Tag: مریم نواز

لاہور(ویب ڈیسک) مسلم لیگ نواز کی نائب صدر مریم نواز کی ایک اور مبینہ آڈیو منظر عام پر آئی ہے جس میں وہ کسی سے ان کا کہنا نہ ماننے پر وزیراعظم سے شکایت کی دھمکی دے رہی ہیں۔ موجودہ حکومت میں کوئی بھی عہدہ نہ ہونے کے باوجود وزارت اطلاعات مریم نواز کے کنٹرول میں ہے، جس کی ایک

اور مثال سامنے آئی ہے۔ اس حوالے سے ذرائع کا کہنا ہے کہ میڈیا میں حکومتی اشتہارات کی بندر بانٹ میں مریم نواز کا پہلے بھی اہم کردار رہا ہے۔ مریم نواز کی اس آڈیو لیک میں کسی شخصیت سے گفتگو کرتے ہوئے ان کا کہنا ہے کہ میں میڈیا کو مینج کررہی ہوں، میرے ہاتھ کیوں باندھ کر رکھتے ہیں؟ نواز شریف کی صاحبزادی کا کہنا تھا کہ میں آپ کے اوپر ڈیپنڈ کرتی ہوں، میں نہیں جانتی ابھی سیکریٹری انفارمیشن اور پی آئی ڈی سے بات کریں۔ مریم نواز کا میں مزید کہنا تھا کہ ان کو کہیں اگر آپ نہیں مانتے تو مجھے پرائم منسٹر سے بات کرنی پڑے گی۔ادھراپنے ردعمل میں سابق وزیر اطلاعات فواد چوہدری نے کہا ہے کہ میں وزیراطلاعات ہوتا تو مریم نواز جیسی ہدایات ملتیں تو وزارت کو ٹھوکر مار دیتا۔ مسلم لیگ نواز کی نائب صدر مریم نواز کی ایک اور مبینہ آڈیو منظر عام پر آئی ہے جس میں وہ کسی سے ان کا کہنا نہ ماننے پر وزیراعظم سے شکایت کی دھمکی دے رہی ہیں۔ آڈیو لیک پر ردعمل دیتے ہوئے فواد چوہدری نے کہا کہ دیکھتے ہیں مریم اورنگزیب کوئی غیرت کا مظاہرہ کرتی ہیں یا نہیں۔ ایک بیان میں فوادچوہدری نے کہا کہ پنجاب میں اس وقت ایک مضحکہ خیزتماشا لگا ہوا ہے حمزہ شہباز کےپاس پنجاب اسمبلی میں اکثریت نہیں رہی تمام ادارے زور لگا رہے ہیں کیسےحمزہ کو وزیراعلیٰ برقرار رکھا جائے ایک ماہ سے زیادہ عرصہ گزرگیاپنجاب میں کوئی حکومت نہیں۔ ان کا کہنا تھا کہ صوبہ پنجاب میں اس وقت شدیدانتظامی بحران ہے قانون کہتاہے ممبران ڈی نوٹیفائی ہوں تومتبادل ممبران خودبخود نوٹیفائی ہوجائیں گے ہفتہ گزر گیا الیکشن کمیشن تحریک انصاف ممبران کونوٹیفائی نہیں کررہا سپریم کورٹ فیصلےکےبعدحمزہ شہباز کا الیکشن کالعدم ہو گیا ہے۔

لاہور(ویب ڈیسک) مسلم لیگ (ن) کی نائب صدر مریم نواز نے عمران خان کی پریس کانفرنس پر رد عمل میں کہا کہ عدالت کو چوکنا رہنا ہوگا اور ا س سیاسی لڑائی سے خود کو الگ رکھنا ہو گا ورنہ جانبداری کا تاثر ابھرے گا۔ ایک بیان میں مریم نواز نے کہاکہ دعوے 30 لاکھ کے اور تماشائی دس ہزار،

خان کی آئیں بائیں شائیں سوائے شرمندگی اور ناکامی کے اعتراف کے اور کچھ بھی نہیں۔ انہوں نے کہا کہ انقلاب اپنا راستہ خود بناتا ہے، پولیس کے روکنے سے نہیں رکتا، پولیس کو دیکھ کر دوڑ جانے والے انقلاب کو ڈوب مرنا چاہیے، بندے جمع نہ کرپانے پر عمران کی ذہنی حالت قابل رحم ہوگئی ہے۔ لیگی رہنما کا کہنا تھا کہ کھسیانی بلی کے پاس نوچنے کو کھمبا ہوتا ہے، عمران کے پاس وہ بھی نہیں، جس سپریم کورٹ کو وہ چند دن پہلے گالیاں دے رہے تھے، آج اسی کی آڑ میں انتشار کے ایجنڈے کی تکمیل چاہتے ہیں، عدالت کو کو چوکنا رہنا ہو گا، ا س سیاسی لڑائی سے خود کو الگ رکھنا ہو گا ورنہ جانبداری کا تاثر ابھرے گا۔دوسری طرف عمران خان نے پشاور میں پریس کانفرنس کرتے ہوئے عمران خان کا کہنا تھا کہ ہمیں پرامن احتجاج کرنے کی بھی اجازت نہیں دی گئی، رات کے اندھیرے میں لوگوں کے گھروں پر حملے کیے گئے۔ عمران خان کا کہنا تھا کہا جا رہا ہے کہ ہم انتشار کرنے کے لیے جا رہے تھے، کیا کوئی اپنے بچوں اور عورتوں کو لیکر جاتا ہے انتشار کرنے کے لیے، جس طرح سے بربریت کا مظاہرہ کیا گیا، یہ یزید کے فالوورز ہیں۔ انہوں نے کہا کہ اگر مجھے اپنی قوم کا خیال نہ ہوتا اور میں بیٹھ جاتا تو بہت خون خرابہ ہونا تھا، نفرتیں بڑھنی تھیں لیکن پولیس بھی ہماری ہے اس لیے ہم نے اپنے ملک کی خاطر فیصلہ کیا۔ ان کا مزید کہنا تھا کوئی نہ سمجھے کہ میری اسٹیبلشمنٹ سے کوئی ڈیل ہوئی ہے، اسے کوئی ہماری کمزوری نہ سمجھے، حکومت کو 6 روز دے رہا ہوں اگر الیکشن کا اعلان نہ ہوا تو بھرپور تیاری کے ساتھ جائیں گے

