹی آئی) کے رہنماؤں کو ممنوعہ فنڈنگ ​​کیس میں تحقیقات کے لیے طلب کرلیا۔ذرائع نے بتایا کہ ایف آئی اے کی جانب سے

سابق اسپیکر قومی اسمبلی اسد قیصر، سابق گورنر کے پی شاہ فرمان، پی ٹی آئی صوبائی فنانس سیکرٹری محمد عمران اور صوبائی ممبر فنانس محمد حسن داؤد کو طلب کیا گیا ہے۔ذرائع کا کہنا ہے کہ ایف آئی اے نے تحریک انصاف کے رہنماؤں کو 18 اگست کو طلب کیا ہے۔خیال رہے الیکشن کمیشن آف پاکستان (ای سی پی) کے فیصلے کے بعد ایف آئی اے پی ٹی آئی ممنوعہ فنڈنگ ​​کیس کی تحقیقات کررہی ہے۔انٹیلی جنس ایجنسی نے چھ رکنی تحقیقاتی ٹیم تشکیل دے دی ہے۔متعلقہ حکام نے ممنوعہ فنڈنگ ​​کیس میں پی ٹی آئی کے خلاف تحقیقات کا دائرہ وسیع کرتے ہوئے خصوصی مانیٹرنگ ٹیم تشکیل دی تھی۔مانیٹرنگ ٹیم لاہور، پشاور، کراچی، اسلام آباد، کوئٹہ اور فیصل آباد میں زونل انکوائری ٹیم کے ساتھ رابطہ کرے گی۔زونل کمیٹیاں عمران خان کی زیر قیادت پی ٹی آئی کے اثاثوں کا ریکارڈ اکٹھا کریں گی جبکہ پولیٹیکل پارٹیز ایکٹ 2002 کے تحت انکوائری کی جائے گی۔

لاہور (نیوز ڈیسک)پاکستان مسلم لیگ (ن )نے سابق وزیر اعلیٰ پنجاب حمزہ شہباز کو اپوزیشن لیڈر پنجاب بنانے کا فیصلہ کیا ہے ،اس سلسلے میں اتحادی جماعتوں سے بھی مشاورت کر لی گئی ہے۔نجی ٹی وی “سماء “کے مطابق مسلم لیگ (ن )کی پارلیمانی پارٹی میں متفقہ فیصلہ ہو گیا ہے کہ حمزہ شہباز کو پنجاب اسمبلی میں قائد حزب اختلاف لایا جائے گا، واضح رہے کہ حمزہ شہباز ان

دنوں نجی دورے پر لندن میں ہیں۔دوسری جانب پاکستان مسلم لیگ (ن) کے رہنماءاور سابق وزیراعلیٰ پنجاب حمزہ شہباز کی اکلوتی صاحبزادی سماویہ کی لندن میں طبیعت ناساز ہو گئی ہے جس پر انہیں مقامی ہسپتال داخل کرا دیا گیا ہے اور اس وجہ سے حمزہ شہباز شریف کی لندن سے واپسی میں تاخیر ہو رہی ہے۔ تفصیلات کے مطابق 2019ءمیں سماویہ کی پیدائش کے وقت حمز ہ شہباز کوٹ لکھپت جیل میں قید تھے، بیٹی کی پیدائش پر شریف خاندان بہت خوش تھا اور وزیراعظم شہباز شریف اور مریم نواز انتہائی خوش تھیں، جب سماویہ کی پہلی سالگرہ تھی تو دادا وزیراعظم شہباز شریف اور مریم نواز نے بہت خوشیاں منائیں۔سابق وزیراعلی حمزہ شہباز 4 اگست کو اپنی فیملی کو ملنے کیلئے لاہور سے لندن گئے جہا ں کچھ دن قیام کے بعد وطن واپس آنا تھا لیکن ان کی اکلوتی صاحبزادی سماویہ کی طبیعت ناساز ہونے کے باعث واپسی میں تاخیر ہو گئی ہے اور بتایا گیا ہے کہ ان کی صاحبزادی لندن کے ایک مقامی ہسپتال میں داخل ہے جہاں اس کاایک آپریشن بھی ہواہے اور سماویہ کی طبیعت تشویشناک بتائی جاتی ہے۔ سماویہ پیدائش کے وقت سے دل کے عارضہ میں مبتلا ہے اورڈاکٹرزکی ہدایات کے بعد اس وقت بھی سماویہ کی سرجری ہوئی تھی۔دوسری جانب حمزہ شہبازکی لندن سے واپسی میں تاخیرکے باعث پنجاب اسمبلی میں پارلیمانی پارٹی کیلئے اپوزیشن لیڈرکی نامزدگی بھی التواءکا شکار ہے، ذرائع کے مطابق صاحبزادی کی صحت خراب ہونے کے باعث حمزہ شہباز کی لندن سے واپسی میں مزید تاخیر کا امکان ہے۔بعض اطلاعات ہیں کہ سابق وزیراعلیٰ پنجاب حمزہ شہباز ایک طرف اپنی بچی کے علا ج و معالجہ کے سلسلے میں مصروف ہیں اور دوسری جانب اطلاعات ہیں کہ وہ لندن میں ہی قیام کریں گے اور سابق وزیراعظم محمد نواز شریف کے ساتھ ان کی وطن واپسی میں ان کے ہمراہ پاکستان آئیں گے۔

