Tag: شیخ رشید

اسلام آباد(ویب ڈیسک) عوامی مسلم لیگ کے سربراہ شیخ رشیدکا کہنا ہےکہ اگلے مہینے جب لوگ نکلیں گے تو وہ کسی کے کہنے پر بھی واپس نہیں جائیں گے۔ شیخ رشید کا کہنا تھا کہ ایک ووٹ کی اکثریت، بیساکھیوں کا سہارا اور آئی ایم ایف کی خیرات ،کیسے چلےگی یہ حکومت ؟ حکومت پر تنقید کرتے ہوئے شیخ رشیدکا کہنا تھا کہ

یہ اپنے کیس ختم کروائیں گے اورگھر چلے جائیں گے ۔ سربراہ عوامی مسلم لیگ کا کہنا تھا کہ موجودہ صورت حال میں کوئی سیاسی حل نہ نکلا تو کوئی اور حل نکلےگا، یہ حکومت آئینی مدت پوری نہیں کرےگی۔دوسری طرف چیئرمین تحریک انصاف عمران خان کا کہنا ہے کہ بیرونی سازش کے ذریعے امپورٹڈ حکومت کو ہم پر مسلط کیے جانے کے بعد پاکستان ہمیشہ کے لیے بدل گیا ہے۔ سوشل میڈیا پر جاری بیان میں عمران خان نے لکھا کہ لانگ مارچ کے دوران کنٹینر پر 26 مئی کی رات ایک بجے سے صبح 8 بجے تک 7 گھنٹوں کے دوران جو دیکھا وہ میں پہلے ہی محسوس کر چکا تھا۔ عمران خان نے ٹوئٹر پر مزید لکھا کہ جب سے بیرونی سازش کے ذریعے ہم پر امپورٹڈ حکومت مسلط کی گئی ہے اس وقت سے پاکستان ہمیشہ کے لیے بدل گیا ہے۔ چیئرمین تحریک انصاف نے مزید کہا کہ بالآخر ذہنی غلامی کا طوق ہمیشہ کے لیے ٹوٹ گیا ہے۔ یاد رہے کہ سابق متحدہ اپوزیشن نے اس وقت کے وزیراعظم عمران خان کے خلاف 8 مارچ کو قومی اسمبلی میں تحریک عدم اعتماد جمع کروائی تھی لیکن اس پر آئین میں درج مقررہ مدت پر ووٹنگ نہ ہو سکی جس کے خلاف سپریم کورٹ میں پٹیشن دائر کی گئی۔ سپریم کورٹ نے تحریک عدم اعتماد پیش ہونے کے بعد قومی اسمبلی کو تحلیل کرنے کی وزیراعظم کی تجویز کو مسترد کرتے ہوئے 9 اپریل کو ہر صورت تحریک عدم اعتماد پر ووٹنگ کرانے کا حکم دیا تاہم ڈپٹی اسپیکر قاسم سوری نے 9 اپریل کی رات 12 بجے سے کچھ منٹ پہلے ہی استعفیٰ دے دیا جس کے بعد پینل آف چیئر ایاز صادق نے اسمبلی اجلاس کی صدارت کی اور پھر 10 اپریل کو 174 تحریک عدم اعتماد کے حق میں 174 اراکین نے ووٹ دیکر عمران خان کو وزات عظمیٰ کے منصب سے ہٹایا۔

کراچی(ویب ڈیسک) عوامی مسلم لیگ کے سربراہ شیخ رشید کا کہنا ہے کہ میں ایک بہتر حل دیکھ رہاہوں ،دیر سویر ہوسکتی ہے، سارا کریڈٹ عمران خان کوجائےگا۔ گفتگو کرتے ہوئے شیخ رشید نے کہا کہ امید ہے کہ معاملات صلح صفائی سے طے پاجائیں گے اور مثبت حل نکل آئے گا اور دوسرے لانگ مارچ کی ضرورت نہیں پڑے گی۔