کیونکہ اس بار ہماری تیاری نہیں تھی۔ چیئرمین تحریک انصاف نے کہا کہ حکومت نے جو کچھ کیا اس سے ساری قوم کو پتہ لگ جانا چاہیے کہ کون اس قوم کی حقیقی آزادی کے لیے کھڑا ہے اور کون قومی اداروں کو آپس میں لڑانا چاہتا ہے۔ انہوں نے کہا کہ کیا احتجاج کرنا ہمارا جمہوری حق نہیں ہے، چیف جسٹس کو خط لکھا ہے کہ جمہوریت میں احتجاج کا حق ہے یا نہیں؟ اگر احتجاج کا حق بھی نہیں دیا جائے گا تو پھر کیا آپشن رہ جاتا ہے، 6 دن میں ہمیں پتہ چل جائے گا کہ سپریم کورٹ ہمارے حقوق کا تحفظ کرتی ہے یا نہیں، ہمیں عدالت سے پروٹیکشن چاہیے جو ہمارا حق ہے۔

لاہور(ویب ڈیسک) مسلم لیگ (ن) کی نائب صدر مریم نواز نے وزیر اعظم شہباز شریف کو عمران خان کو گرفتار نہ کرنے کا مشورہ دے دیا۔ لاہور میں پریس کانفرنس کرتے ہوئے مریم نواز نے کہا کہ وہ چاہتی ہیں کہ عمران خان کو گرفتار نہ کیا جائے، اسلام آباد آنے دیا جائے، دیکھیں کتنا دم ہے، کب تک بیٹھتے ہیں۔

انہوں نے چیئرمین پی ٹی آئی کو تنقید کا نشانہ بناتے ہوئے کہا کہ جس ڈی چوک میں جنم لیا تھا عمران کی سیاست اسی ڈی چوک میں ختم ہوگی۔ لیگی رہنما نے لاہور میں کانسٹیبل کی موت کا ذمے دار عمران خان کو قرار دیتے ہوئے کہا کہ کرسی کی ہوس میں بے چین عمران کو چاہیے کہ قوم کے بیٹوں کو گرمی اور لو میں سڑکوں پر لانے سے پہلے اپنے بیٹوں کو لندن سے بلوائیں اور فرنٹ لائن پر کھڑا کریں۔ یاد رہے کہ سابق وزیراعظم و پاکستان تحریک انصاف کے چیئرمین عمران خان نے ڈی چوک اسلام آباد پہنچنے کا اعلان کیاہے۔ لاہور میں پریس کانفرنس کرتے ہوئے مسلم لیگ ن کی نائب صدر مریم نواز کا کہنا تھا کہ عمران خان لانگ مارچ حکومت کے خلاف نہیں اسٹیبلشمنٹ کے خلاف کر رہے ہیں، عمران خان نے کہا کہ میں میر جعفر اور میر صادق کو پہچان گیا، یہ اس نے ہمیں نہیں کہا، یہ وہ اسٹیبلشمنٹ کو کہتا ہے۔ مریم نواز کا کہنا تھاکہ یہ کونسی آزادی چاہتے ہیں؟ عمران خان نے کرسی اور فرح گوگی کا نام آزادی رکھا ہوا ہے، عدلیہ کو بہت ادب سے یہ بات کہناچاہتی ہوں، یہ روایت مت ڈالیں کہ جو شخص سب سے بڑھ کر اداروں کو گالیاں نکالے گا، اسی کے حق میں فیصلے ہوں گے، قوم کے حق میں فیصلے کریں، ملک کے حق میں فیصلےکریں، سوشل میڈیا کو مت دیکھیں، میڈیا کو مت دیکھیں اورقوم کے مستقبل کے حق میں فیصلےکریں۔ نائب صدر ن لیگ کا کہنا تھا کہ عمران خان پاکستانی قوم کے بچوں کو ترغیب دے رہے ہیں کہ ڈنڈے اور مار کھاؤ، آزادی کی تحریک ہے تو لاؤ اپنے بچوں کو ، ورنہ آزادی کا بھاشن نہیں مانتے، اپنے بچوں کو لندن میں بٹھادیا، قوم کے بچے لو کے تھپیڑے کھائیں،جب نیب کے دفتر میں مجھ پر پتھراؤ ہوا تو چھپ کر نہیں بیٹھی، کارکنوں کو آگے نہیں کیا۔

لاہور(ویب ڈیسک) مسلم لیگ (ن) کی نائب صدر مریم نواز نے عمران خان کے امریکی حکومت سے مطالبے پر ردعمل دیا ہے۔ سابق وزیراعظم عمران خان نے امریکی ٹی وی کو دیے گئے انٹرویو میں امریکی نائب وزیر خارجہ ڈونلڈ لو کو عہدے سے ہٹائے جانے کا مطالبہ کیا تھا۔ سماجی رابطے کی ویب سائٹ پر مریم نواز نے