لاہور (نیوز ڈیسک) پاکستان مسلم لیگ (ن) کے رہنماءاور سابق وزیراعلیٰ پنجاب حمزہ شہباز کی اکلوتی صاحبزادی سماویہ کی لندن میں طبیعت ناساز ہو گئی ہے جس پر انہیں مقامی ہسپتال داخل کرا دیا گیا ہے اور اس وجہ سے حمزہ شہباز شریف کی لندن سے واپسی میں تاخیر ہو رہی ہے۔ تفصیلات

کے مطابق 2019ءمیں سماویہ کی پیدائش کے وقت حمز ہ شہباز کوٹ لکھپت جیل میں قید تھے، بیٹی کی پیدائش پر شریف خاندان بہت خوش تھا اور وزیراعظم شہباز شریف اور مریم نواز انتہائی خوش تھیں، جب سماویہ کی پہلی سالگرہ تھی تو دادا وزیراعظم شہباز شریف اور مریم نواز نے بہت خوشیاں منائیں۔سابق وزیراعلی حمزہ شہباز 4 اگست کو اپنی فیملی کو ملنے کیلئے لاہور سے لندن گئے جہا ں کچھ دن قیام کے بعد وطن واپس آنا تھا لیکن ان کی اکلوتی صاحبزادی سماویہ کی طبیعت ناساز ہونے کے باعث واپسی میں تاخیر ہو گئی ہے اور بتایا گیا ہے کہ ان کی صاحبزادی لندن کے ایک مقامی ہسپتال میں داخل ہے جہاں اس کاایک آپریشن بھی ہواہے اور سماویہ کی طبیعت تشویشناک بتائی جاتی ہے۔ سماویہ پیدائش کے وقت سے دل کے عارضہ میں مبتلا ہے اورڈاکٹرزکی ہدایات کے بعد اس وقت بھی سماویہ کی سرجری ہوئی تھی۔دوسری جانب حمزہ شہبازکی لندن سے واپسی میں تاخیرکے باعث پنجاب اسمبلی میں پارلیمانی پارٹی کیلئے اپوزیشن لیڈرکی نامزدگی بھی التواءکا شکار ہے، ذرائع کے مطابق صاحبزادی کی صحت خراب ہونے کے باعث حمزہ شہباز کی لندن سے واپسی میں مزید تاخیر کا امکان ہے۔بعض اطلاعات ہیں کہ سابق وزیراعلیٰ پنجاب حمزہ شہباز ایک طرف اپنی بچی کے علا ج و معالجہ کے سلسلے میں مصروف ہیں اور دوسری جانب اطلاعات ہیں کہ وہ لندن میں ہی قیام کریں گے اور سابق وزیراعظم محمد نواز شریف کے ساتھ ان کی وطن واپسی میں ان کے ہمراہ پاکستان آئیں گے۔

لاہور (نیوز ڈیسک) مسلم لیگ ن کے رہنما میاں جاوید لطیف کا کہنا ہے کہ نوازشریف ستمبر میں قوم کی نمائندگی کے لیے پاکستان آئیں گے۔عمران خان کی اب بھی ڈوریں ہلائی جا رہی ہیں، عمران خان جیسے کردار مختلف ادوار میں اپنا کردار ادا کرتے رہے ہیں۔عمران خان اکیلا مجرم نہیں ہے بلکہ

ثاقب نثار بھی اس کے ساتھ مرکزی کردار ہیں۔گذشتہ روز پریس کانفرنس کرتے ہوئے جاوید لطیف نے کہا کہ ہمارے ساتھ ناانصافی ہوئی ہے، الیکشن کمیشن کے فیصلے کے بعد عمران خان صادق اور امین نہیں رہا لہٰذا کال کوٹھڑی نہ سہی روشنی والی کوٹھڑی میں جانے کا وقت ہوا چاہتا ہے، چیف الیکشن کمشنر کا فیصلہ آنے کے بعد عمران خان چور ڈاکو اورمنی لانڈر اور غدار ہے ، 2017ء میں پاکستان پھل پھول رہا تھا ،یہ اکیلا مجرم نہیں ہے اس کے ساتھ ثاقب نثار مرکزی ملزم ہے ، 2017ء کا اور آج کا موازنہ کرو تو پتہ چلے گا اس میں کون کون سے کردار شامل تھے ، میرے جیسے کمزور ایمان کے مسلمان کا ایمان ہے کہ صادق اور امین انبیاء کے علاوہ کوئی نہیں ہو سکتا لیکن عمران خان کو صادق اور امین کا سرٹیفکیٹ کا دیدیا گیا، جس بھنور میں پاکستان پھنسا ہوا ہے تمام سیاسی قوتوں کو لیول پلینگ فیلڈ ملنا اشد ضروری ہے تاکہ ملک آگے بڑھ سکے۔عمران خان جیسے سازشوں کے مہرے گزشتہ 75سالوں میں کسی نہ کسی روپ میں سامنے آتے رہے ،میں اپنے اٹھارہ سے پچیس سال کے نوجوانوں سے پوچھنا چاہتا ہوں اور ان کو بتانا چاہتا ہوں کہ پاکستان کی تاریخ میں آزادی کے مقاصد پورے نہیں ہوئے ، قائد ملت لیاقت علی خان کو گولی لگی ، جنرل ایوب خان پاکستان کے اقتدار پر قابض ہوئے اور مادر ملت محترمہ فاطمہ جناح کو کرپٹ ، غدار اور ان کا انتخاب چرا کر خود منتخب ہو گئے لیکن اسے کسی نے غدار نہیں کہا بلکہ پاکستان بنانے والے غدار ٹھہرے اور اس وقت بھی ایک طبقہ ایوب خان کو سچا جانتا تھا۔

اسلام آباد (نیوز ڈیسک) وفاقی وزیر احسن اقبال کا کہنا ہے کہ پارٹی سیکرٹری جنرل کی حیثیت سے میرے پاس نوازشریف کی وطن واپسی کی کوئی معلومات نہیں البتہ جاوید لطیف کے پاس کوئی خاص معلومات ہوں تو مجھے علم نہیں۔انہوں نے جیو نیوز کے پروگرام میں گفتگو کرتے ہوئے کہا کہ پنجاب

حکومت ملک میں بدامنی پیدا کر رہی ہے۔اس صورت حال کے لیے آئین میں کچھ شقیں موجود ہیں مگر ہم وہ استعمال نہیں کرنا چاہتے،پرویز الہیٰ کو پتا ہو گا وفاق اور صوبائی حکومت کی حدود کیا ہوتی ہیں۔انہوں نے کہا کہ عمران نیازی صاحب بوکھلا گئے ہیں، ثبوت سامنے آئیں گے تو عوام کو پتہ چلے گا کہ عمران خان کیسے فارن فنڈنگ لے کر انتشار پھیلاتے رہے۔عمران خان نے خود کو ایک ناقابل اعتبار لیڈر ثابت کیا۔عمران خان نے اپنے 4 سالہ دور میں قوانین بلڈوز کرائے، مخالفین کو پکڑ پکڑ کر جیلوں میں ڈالتے رہے، سی پیک تباہ کیا ، کشمیر پر سرینڈر کیا۔احسن اقبال نے کہا کہ عمران خان پاکستان کو حقیقی غلامی میں پھینک کر چلے گئے تھے، سیاسی میدان سجے گا تو عمران خان کو 4 سالوں کا حساب دینا ہو گا۔احسن اقبال نے کہا کہ عمران خان امریکا کو صبح گالی دیتے ہیں اور شام کو گلدستہ بھیجتے ہیں۔احسن اقبال نے جاوید لطیف کے نواز شریف کی واپسی سے متعلق دئیے گئے بیان پر کہا کہ میرے پاس نوازشریف کی وطن واپسی کی کوئی معلومات نہیں۔جاوید لطیف کے پاس کوئی خاص معلومات ہوں تو مجھے علم نہیں۔گذشتہ روز پاکستان مسلم لیگ (ن) کے مرکزی رہنما وفاقی وزیر میاں جاوید لطیف نے کہا ہے کہ عوام ڈاکٹر ہیں اور انہوں نے بتا دیا ہے کہ اب ہماری بس ہو گئی ہے نواز شریف واپس آ جائو ۔اب ہم نواز شریف کو جیل نہیں جانے دیں گے۔ ایسا استقبال کریں گے کہ دنیا دیکھے گی، نواز شریف ستمبر میں پاکستان آرہے ہیں ۔

اسلام آباد (نیوز ڈیسک ) پاکستان تحریک انصاف کے چیئر مین اور سابق وزیراعظم عمران خان نے اپنے دورِ حکومت میں اسٹیبلشمنٹ سے ہونے والے دو اختلافات بتا دئیے۔جی جی این کو دئے گئے انٹرویو میں عمران خان نے کہا کہ میرے آرمی چیف سے کبھی تعلقات خراب نہیں ہوئے تھے،ہماری طاقت یہ تھی کہ ہم ایک پیج پر تھے،ایک پیج پر اس لیے تھے کیونکہ میرا کوئی