اس سے متعلق خبر پر تبصرہ کیا اور شدید ہنسی کا ایموجی شیئر کیا۔انہوں نے کہا کہ اب یہ امریکی حکومت سے استعفیٰ مانگے گا تو پھر یہ وائٹ ہاؤس کے سامنے دھرنا دے گا۔یاد رہے سابق وزیر اعظم عمران خان نے تحریک انصاف کی حکومت کو تحریک عدم اعتماد سے ہٹانےکی مبینہ بات کرنے والے نائب امریکی وزیر خارجہ ڈونلڈ لوکو عہدے سے ہٹانےکا مطالبہ کردیا۔ امریکی ٹی وی کو انٹرویو میں عمران خان نےکہا کہ امریکی نائب وزیرخارجہ نے7مارچ کو پاکستانی سفیر سے بات کی،امریکی نائب وزیر خارجہ نےکہا ہماری حکومت کو عدم اعتماد سے ہٹایا جائے، اس امریکی نائب وزیر خارجہ کو عہدے سے ہٹایا جانا چاہیے۔ ان کا کہنا تھا کہ عدم اعتماد سے پہلے اسلام آباد میں امریکی سفارت خانہ میری پارٹی کے بیک بینچر سے رابطےمیں تھا، امریکی نائب وزیرخارجہ کی بات پاکستان کے معاملات میں کھلی دخل اندازی تھی۔ عمران خان کا کہنا تھا کہ غیر مقبول حکومت آتی ہے تو لوگوں کا غصہ امریکا کی طرف جاتا ہے، ٹرمپ انتظامیہ سے میرے اچھے تعلقات تھے، بائیڈن کے آتے ہی اور افغان انخلا کے باعث امریکی انتظامیہ نے ان سے رابطہ نہیں کیا۔ چیئرمین تحریک انصاف کا کہنا تھا کہ بھارت جب روس سے تیل لیتا ہے تو امریکا کو کوئی مسئلہ نہیں ہوتا، میں نے ایساکرنےکی کوشش کی تومجھ پرامریکا مخالف ہونےکا الزام لگا، میرا دورہ روس یوکرین جنگ سے بہت پہلے طے تھا، ہماری فوج کو اسپیئر پارٹس چاہیے تھے، تیل پائپ لائن پر بات کرنا تھی۔ عمران خان نےمزیدکہا کہ وہ اگلے انتخابات میں حصہ لیں گے اور ان کی جماعت ملک کی سب سے بڑی پارٹی بن کر ابھرے گی

لاہور(ویب ڈیسک) پاکستان مسلم لیگ ن کی نائب صدر مریم نواز سے جیل کی زندگی اور صعبتوں پر کتاب لکھنے کا مطالبہ کیا گیا ہے۔ مائیکرو بلاگنگ ویب سائٹ ٹوئٹر پر ایک صارف کی جانب سے مریم نواز شریف سے مطالبہ کیا گیا ہے کہ ’میڈم، آپ کتاب لکھیں، آپ کو جو کٹہرے میں لایا گیا، جو آپ پر گزری، جیل کی داستانیں، ساری دھمکیاں، میم اب لکھ ڈالیں۔

‘ اس ٹوئٹ کو مریم نواز کی جانب سے ناصرف ری ٹوئٹ کیا گیا بلکہ جواب بھی دیا گیا ہے۔ مریم نواز نے اس ٹوئٹ کا جواب دیتے ہوئے لکھا ’سب باتیں کروں گی قوم سے ایک دن!‘

گجرات(ویب ڈیسک) مسلم لیگ ن کی نائب صدر مریم نواز کا کہنا ہےکہ عمران خان تمہارا رونا بتارہا ہےکہ اسٹیبلشمنٹ نے تمہارا نمبر بلاک کردیا ہے، جس نمبر پر تم فون کرتے ہو وہ نمبر بدل گیا ہے، الیکشن تب ہوں گے جب ہمارا قائد لندن سے فیصلہ کرےگا۔ گجرات میں جلسے سے خطاب کرتے ہوئے مریم نواز کا کہنا تھا کہ عمران خان

تمہارے ہاتھ سے گیم ہمیشہ کے لیے نکل گئی، عمران خان تمہارا گیم ہمیشہ کے لیے ختم ہوگیا، جب تم اُس نمبر پر فون کرتے ہو تو آواز آتی ہے آپ کو مطلوبہ سہولت میسر نہیں، نوازشریف الیکشن سےنہیں ڈرتا، الیکشن میں جانےکاشوق تھا توعدم اعتمادکی کامیابی سے پہلے الیکشن میں جانےکا کہتے،عمران خان نے اپنے پاؤں پر خودکلہاڑا چلا لیاہے، اب الیکشن تب ہوں گےجب ہمارا قائد لندن سے فیصلہ کرےگا۔ مریم نواز کا کہنا تھا کہ جب عمران خان عوام میں جائے گا تو اس کو آواز آئے گی رانگ نمبر، الیکشن تب ہوں گے جب ہمارا قائد لندن سے فیصلہ کرےگا، پہلا آدمی ہے جو کہتا ہے پاکستان پر ایٹم بم پھینک دو، جب تک نواز شریف موجود ہے پاکستان کو آنچ نہیں آئےگی۔ نائب صدر ن لیگ کا کہنا تھا کہ میرابس چلےتو عمران خان کا نام کبھی زبان سےنہ لوں، عمران خان جیسے ڈرامےکا نام لینا پڑتا ہےتو دل کو تکلیف ہوتی ہے، اس فتنےکے شر سے اپنی عوام کوبچاؤں گی، عمران خان کارونادھونااور چیخ وپکارسنتی ہوں توبچپن کےدن یاد آجاتےہیں، جس بچےنےامتحان کی تیاری نہیں کی ہوتی تھی وہ کہتا تھا امی میر ا پیٹ خراب ہوگیا، امی مجھےبخارہوگیا،ابومجھے زکام ہوگیا، عمران خان بھی اس بچےکی طرح بہانےکر رہاہے، چارسال کھیل کودمیں وقت ضائع کیا، امتحان کاوقت آیاتوکہا جعلی خط آگیا۔ نائب صدر ن لیگ کا کہنا تھا کہ میرابس چلےتو عمران خان کا نام کبھی زبان سےنہ لوں، عمران خان جیسے ڈرامےکا نام لینا پڑتا ہےتو دل کو تکلیف ہوتی ہے، اس فتنےکے شر سے اپنی عوام کوبچاؤں گی، عمران خان کارونادھونااور چیخ وپکارسنتی ہوں توبچپن کےدن یاد آجاتےہیں، جس بچےنےامتحان کی تیاری نہیں کی ہوتی تھی وہ کہتا تھا امی میر ا پیٹ خراب ہوگیا، امی مجھےبخارہوگیا،ابومجھے زکام ہوگیا، عمران خان بھی اس بچےکی طرح بہانےکر رہاہے، چارسال کھیل کودمیں وقت ضائع کیا، امتحان کاوقت آیاتوکہا جعلی خط آگیا۔
ان کا کہنا تھا کہ جعلی خط کی موت ہوگئی تو بین الاقوامی سازش آگئی، بین الاقوامی سازش پٹ گئی توکہتا ہے میری جان کو خطرہ ہے،کرسی پربیٹھےرہے تو نہ کوئی خط تھا نہ جان کو خطرہ تھا، ویڈیو ہےتو سامنےلائیں، راناثنا اللہ ویڈیو منگوائیں، حادثے کا انتظار نہ کرو،حادثے سے پہلے ویڈیو لائی جاتی ہے، ویڈیولاؤپھر نوازشریف کا ظرف دیکھنا وہ شہباز شریف سےزیادہ سکیورٹی دےگا،امریکا میں تم کہتے تھےنواز شریف کا جیل سے اے سی اترواؤں گا، نواز شریف نے تمہاری گالی بھی سنی، نوازشریف الیکشن مہم روک کر اسپتال میں تمہاری خیریت بھی پوچھنے گیا تھا۔ انہوں نے کہا کہ تمہارےکھانے میں کوئی زہر ملائےگا تو وہ تمہارےخاندان والا ہوگا، نواز شریف اپنے گھر کا کھانا نہیں کھاتا تھا، نواز شریف کا کھانا عمران خان کی طرف سے آتا تھا، نواز شریف کو عمران خان کی جیل میں موت کی کشمکش میں کس نے پہنچایا۔

اسلام آباد(ویب ڈیسک) پاکستان تحریک انصاف (پی ٹی آئی) کے رہنما فواد چوہدری نے مسلم لیگ ن کی نائب صدر مریم نواز کو لیگل نوٹس بھجوانے کا اعلان کردیا۔ فواد چوہدری نے مریم نواز کی پریس کانفرنس کا سکرین شاٹ شیئر کیا جس میں ان کی جانب سے یہ دعویٰ کیا گیا ہے “فواد چوہدری نے رشتہ داروں کو بھاری

تنخواہوں پر بھرتی کیا۔” مریم نواز کے اس الزام پر فواد چوہدری نے ان رشتہ داروں کے نام مانگ لیے جن کو مبینہ طور پر بھاری تنخواہوں پر بھرتی کیا گیا۔ انہوں نے کہا “مریم نواز مجھے 24 گھنٹوں میں ان رشتہ داروں کا نام بتا دیں جن کو میں نے نوکریاں دیں ایسا نہ کرنے کے صورت میں میں ان کو لیگل نوٹس بجھوا رہا ہوں۔”یاد رہے مریم نواز کا میڈیا سے گفتگو میں کہنا تھا کہ ’نیب کے پاس میرے خلاف کوئی ثبوت نہیں، اگر ثبوت ہوتا تو دس مہینے بڑا عرصہ ہوتاہے لیکن کبھی نیب کو کورونا ہوتا ہے تو کبھی وکیل بدلتے ہیں، آج بھی ان کے وکیل نہیں آئے، نیب کے پاس کوئی سراغ نہیں، اگر نیب کے پاس ثبوت نہیں‘۔مریم نواز نے مزید کہا کہ ’جتنی بڑی سازش عمران کی شکل میں پاکستان سے ہوئی، اس کے عوام کے خلاف ہوئی، اتنا تو کوئی پاکستان کے ساتھ نہیں کرسکتا تھا، آج ڈاکٹر اسرار اور شہید حکیم سعید کی بات یاد آرہی ہےکہ عمران کو ملک کو خراب کرنے کے لیے تیار کیا جارہا ہے، مجھے وہ بات آج سمجھ آئی‘۔لیگی رہنما نے کہا کہ ’چار سال میں معیشت برباد کرنے والے ذمہ داری چار ہفتوں کی حکومت پر ڈال رہے ہیں، چار سال میں 105 سے 189 میں ڈالر پہنچایا، پہلے اس کا حساب دو، آئل ڈیزل کی قیمت کو روکے رکھا کیونکہ آپ کو نظر آرہا تھا کہ آپ کی حکومت جارہی ہے، آپ نے ملک کو دیوالیہ ہونے کے قریب لا کھڑا کیا، انہیں پریس کانفرنس کرتے ہوئے شرم نہیں آتی‘۔مریم نواز نے کہا کہ ’جب کرکٹ کے میدان سے کسی کھلنڈرے کو حکومت میں پہنچائیں گے تو وہ یہی کرےگا، اسے نہیں پتا کہ معیشت کس چیز کا نام ہے، چار سال میں پاکستان کو چار سو سال پیچھے کرگیا، اب ہماری حکومت اور اتحادیوں کو دیکھنا چاہیے کہ عمران کے گناہوں کا ٹوکرا اپنے سرپر نہیں اٹھانا چاہیے، انہیں عوام میں جاکر جواب دینے دیں ان کی کارکردگی کیا ہے‘۔