پرسنل ایجنڈا نہیں تھا،ماضی میں نوازشریف اور آصف زرداری کے اسٹیبلشمنٹ سے اس لیے اختلافات ہوتے تھے کہ یہ پیسے چوری کرکے باہر بھیجتے تھے، آئی ایس آئی کے پاس ساری معلومات ہوتی تھیں اور فوج کو پتہ ہوتا تھا۔میرا تو ایسا کوئی مسئلہ نہیں تھا لہذا آرمی چیف سے میرے تعلقات بالکل ٹھیک تھے۔تاہم ڈی جی آئی ایس آئی کی تقرری پر ہمارے درمیان ایشو ہوا تھا کیونکہ میں چاہتا تھا کہ سیکیورٹی مسائل کی وجہ سے جنرل فیض سردیوں تک رہیں۔لیکن ان کا موقف تھا کہ فوج کے اندر اصولوں کے مطابق چلنا ہوتا ہے، ہر ایک کا ایک ٹایم پیریڈ ہوتا ہے۔لیکن میں تب پورے پاکستان کے لیے سوچ رہا تھا۔عمران خان نے مزید کہا کہ دوسرا مسئلہ عثمان بزدار کے اوپر تھا لیکن میں نے بتایا کہ ہمارا پنجاب کا سیٹ اپ بہت نازک ہے۔عثمان بزدار کو ہٹا دیا تو اور کسی نام پر اتفاق نہیں ہو گا،جنرل باجوہ کو بتایا تھا کہ عثمان بزدار کو ہٹانے پر بہت مسائل کو سامنا ہوگا،ایک آدمی کا نام لیتے تھے لیکن وہ ممکن نہیں تھا کیونکہ ان کے زمینوں کے ایشو تھے۔انہوں نے مزید کہا کہ میری طاقت عوام ہیں، میں 26سال قبل جب سیاست میں آیا تو میرے پاس کوئی الیکٹیبلز نہیں تھے، میں عوام کے ذریعے سیاست میں آیا اوراس کے ذریعے ہی واپس جاتا ہوں۔عمران خان نے کہا کہ توشہ خانہ اور فارن فنڈنگ کیس احمقانہ کیسز ہیں، میں چاہتا تھا توشہ خانہ میں جن کو تحائف ملے ہم سب کا موازنہ کیا جائے کہ کون قانون پر چل رہا تھا اور کون نہیں چل رہا تھا۔ بدقسمتی یہ ہے کہ ایک ایسا الیکشن کمشنر آگیا ہے جو اخلاقی طور پر کرپٹ ہے، بزدل ہے پریشر نہیں لے سکتا، یہ کیسے آیا ؟ اپوزیشن لیڈر شہبازشریف نے اپنے اور ہم نے اپنے الیکشن کمشنر کیلئے نام دیے، جب ہمارے درمیان اتفاق نہیں ہوا تو نیوٹرلز نے نام دیے کہ اس کو رکھ لیں، نیوٹرلز یعنی اسٹیبلشمنٹ ،افسوس یہ ہے جس دن سے یہ آیا ہے ، حالانکہ الیکشن کمیشن ہمیشہ حکومت کے ساتھ چلتی ہے، لیکن اس میں کوئی شرم نہیں ، بڑی بے شرمی کے ساتھ فیصلے کرتا ہے،اس نے آٹھ بار ہمارے خلاف فیصلے دیے۔

لاہور (خصوصی رپورٹ ) نواز شریف کبھی نظریاتی ، کبھی تجارتی اور کبھی باغی کیوں بن جاتے ہیں ؟ ایک خاص وقفے کے بعد آنیوالی ان تبدیلیوں کے پیچھے کیا کہانی ہے ؟ سینئر کالم نگار صحافی اور تجزیہ کار حسن نثار نے اصل کہانی بیان کردین۔ اپنے یوٹیوب چینل پر ایک ویڈیو میں حسن نثار نے کیا کچھ کہا ،

آپ اس ویڈیو میں جانیں ۔۔۔

لاہور (ویب ڈیسک ) فیصل آباد کے این اے 108 کے ضمنی انتخاب کیلئے جمع کرائے گئے پی ٹی آئی چیئرمین عمران خان کے کاغذات نامزدگی میں ظاہر اثاثوں کی تفصیلات سامنے آگئیں۔چیئرمین پی ٹی آئی نےمجموعی طور پر 30 کروڑ 42 لاکھ 78 ہزار 495 روپے کے اثاثے ظاہر کئے جبکہ ان کی

اہلیہ بشری بی بی کے نام پاکپتن اور اوکاڑہ میں 698 کنال اراضی اور بنی گالا میں ایک گھر موجود ہے ۔ عمران خان کی ملکیت میں دو لاکھ مالیت کی چار بکریاں بھی موجود ہیں تاہم دونوں میاں بیوی کے پاس زیورات اور گاڑی ہونے کے خانہ میں کچھ نہیں ظاہر کیا گیا جبکہ عمران خان کی کسی بھی کمپنی میں کوئی سرمایہ کاری بھی نہیں ہے۔ وراثت میں ملنے والے دو گھر، بھکر میں 228 کنال زمین ظاہر کی گئی ہے۔ اسکے علاوہ اسلام آباد میں کانسٹی ٹیوشن ایونیو پر ایک فلیٹ اور ایک کمرشل پلاٹ اور 14 لاکھ کرایہ کی مد میں آمدن ظاہر کی گئی ہے ۔

اسلام آباد (ویب ڈیسک) اسلام آباد ہائی کورٹ نے شہباز گِل کے دوبارہ جسمانی ریمانڈ کی حکومتی درخواست کے قابلِ سماعت ہونے یا نہ ہونے کے حوالے سے فیصلہ محفوظ کر لیا۔بغاوت پر اکسانے کے الزام میں گرفتار پی ٹی آئی رہنما شہباز گِل کی مقدمہ اخراج اور مزید جسمانی ریمانڈ کی درخواستوں پر