اسلام آباد(ویب ڈیسک) ائب صدر مسلم لیگ (ن)کا کہنا ہے کہ میری پارٹی کے لوگوں کو سوچنا ہوگا کہ وہ عمران خان کے گناہوں کا بوجھ اپنے سر کیوں لیں؟۔ میڈیا سے گفتگو کرتے ہوئے مریم نواز شریف کا کہنا تھا کہ آج جو بھی ملکی حالات ہیں ان کی وجوہات کا ایک ہی نام ہے اور وہ عمران خان ہے ،

میں نے کل بھی پارٹی اجلاس میں کہا ہے کہ عمران خان کو جانے دیں عوام میں لوگ خود پوچھیں گے کیونکہ آج ڈالر 190پر اس کی وجہ عمران خان ہے ،آج مہنگائی عروج پر اس کی وجہ عمران خان ہے ۔ نائب صدر مسلم لیگ (ن )کا کہنا تھا کہ نیب میں میری اپیل کو ایک سال ہو نے کو ہے،میں نے پاکستان تحریک انصاف کے دور میں درخواست دی تھی کہ روزانہ کی بنیاد پر میری درخواست پر سماعت ہوں ،کبھی کہاجاتا کہ کورونا ہو گیا، کبھی وکیل تبدیل ہو جاتا ، بات یہ ہے کہ ان کے پاس میرے ثبوت نہیں ہیں ۔10 مہینے بہت ہوتے ہیں ثبوت تلاش کرنے کیلئے ثبوت نکال کر ججز کے سامنے رکھتے ، میری چیف جسٹس اطہر من اللہ سے اپیل ہے کہ اگر نیب کے پاس میرے خلاف ثبوت نہیں ہیں تو نیب کو کٹہرے میں کھڑا کیا جائے ،نیب کی اس اذیت کا نوٹس لیں ،” جسٹس ڈلیڈ از جسٹس ڈنائیڈ“،میں نے اگر کوئی جرم کیا ہے تو مجھے ٹانگ دیں اگر نہیں کیا تو نیب کو اس کیلئے جواب دہ ہونا ہو گا۔ مریم نواز شریف کا مزید کہنا تھا کہ الیکشن ہی موجودہ مسائل کا واحد حل ہے ،مخلوط حکومت بڑے فیصلے نہیں کر سکتی اس لیے پاکستان کے عوام سے کہوں گی کہ جب بھی الیکشن ہوں نواز شریف کو دو تہائی اکثریت سے جتوائیںتا کہ وہ پاکستان کی خدمت کر سکیں ۔ان کا کہنا تھا کہ جتنی بڑی سازش پاکستان کیخلاف عمران خان کی شکل میں ہوئی ہے اتنی بڑی سازش پوری دنیا مل کر بھی نہیں کر سکتی،لوگ جانتے ہیں کہ ڈالر عمران خان کی وجہ سے 190پر پہنچا، آج جو مہنگائی ہے یہ عمران خان کی وجہ سے ہے اور لوگ یہ جانتے ہیں اب آپ کا مہنگائی کا چورن نہیں بکے گا۔

لاہور(ویب ڈیسک) مسلم لیگ (ن) کی نائب صدر مریم نواز کو سیکیورٹی دینے کی منظوری دے دی گئی ، مریم نواز کی سیکیورٹی پر پولیس کے ساتھ رینجرز اہلکار بھی سیکیورٹی پر مامور ہوں گے ۔ وزارت داخلہ نے مریم نواز کو سیکیورٹی دینے کی منظوری دی ، مریم نواز کی رہائشگاہ پر بھی سیکیورٹی فراہم کی جائے گی ،