اسلام آباد ہائی کورٹ کے قائم مقام چیف جسٹس عامر فاروق سماعت کر رہے ہیں۔شہباز گِل نے مقدمہ خارج کرنے کے لیے عدالت سے رجوع کیا ہے، جبکہ پراسیکیوشن نے جسمانی ریمانڈ نہ دینے کے مجسٹریٹ کے فیصلے کو چیلنج کر رکھا ہے۔دورانِ سماعت قائم مقام چیف جسٹس عامر فاروق نے وکلاء کو سیاسی گفتگو کرنے سے روکتے ہوئے کہا کہ یہ درست ہے کہ ملزم سیاسی جماعت کا عہدے دار ہے، تاہم عدالت نے صرف قانونی نکتے کو دیکھنا ہے۔انہوں نے کہا کہ ملزم جو بھی ہے اس عدالت کے سامنے یہ بات بے معنی ہے، کورٹ کے سامنے قانونی کیس ہے جسے قانون کے مطابق دیکھنا ہے، عدالت کو یہ بتائیں کہ جوڈیشل مجسٹریٹ کے فیصلے کے خلاف اپیل کیسے قابلِ سماعت تھی؟جسٹس عامر فاروق نے کہا کہ ملزم کو جوڈیشل ریمانڈ پر جیل بھیج دیا جائے پھر تو بات ہی ختم ہو گئی، کسی ملزم کو جسمانی ریمانڈ پر پولیس کے حوالے کرنا سنجیدہ معاملہ ہے، بظاہر یہ لگتا ہے کہ سیشن عدالت کا ایک فورم موجود ہے کہ وہ سپروائز کر لے، سیشن عدالت دیکھ لے کہ جوڈیشل مجسٹریٹ نے کوئی غلط فیصلہ تو نہیں کر دیا۔قائم مقام چیف جسٹس نے کہا کہ ابھی ریمانڈ دینے کی درخواست کے میرٹس پر نہیں جا رہا، پہلے درخواست کے قابلِ سماعت ہونے پر دلائل سنوں گا، انہوں نے تو یہ بھی استدعا کر رکھی ہے کہ جسمانی ریمانڈ دیا جائے، ہائی کورٹ ریمانڈ تو نہیں دیتی، ملزم ہمیشہ عدالت کا فیورٹ چائلڈ ہوتا ہے۔انہوں نے کہا کہ یہ ہائی کورٹ کا دائرہ اختیار نہیں کہ وہ دیکھے کہ ملزم کا کتنا ریمانڈ دینا ہے، جرم کتنا ہی سنگین ہو، ریمانڈ کا معاملہ مجسٹریٹ نے دیکھنا ہے، ابھی اس حد تک دلائل سن رہا ہوں کہ سیشن کورٹ میں اپیل سنی جا سکتی تھی یا نہیں؟عدالت نے شہباز گِل کے دوبارہ جسمانی ریمانڈ کی حکومتی درخواست کے قابلِ سماعت ہونے پر فیصلہ محفوظ کر لیا۔عدالت نے قرار دیا کہ درخواست قابلِ سماعت ہوئی تو میرٹ پر دلائل کی تاریخ رکھیں گے۔شہباز گِل کی بغاوت پر اکسانے کا مقدمہ خارج کرنے کی درخواست پر عدالت نے سماعت جاری رکھی۔پٹیشنر کی جانب سے شعیب شاہین ایڈووکیٹ نے دلائل دیتے ہوئے کہا کہ شہباز گِل کے بیان پر سیاق و سباق سے ہٹ کر کارروائی کی گئی۔

کراچی(ویب ڈیسک) پاکستان کی مشہوراداکارہ و ماڈل کرن تعبیر کے ہاں شادی کے 12 سال بعد پہلے بچے کی پیدائش ہوئی ہے۔اداکارہ نے گزشتہ روز انسٹاگرام پر خوشخبری دی کہ خدا نے انہیں بیٹی کی نعمت سے نوازا ہے اور یہ ان کی پہلی اولاد ہے۔کرن تعبیر نے انسٹاگرام پوسٹ کے کیپشن میں لکھا

‘وہ خوش قسمت ہوتے ہیں جن کی پہلی اولاد بیٹی ہوتی ہے، اللہ نے مجھے اسی سے نوازا ہے’۔اداکارہ نے خدا کا شکر ادا کرتے ہوئے بتایا کہ ‘الحمد اللہ، اللہ نے آخر کار ہمیں 12 سال بعد اس رحمت سے نواز دیا، اب ہم والدین بن چکے ہیں’۔اداکارہ نے اپنی ننھی پری کا نام’ایزا حمزہ ملک ‘ رکھا ہے، ساتھ ہی انہوں نے مداحوں سے درخواست کی ہے کہ انہیں دعاؤں میں یاد رکھیں۔