سیکیورٹی وزارت داخلہ کی سفارش پر دی گئی ہے ۔ پولیس کے ساتھ رہنجرز اہلکار بھی مریم نواز کی سیکیورٹی پر مامور ہوں گے ۔ دوسری طرف پاکستان پیپلز پارٹی کے رہنما اور سابق وزیراعظم عمران خان کے معاون خصوصی ندیم افضل چن نے دعویٰ کیا ہے کہ عمران خان نے جنرل باجوہ کوایکسٹینشن منتیں کرکے دی تھی۔ نجی نیوز چینل کے پرو گرام میں گفتگو کرتے ہوئے انہوں نے کہا کہ سابق وزیراعظم عمران خان نے آرمی چیف کو منتیں کرکے ایکسٹینشن دی تھیں،عمران خان نے بعد میں کسی اور کو آرمی چیف لگانا تھا تو وقت کا حساب لگا کر جنرل باجوہ کی مدت ملازمت میں توسیع کی، یہ تو 2028 تک حکومت بنا کر بیٹھے تھے۔ ان کا خوابوں کا محل 2028 تک تیار تھا جو ٹوٹ گیا۔ ندیم افضل چن نے مزید کہا کہ اسٹبلشمنٹ، عدلیہ،الیکشن کمیشن میں کون کون ہو گا کس کس کوسائیڈ پر کرنا ہے سب طے تھا،یہ بھی سوچ لیا گیا تھا کہ آرمی چیف، ڈی جی آئی ایس پی آر اور ڈی جی آئی ایس آئی کس کو لگانا ہے۔ جو چیف جسٹس ان کے خلاف تھے ان کے خلاف ریفرنس لانے کا فیصلہ کیا تھا۔ سوچ لیا گیا تھا کہ کس کو سپریم کورٹ کا جج بننا چاہیے۔ جو ان کے خلاف بولتے تھے ان کو اسلام آباد ہائیکورٹ کا جج نہیں بننا چاہئیے،اس حوالے سے سب کوبریف کیا جا چکا تھا لیکن ادارے پیچھے ہٹ گئے اور ان کے تمام خوابوں کے محل ٹوٹ گئے۔ندیم افضل چن نے مزید کہا کہ آج عمران خان کے ساتھ وہ لوگ موجود ہیں جن کو وہ میٹنگز میں گالیاں دیا کرتے تھے۔ پاکستان پیپلز پارٹی کے رہنما اور سابق وزیراعظم عمران خان کے معاون خصوصی ندیم افضل چن نے دعویٰ کیا ہے کہ عمران خان نے جنرل باجوہ کوایکسٹینشن منتیں کرکے دی تھی۔ نجی نیوز چینل کے پرو گرام میں گفتگو کرتے ہوئے انہوں نے کہا کہ سابق وزیراعظم عمران خان نے آرمی چیف کو منتیں کرکے ایکسٹینشن دی تھیں،ادھر وزیر خارجہ بلاول بھٹو نے آئین شکنی سے متعلق کمیشن بنانے کا مطالبہ کردیا

اسلام آباد(ویب ڈیسک) وزیراعظم شہباز شریف نے کہا ہے کہ مریم نواز نے فتح جنگ میں جلسے میں سابقہ آئی ایس آئی چیف کا جو نام لیا اس میں ادارے پر تنقید مقصود نہیں تھی، لہذا انکے اس بیان کو سیریس ناں لیا جائے، شہبازشریف نے یہ بات گزشتہ روز اینکرز سے ملاقات کے دوران کہی ۔ ایک سینیئر تجزیہ نگار نے

کہا کہ وزیراعظم کا کہنا تھا کے وہ اداروں کے سیاست میں مداخلت کے حق میں بالکل نہیں ہیں۔ذرائع کے مطابق اس میٹنگ کا مقصد وزیراعظم کا میڈیا کو اعتماد میں لینا تھا کہ وہ تیار رہیں کیونکہ تیل کی قیمتیں ناں بڑھانا ناگزیر ہے، لہذا میڈیا مثبت رول پلے کرے ، معاشی صورتحال بڑے گھمبیر ہیں، حکومت کو کچھ بڑے اور سخت فیصلے کرنے پڑیں گے ۔ اس موقع پر نئے انتخابات کے متعلق سوال پر وزیراعظم کا کہنا تھا کہ ہم اتحادی حکومت ہیں اور تمام اتحادیوں کے باہمی مشورے سے ہی نئے انتخابات کی تاریخ دی جائے گی ۔ حمزہ شہباز سے متعلق سوال پر شہباز شریف کا کہنا تھا کہ یہ انکا نہیں بلکہ پارٹی کا فیصلہ تھا کہ حمزہ شہباز کو وزیراعلی پنجاب بنایا جائے، حالانکہ ہم نے پرویزالہی کو بھی وزیراعلی پنجاب بنانے کیلئے مشاورت کر لی تھی لیکن وہ پی ٹی آئی کیساتھ جا ملے، اب حمزہ کو اپنے انتخاب کو پنجاب میں ترقیاتی کاموں سے ثابت کرنا ہو گا کہ وہ اچھا انتخاب ہیں۔ شہبازشریف کا کہناتھاکہ چار سال سے میرے خلاف انکوائریاں چل رہی ہیں، لیکن کوئی بھی ثابت نہیں ہوا ، پی ٹی آئی حکومت سے چین کی حکومت خوش نہیں تھی، کیونکہ بڑے پراجیکٹس میں تاخیر ہو رہی تھی، اب امید ہے کے ہماری حکومت چائنہ کیساتھ تعلقات میں بہتری لائیگی۔ادھر ایک اور خبر کے مطابق) شہباز شریف سمیت مختلف مشہور مقدمات کی انکوائری کرنے والے سابق ڈائریکٹر ایف آئی اے ڈاکٹر رضوان انتقال کرگئے۔ ڈاکٹر رضوان کو لاہور میں دل کا دورہ پڑا جس سے وہ زندگی کی بازی ہار گئے۔ وہ جوہر ٹاؤن کے رہنے والے تھے۔ ان کی پہچان ایک دلیر اور فرض شناس افسر کے طور پر تھی۔ وہ شہباز شریف کیخلاف انکوائری کررہے تھے اور موجودہ حکومت نے اقتدار میں آتے ہی انہیں عہدے سے ہٹادیا تھا۔ وہ شوگر مافیا کیخلاف تحقیقات کرنے والی جوائنٹ انوسٹی گیشن ٹیم کے سربراہ بھی تھے اور مافیا کے دباؤ پر انہیں ہٹایا گیا تھا۔

فتح جنگ(ویب ڈیسک) مسلم لیگ (ن) کی نائب صدر مریم نواز نے کہا ہے کہ بے فیض ہوتے ہی عمران خان کی حکومت دھڑام سے ختم ہوگئی جس کے بعد اُسے دکھنا اور سنائی دینا بند ہوگیا۔ ں مسلم لیگ ن کے جلسے میں شرکا سے خطاب کرتے ہوئے مریم نواز