کراچی(نیوز ڈیسک )این اے 239 کورنگی میں ضمنی انتخاب کے لیے سابق وزیر اعظم عمران خان کے کاغذات کی جانچ پڑتال پیرکوکی گئی۔ جانچ پرتال کے بعد این اے 239 میں پی ٹی آئی چیئرمین عمران خان کے کاغذات نامزدگی منظور ہوگئے۔دوسری جانب پاکستان تحریک انصاف کے سندھ اسمبلی پارلیمانی لیڈرخرم شیر زمان نے کہاہے کہ عمران خان کو ہرانے

کیلئے کسی نئی جماعت کو پاکستان میں آنا ہوگا،پیپلز پارٹی نے کراچی کے ساتھ سوتیلی ماں جیسا سلوک کیا ایم کیو ایم آج ان کے ساتھ ہے، آنے والے الیکشن میں ایم کیو ایم کی سیاست دفن ہوجائے گی،زرداری کا شرم سے کوئی تعلق نہیں، سندھ میں ڈائیریا سے لوگ مررہے ہیں،میڈیا پر ایک مشکل وقت ہے میڈیا آزادی سے کام نہیں کرپارہا، عمران خان کے دور میں میڈیا نے آزادی سے کام کیا۔انصاف ہائوس میں پریس کانفرنس کرتے ہوئے انہوں نے کہا کہ عمران خان کو اور پی ٹی آئی لاہور کو کامیاب جلسے پر خراج تحسین پیش کرتا ہوں، اس بار 14اگست پرجوش انداز میں منایا گیا، کوئی گلی ایسی نہیں جہاں عمران خان کی اسکرین نہ لگائی گئی ہو۔خرم شیرزمان نے کہا کہ کروڑوں لوگوں نے عمران خان کی آواز سے آواز ملائی اور پی ڈی ایم جماعتوں کا اینٹی اسٹیبلشمنٹ کا بیانیہ عمران خان نے ناکام بنایا۔یہاں پر یہ امر بھی قابلِ ذکر ہے کہ سینئر صحافیوں نذیر لغاری اور مظہر عباس نے عمران خان کی نشستوں بارے حیران کن پیشگوئی کر دی۔نذیر لغاری نے کہا کہ میں پہلے کہہ چکا ہوں، یہ دونوں سیٹیں تو خان کو بالکل نہیں مل سکتیں، خان پشاور میں بلور سے بھی ہارے گا، وہاں شہادت پانے والوں کا گھرانہ مقابلے میں ہوگا، کئی اور سیٹوں پر بھی خان کے دانتوں کا پسینہ آئے گا، دوسری جانب مظہر عباس نے کہاکہ لیاری کی سیٹ پر سردار نبیل گبول اور ملیر میں حکیم بلوچ جیتیں گے، پی پی پی کی قومی اسمبلی کی نشستیں بڑھیں گی، مظہر عباس کا کہنا تھا کہ لیاری، کورنگی اور ملیر کی تین نشستیں ہیں، کورنگی میں ممکن ہے کہ ووٹرز شاید عمران خان کو ووٹ دیں۔

اسلام آباد (نیوز ڈیسک)اوگرا نے اگست کیلئے درآمدی ایل این جی کی نئی قیمتوں کا اعلان کردیا، قیمتوں میں کمی کا نوٹیفکیشن جاری کر دیا گیا۔سوئی ناردرن سسٹم کیلئے ایل این جی کی فی یونٹ قیمت میں 0.5107 ڈالر کمی کی گئی، سوئی سدرن سسٹم پر ایل این جی کی قیمت میں 0.4792 ڈالر فی یونٹ کمی کی گئی۔سوئی ناردرن سسٹم پر ایل این جی کی نئی قیمت 16.9496

ڈالر فی یونٹ مقرر کی گئی ہے، سوئی سدرن سسٹم پر ایل این جی کی نئی قیمت 17.4783 ڈالر فی ایم ایم بی ٹی یو مقرر کی گئی ہے۔سوئی ناردرن سسٹم پر جولائی میں ایل این جی کی قیمت 17.4603 ڈالر فی یونٹ تھی، سوئی سدرن سسٹم پر جون میں ایل این جی کی قیمت 17.9575 ڈالر فی ایم ایم بی ٹی یو تھی۔

اسلام آباد (مانیٹرنگ ڈیسک) پاکستانی روپے کی ریکارڈ گراوٹ کے بعد مضبوطی کے باعث پاکستان آٹو موبیل مینو فیکچررز نے 26/27جولائی کو اپنے برانڈز میں جو قیمتیں بڑھائی تھیں پیر 15اگست کو اضافی قیمتوں کا پچاس فیصد ختم کرنے کا اعلان کر دیا ہے۔روزنامہ جنگ میں حنیف خالد کی شائع خبر کے مطابق جاپانی کمپنی ٹیوٹا

کورولا کی قیمتوں میں 15اگست 2022ء سے اپنی مختلف برانڈز کی قیمتوں میں جو کمی کی گئی ہے اسکے مطابق کرولا 1.6ایم /ٹی کی 14اگست تک کی قیمت جو 48لاکھ 99ہزار روپے تھی‘ 15اگست کو 3لاکھ 30ہزر روپے کم کر کے 45لاکھ 69ہزار روپے کر دی ہے۔ یہ تمام قیمتیں ایکس فیکٹری ہیں۔ ٹیوٹا کمپنی نے اعلان کیا ہے کہ چونکہ یو ایس ڈالر کے مقابلے میں روپے کی قدر میں گزشتہ کچھ دنوں سے اضافہ ہوا ہے اسلئے کمپنی نے روپے کی قدر میں اضافے کا فرق اپنے خریداروں کو ٹرانسفر کرنے کا فیصلہ کیا ہے۔ ٹیوٹا کے مختلف برانڈز کی ریٹیل سیلز پرائس ایکس فیکٹری کراچی بشمول سی وی ٹی تمام ماڈلز کیلئے کم کر دی گئی ہے۔ پاکستان میں دوسری جاپانی موٹر وہیکلز مینو فیکچررز ہنڈا اٹلس کمپنی اور سوزوکی کمپنی اپنے برانڈز کی قیمتوں میں ایک دو روز میں اسی تناسب سے کمی کا اعلان کرنے والے ہیں۔ وزیراعظم شہباز شریف اور انکی حکومت نے ملک میں قیمتوں میں بدترین اضافے کو کنٹرول کرنے کیلئے تمام ملکی اداروں کو ہدایات جاری کی ہیں جن کے نتیجے میں موٹر اسمبلرز اور دوسری بڑی کمپنیوں کی طرف سے اپنے اپنے برانڈز اور پیداواری آیٹمز کی قیمتوں میں ڈالر کے مقابلے میں روپے کی قدر کے تناسب سے کمی کی جائیگی۔

اسلام آباد(نیوز ڈیسک )سعودی عرب کی جانب سے پاکستان کیلئے تین ارب ڈالر سیف ڈیپازٹ کی مدت میں مزید توسیع کا فیصلہ کیا گیا ہے۔میڈیا رپورٹ کے مطابق سعودی عرب نے 3 ارب ڈالر سیف ڈپازٹ کی مدت میں مزید ایک سال کیلئے توسیع کرنے کا فیصلہ کیا ہے اس سلسلے میں وزارت خزانہ کے ذرائع نے بتایا کہ 3 ارب ڈالر کے

سیف ڈیپازٹ پر 3 فیصد سود بھی ادا کیا جائے گا جبکہ پاکستان کو ڈیفالٹ کا خطرہ ہوا تو رقم فوری واپس کرنا ہو گی۔تین ارب ڈالر سیف ڈپازٹ کی مدت میں توسیع دسمبر 2023ء تک کیے جانے کا امکان ہے۔ ذرائع کے مطابق سیف ڈپازٹ کی مد میں رکھی گئی رقم کو استعمال بھی نہیں کیا جا سکے گا۔وزیر مملکت برائے خزانہ عائشہ غوث پاشا نے گفتگو میں بتایا کہ سعودی عرب کے ساتھ ایک سالہ توسیع کا معاہدہ جلد طے پا جائے گا۔ وزیر مملکت کے مطابق سعودی عرب ماہانہ 10 کروڑ ڈالر کا اْدھار تیل بھی فراہم کرے گا۔انہوں نے بتایا کہ سعودی عرب سے 10 ماہ میں 1 ارب ڈالر کا مؤخر ادائیگیوں پر تیل ملے گا، پاکستان اور سعودی عرب کے درمیان برادرانہ تعلقات ہیں۔واضح رہے کہ وزیراعظم شہباز شریف کی آج ہی سعودی ولی عہد سے ٹیلی فونک گفتگو ہوئی، جس میں دونوں رہنماؤں نے باہمی دلچسپی کے امور اور دونوں ممالک کے مابین کئی شعبوں میں تعاون کے عزم کا اعادہ کیا۔سعودی ولی عہد نے پاکستانی قوم کو جشن آزادی کی مبارک باد بھی پیش کی جب کہ انہوں نے وزیراعظم کی جانب سے دورہ پاکستان کی دعوت بھی قبول کی۔

اسلام آباد (مانیٹرنگ ڈیسک) سینئر صحافیوں نذیر لغاری اور مظہر عباس نے عمران خان کی نشستوں بارے حیران کن پیشگوئی کر دی۔نذیر لغاری نے کہا کہ میں پہلے کہہ چکا ہوں، یہ دونوں سیٹیں تو خان کو بالکل نہیں مل سکتیں، خان پشاور میں بلور سے بھی ہارے گا، وہاں شہادت پانے والوں کا

گھرانہ مقابلے میں ہوگا، کئی اور سیٹوں پر بھی خان کے دانتوں کا پسینہ آئے گا، دوسری جانب مظہر عباس نے کہاکہ لیاری کی سیٹ پر سردار نبیل گبول اور ملیر میں حکیم بلوچ جیتیں گے، پی پی پی کی قومی اسمبلی کی نشستیں بڑھیں گی، مظہر عباس کا کہنا تھا کہ لیاری، کورنگی اور ملیر کی تین نشستیں ہیں، کورنگی میں ممکن ہے کہ ووٹرز شاید عمران خان کو ووٹ دیں۔