نے کہا کہ کل عمران خان نے خود بولا کہ اُسے سازش کا علم تھا اور اصل مسئلہ ایک آفیسر کی تعیناتی کا تھا۔ مریم نواز نے کہا کہ عمران خان نے بیرونی سازش اور خط کا کہہ کر قوم کو دھوکا دیا اور حالیہ انٹرویو میں خود اپنے ہی جھوٹ کا پول کھول کر بتایا کہ ’مجھے حکومت ختم کرنے کی سازش کا ایک سال پہلے ہی علم ہوگیا تھا، بے فیض ہوتے ہی عمران خان کا اقتدار دھڑام سے ختم ہوگیا جس کے بعد اب وہ سُننے اور دیکھنے سے بھی قاصر ہے اور وہ دماغی توازن بھی کھو بیٹھا ہے‘۔انہوں نے کہا کہ علیمہ کتنی بدنصیب بہن ہے جس کو بچانے کے لیے عمران خان نے کبھی کوئی بیان نہیں دیا مگر فرح کو ٹی وی پر بیٹھ کر بے گناہ قرار دے کر اُس کے حق میں دلائل دیے، عمران خان نے راتوں رات پولیس کے پہرے میں اُسے پاکستان سے فرار کروایا مگر کوئی بات نہیں وزیر داخلہ رانا ثنا اللہ اُسے ڈھونڈ کر پاکستان لے آئیں گے اور سارا حساب کریں گے۔ مریم نواز نے کہا کہ عمران خان نے فرح خان کے پیسے کو کامیاب کاروبار کی وجہ بتایا، کیا بائیس کروڑ لوگوں میں صرف فرح خان ہے جس کے ساڑھے تین سالوں میں اتنے زیادہ اثاثے بڑھ گئے، اگر فرح خان کا کامیاب کاروبار تھا تو وہ دبئی کیوں فرار ہوئی۔ ن لیگ کی صدر کا کہنا تھا کہ قوم کو انڈوں، مرغیوں اور لنگر خانوں کے پیچھے لگا کر انہوں نے لوٹ مار کی،

عمران خان خود توشہ خانہ لوٹتا رہا، جاتے وقت بھی 15 کروڑ روپے مالیت کی گاڑی اپنے ساتھ لے گیا اور پھر وزیراعظم ہاؤس سے مزید ایک جدید گاڑی کا تقاضہ کیا۔ انہوں نے کہا کہ پاکستان میں جتنے بھی وزرائے اعظم آئے سب کو جاتے وقت بلٹ پروف گاڑیاں دی گئیں مگر صرف دو وزیراعظم ایسے تھے جنہوں نے جاتے وقت گاڑیاں نہیں لیں، پہلا نوازشریف اور دوسرا شاہد خاقان عباسی ہے۔ انہوں نے کہا کہ عمران خان پر غیرملکی فنڈنگ کیس میں اربوں روپے کا غبن ثابت ہوچکا ہے، اب جب اس کیس کا فیصلہ آنے والا ہے تو کیوں چیف الیکشن کمشنر سے استعفے کا مطالبہ کیا جارہا ہے جبکہ چیف الیکشن کمشنر عمران خان نے خود لگایا، اب جب چوری پکڑی گی تو استعفی کا مطالبہ کیا جارہا ہے۔ مریم نواز کا کہنا تھا کہ چیف الیکشن کمشنر کوئی استعفیٰ نہیں دے گا بلکہ عمران خان کو اپنی چوریوں کا حساب دینا پڑے گا، اس کی سیاست بھی ہمیشہ ختم ہونے والی ہے اب کہتا ہے کہ اسلام آباد چلومگر یہ وہاں بھی ناکام ہوگا۔ مسلم لیگ ن کی نائب صدر نے مزید کہا کہ عمران خان کو کرسی جانے کا دکھ نہیں بلکہ شہباز شریف کے وزیراعظم بننے کی تکلیف ہے مگر اب اس کی عادت ڈالنی پڑے گی اور بقیہ زندگی اسی کے ساتھ گزارنا ہوگی کیونکہ آنے والا دور نواز شریف اور مسلم لیگ ن کا ہے۔

روالپنڈی(ویب ڈیسک) شیخ رشید نے سوشل میڈیا پر جاری پوسٹ میں لکھا کہ کم و بیش 100 ملزم، منی لانڈرر اور کیسوں میں مطلوب چارٹرڈ طیاروں میں اور اسٹینڈ بائی 777 جہاز کے انتظامات کے ساتھ سعودی عرب جا رہے ہیں۔ سابق وفاقی وزیر نے اپنی پوسٹ میں مزید لکھا کہ

علماء کرام ہی بتا سکتے ہیں کہ اس عمرے کی دینی، آئینی اور قانونی حیثیت کیا ہوگی لیکن عمرے پر موجود پاکستانیوں کے امپورٹڈ حکومت کے بارے میں نفرت بھرے جذبات ان کی آنکھوں میں دیکھے اور زبان سے ٹی وی پر دیکھے جا سکتے ہیں۔ شیخ رشید نے کہا کہ چور چور ہوتا ہے چاہے مکہ مدینہ کیوں نہ چلا جائے، عوام کی بارود سے بھری نظریں چوروں کا پیچھا کر رہی ہیں، عنقریب اللہ خیر کرے گا اور قوم جلد خوشخبری سنے گی۔

لاہور(ویب ڈیسک) پاکستان مسلم لیگ ن کی مرکزی نائب صدر مریم نواز نے کل سے لاہور کے مختلف حلقوں کے دورے کرنے کا اعلان کردیا۔مریم نواز کا کہنا تھاکہ لاہور کے مختلف علاقوں کے دورے نوازشریف اور شہباز شریف کی ہدایت پر کروں گی۔انہوں نے کہا کہ دوروں کے دوران کارکنوں سے ملاقات کروں گی،