لاہور (ویب ڈیسک) نجی ٹی وی چینل کے پروگرام میں میزبان حامد میر نے انکشاف کیا ہے کہ ایڈیشنل ہوم سیکریٹری پنجاب پر شہباز گِل کو اسلام آباد نہ بھیجنے کے لیے دباؤ ڈالا گیا۔حامد میر نے انکشاف کیا کہ آئی جی پنجاب نے ایڈیشنل ہوم سیکرٹری کو فون پر کہا کہ شہباز گِل کی مدد کرو۔

سینئر صحافی حامد میر نے کہا کہ آئی جی پرزن جات پنجاب پر شہباز گِل کو سہولتیں دینے کے لیے دباؤ ڈالا گیا، ایڈیشنل ہوم سیکرٹری کو آئی جی پنجاب نے کہا مسٹر ایکس سے آرڈر مت لیں۔دوسری جانب ترجمان پنجاب پولیس نے سینیئر صحافی حامد میر کے آئی جی پنجاب سے منسوب بیان کی تردید کی ہے۔ترجمان کا کہنا ہے کہ پی ٹی آئی رہنما شہباز گل کیس میں آئی جی پنجاب کی کسی سے کوئی بات نہیں ہوئی، یہ اسلام آباد پولیس، عدالت اور محکمہ پرزن پنجاب کامعاملہ ہے

چودھری پرویز الٰہی نے لاہور کے جلسے میں کہا تھا کہ عمران خان اور فوج میں معاملات بالکل ٹھیک ہیں لیکن آج ایڈیشنل سیکرٹری ہوم پنجاب پر الزام لگایا گیا کہ آپ شہباز گل کے معاملے پر ایک اہم فوجی افسر سے آرڈرز لے رہے ہیں اسکا مطلب یہ ہے کہ وزیراعلیٰ پنجاب نے جو کہا اسکی تردید کر دی گئی pic.twitter.com/fI851TEmPP

— Hamid Mir (@HamidMirPAK) August 15, 2022

اسلام آباد (مانیٹرنگ ڈیسک )سینئر دفاعی تجزیہ نگار ریٹائرڈ جنرل امجد شعیب کو بھی آئی ایس پی آر نے میڈیا پر آنے سے روک دیا ۔ اس حوالے سے سینئر تجزیہ کار امجد شعیب نے نجی ٹی وی کو انٹرویو میں کہا ہے کہ میں اس صورتحال میں محسوس کرتا ہوں کہ میرے پاس بہت زیادہ ایسا

کچھ کہنے کیلئے نہیں ہےجس طرح کی مجھے آئی ایس پی آر نے ہدایات دیں ان کے مطابق میں کوئی خاص بھی نہیں کر سکتا ، مجھے پر پابندی لگائی کہ آپ ٹی وی چینلز پر نہیںجائیں گے اس لیے میں نے ٹاک شوز پر جانا بند کر دیا ہے ۔ سینئر تجزیہ کار کا کہنا تھا کہ میں اپنے چینل پر جو میرے پاس ٹاپک ہوتے ہیں ان پر بات کر کے انہیں اپ لوڈ کر دیتا ہوں ۔صحافی کا کہناتھا کہ عمران خان رجیم چینج کا اکثر ذکر کرتے ہیں کے جواب میں امجد شعیب کا کہنا تھا کہ یہی ایک نقطہ اختلافی میرا اور آئی ایس پی آر کا بھی باقیوں کا بھی ۔ میں اپنے تجربے کی بنیاد پر یہ سمجھتاہوں کہ یہ رجیم چینج ایک باقاعدہ سازش تھی ،جس کے تحت یہ سب ہوا ہے ، اس سازش میں بیرونی عناصر بھی شامل ہیں کیونکہ عمران خان کی پالیسز ایسی تھیں جو باہر کی مغربی دنیا کے بہت موافق نہیں تھیں ، اس لیے وہ بھی اس میں شامل ہوں گے لیکن ہمیں جو نظر آیا جس نے یہ کام کیا وہ تو یہی تھے جن کے ذریعے خریدو فروخت وہوئی ، اور انتہائی گھٹیا اور غیر مہذب طریقے سے لوگوں نے اپنے ضمیر کو بیچا ہے ، تو مجھے اس دکھ ہوا یہی وجہ ہے کہ آج پاکستان کی صورتحال ٹھیک نہیں ہے ، اس میں سب سے غلط چیز ہے وہ یہ ہے کہ آج جو حکومت ہے باوجود اس کے پوری دنیا پر واضح رہے کہ ان کو عوام حمایت بالکل بھی حاصل نہیں ہے ، لہذا وہ زبردستی اپنے آپ کو قائم رکھنے کیلئے ایسے ایسے غلط کام کر رہے ہیں جس سے ملک میں انتشار بڑھ رہا ہے اور ملک کے حالات مایوس حد تک خراب ہیں ۔ریٹائر جنرل امجد شعیب کو بھی ISPR نے میڈیا پے انے سے روک دیا ہے کیونکہ اُن کو بھی لگتا ہے رجیم چینج کے لئے باہر سے سازش ہوئی تھی اُس کے بدولت چوروں کا ٹولہ اقتدار میں ایا ہے۔