آج شام حلقہ این اے 128 میں افطار کے بعد کارکنوں کے درمیان ہوں گی۔ان کا کہنا تھاکہ عید کے بعد جلسوں کا شیڈول بھی تیار ہے۔

لاہور(ویب ڈیسک) مریم نواز کی پاسپورٹ واپسی کی درخواست پر سماعت کرنے والا بینچ ٹوٹ گیا ، بینچ کے جسٹس فاروق حیدر نے کیس سننے سے معذرت کی ۔ مریم نواز نے لاہور ہائیکورٹ میں عمرہ ادائیگی کیلئے پاسپورٹ واپسی کی درخواست دائر کر رکھی ہے جس کی سماعت کیلئے چیف جسٹس لاہور ہائیکورٹ نے

دو رکنی بنچ تشکیل دیا تھا ، پہلے بینچ نے یہ ریمارکس دیتے ہوئے سماعت سے معذرت کر لی کہ مریم نواز کا کیس جسٹس علی باقر نجفی نے سنا تھا ، بہتر ہے وہی اس کیس کی سماعت کریں ، اس کے ساتھ ہی بینچ کی جانب سے فائل چیف جسٹس لاہور ہائیکورٹ کو واپس بھجوا دی گئی ۔ چیف جسٹس لاہور ہائیکورٹ نے جسٹس علی باقر نجفی کی زیر سربراہی جسٹس فاوق حیدر پر مشتمل بینچ کو درخواست سماعت کیلئے دی ، آج جسٹس فاروق حیدر نے بھی کیس کی سماعت سے معذرت کر لی ، جس پر جسٹس علی باقرنجفی نےکیس کی فائل چیف جسٹس کوبھجوادی۔ ادھر مریم نواز کی پاسپورٹ واپسی کی درخواست پر نیب نے جواب جمع کرا دیا اور مریم کی درخواست کی مخالفت کر دی ۔ نیب کی جانب سے کہا گیا کہ مریم نواز کی ضمانت کا فیصلہ سپریم کورٹ میں چیلنج کر رکھا ہے ، مریم نوازکی ضمانت منسوخی کی درخواست بھی دائرکی ہے۔ نیب کی جانب سے استدعا کی گئی کہ مریم نواز کی پاسپورٹ واپسی کی درخواست مستردکی جائے۔

لاہور(ویب ڈیسک) لاہور ہائیکورٹ میں مریم نواز کی پاسپورٹ واپسی کی درخواست پر وکیل احسن بھون نےکہا کہ مریم نواز عمرہ پر جانا چاہتی ہیں ، یہ نیکی کاکام ہے ۔ جسٹس علی باقر نجفی نےریمارکس دیے کہ ” نیکی کر دریا میں ڈال”۔ فاضل جسٹس کے ریمارکس پر کمرہ عدالت قہقہوں سے گونج اٹھا ۔

مریم نواز کی پاسپورٹ واپسی کی درخواست پر سماعت جسٹس علی باقر نجفی اور جسٹس فاروق حیدر نے کی ، مریم نواز کے وکیل احسن بھون اور نیب کے وکیل فیصل بخاری عدالت میں پیش ہوئے ۔ لاہور ہائیکورٹ نے مریم کی متفرق درخواست پر وفاق سے ای سی ایل رولز سے متعلق جواب طلب کیا ، عدالت نے نیب کو بھی کل کیلئے نوٹس جاری کر دیا۔ مریم نواز کے وکیل احسن بھون نے کہا کہ میری موکلہ کی درخواست اس عدالت کے سامنے صرف پاسپورٹ واپسی کی حد تک ہے ، ای سی ایل میں نام کے حوالے سے حکومت دیکھے گی ۔ جسٹس علی باقر نجفی نے ہدایت کی کہ ای سی ایل کے جو رولز بنے ہیں وفاقی حکومت کے وکیل پیش کریں ۔ نیب کے وکیل نے عدالت کو بتایا کہ نیب نے مریم نواز کی ضمانت کو چیلنج کیا ہوا ہے ، ہائیکورٹ کے فیصلے کے خلاف نیب کی اپیل زیر سماعت ہے ۔ جسٹس علی باقر نجفی نے کہا کہ آپ ضمانت کے خلاف اپیل پر سماعت کرانا بھی نہیں چاہتے جس پر وکیل نیب نے کہا کہ ہم چاہتے ہیں اس معاملے پر سماعت ہو مگر اب تک کیس سماعت کیلئے مقرر نہیں ہوا۔

لاہور(ویب ڈیسک) مسلم لیگ ن کی مرکزی نائب صدر مریم نواز نے عمرے پر جانے کی اجازت کے لیے لاہور ہائیکورٹ سے رجوع کر لیا۔لاہور ہائیکورٹ کا 2رکنی بینچ مریم نواز کی درخواست پر آج سماعت کرے گا۔مریم نواز نے اپنی درخواست میں مؤقف اختیار کیا ہے

کہ عدالتی حکم پر پاسپورٹ سرنڈر کر رکھا ہے، عمرے کی ادائیگی کے لیے سعودی عرب جانا چاہتی ہوں لہذا عمرے کی ادائیگی کے لیے جانے کی اجازت دی جائے۔یاد رہے کہ لاہور ہائیکورٹ نے چوہدری شوگر ملز کیس میں مریم نواز کو پاسپورٹ سرنڈر کرنے کا حکم دیا تھا۔