شیخ رشید نے حکومت پر الزام عائد کیا کہ حقیقی آزادی مارچ کے شرکا کو اسلام آباد آنے سے روکنے کے لئے پورے پاکستان میں کریک ڈاؤن کیا گیا اور لوگوں کو روکا گیا، پورے پاکستان میں پانچ لوگوں کی جانیں گئیں اس لئے پہلے ہی کہہ دیا تھا کہ مارچ خونی ہوسکتا تھا۔ پروگرام میں گفتگو کرتے ہوئے شیخ رشید نے کہا کہ کل کے واقعات کے بعد لوگوں کی آنکھوں میں خون ہے، مگر عمران خان بہتر حل نکال لیں گے، شایداب دوسری بار لوگوں کومتحرک کرنےکی ضرورت نہ پیش آئے، سارے معاملات بہتری کی طرف جائیں گے اور سب سےزیادہ کریڈٹ عمران خان کو جائےگا۔ آج ہونے والے پارلیمنٹ کے مشترکہ اجلاس سے متعلق شیخ رشید نے کہا کہ پارلیمنٹ کےمشترکہ سیشن سےکوئی فرق نہیں پڑتا، اہم بات یہ ہےکہ الیکشن کی تاریخ کا اعلان ہو۔دوسری جانب کہ جناح ایونیو اسلام آباد میں کارکنوں سے خطاب کرتے ہوئے پاکستان تحریک انصاف کے چیئرمین عمران خان نے حکومت کو اسمبلیاں تحلیل کرنے اور انتخابات کے اعلان کیلئے 6 روز کی مہلت دی۔ عمران خان نے کہا کہ الیکشن کا اعلان اور اسمبلیاں تحلیل نہ کی گئیں تو وہ عوام کے ساتھ دوبارہ اسلام آباد آئیں گے۔دوسری جانب رانا ثناء اللہ کہتے ہیں کہ عمران خان چھ دن بعد 6 لاکھ آدمی لے آئیں میں ان کے مطالبے کی حمایت کردوں گا۔ اسلام آباد میں میڈیا سے گفتگو کرتے ہوئے رانا ثنا اللّٰہ نے کہا کہ نئے الیکشن کا فیصلہ اتحادی جماعتیں کریں گی، عمران خان الیکشن ہارجائے گا تو پھر کہے گا دوبارہ الیکشن کراؤ۔ انہوں نے مزید کہا کہ عمران خان خیبرپختونخوا حکومت اور جی بی حکومت کے وسائل استعمال کرکے یہاں آئے۔ ان کا کہنا تھا کہ ساری رات میں نے خود سیکیورٹی حالات کی مانیٹرنگ کی ہے، عوام نے فسادی، فتنہ جتھے کو مکمل طور پر مسترد کردیا ہے،

سپریم کورٹ سے غلط بیانی کر کے عمران نیازی شہر میں داخل ہوئے، عمران نیازی نے ڈی چوک جانے کا اعلان کرکے وعدہ خلافی کی۔ رانا ثنا اللّٰہ نے کہا کہ میٹروبس اسٹیشن جلائے گئے اور درختوں کو آگ لگائی گئی، عدالتی فیصلے کی آڑ میں فسادی جتھہ ساری رات آگ لگاتا رہا، عمران نیازی کنٹینر سے سپریم کورٹ کے فیصلے کی دھجیاں اُڑاتا رہا، ساری رات وہ کنٹینر سے توہینِ عدالت کے اعلان کرتے رہے۔ مسلم لیگ ن کے رہنما کا یہ بھی کہنا تھا کہ پولیس نے ایک بھی ربربلٹ نہیں چلائی، تمام جھوٹا پروپیگنڈا ہے، 18 رینجرز اور پولیس اہلکار شدید زخمی ہیں، پولیس اور رینجرز لوگوں کی جان ومال کی حفاظت کا فریضہ انجام دیتے رہیں گے،

روالپنڈی(ویب ڈیسک) سابق وفاقی وزیر داخلہ اور سربراہ عوامی مسلم لیگ شیخ رشید کو گرفتار یا نظر بند کئے جانے کا امکان ہے جس کا فیصلہ آج وزارت داخلہ کے اجلاس میں ہوگا۔ نجی ٹی وی دنیا نیوز کے مطابق پی ٹی آئی کے لانگ مارچ میں شرکت سے روکنے کیلئے شیخ رشید کو گرفتار یا نظر بند کئے جانے کا امکان ہے ،

وزارت داخلہ کے اجلاس میں شیخ رشیدکےتصادم سےمتعلق بیان کاجائزہ بھی لیاجائےگا۔ خیال رہے کہ پی ٹی آئی کے لانگ مارچ کو روکنے کیلئے حکومت پلان تشکیل دے چکی ہے جبکہ لاہور کے داخلی و خارجی راستے سیل کر دیے گئے ہیں ۔ نجی ٹی وی نے ذرائع کے حوالے سے دعویٰ کیا کہ راوی پل کو کنٹینرز لگا کر اور پولیس کی بھاری نفری تعینات کر کے بند کر دیا گیا ہے ۔ ادھر حکومت نے لانگ مارچ کو روکنے کیلئے پاکستان تحریک انصاف کے کارکنوں کی گرفتاریاں شروع کر دی ہیں اب تک ملک بھر میں سینکڑوں افراد کو حراست میں لیا جا چکا ہے ۔ پی ٹی آئی رہنماؤں کی اکثریت روپوش ہوگئی ہے۔ سابق وزیر داخلہ شیخ رشید کی لال حویلی پر پولیس نے چھاپا مارا لیکن شیخ رشید اور ممبر قومی اسمبلی راشد شفیق نہ ملے۔ پولیس نے سابق صوبائی وزیر راجہ بشارت، ممبر صوبائی اسمبلی اعجاز خان جازی، واثق قیوم، چوہدری امجد، چوہدری عدنان، راجہ راشد حفیظ کی گرفتاری کے لیے بھی چھاپے مارے، لیکن ابھی تک کوئی سرکردہ رہنما گرفتار نہیں ہوسکا۔ پی ٹی آئی کے رہنما بابر اعوان، حماد اظہر، فردوس عاشق اعوان، علی نوید بھٹی، جمشید اقبال چیمہ، ایم پی اے ملک ندیم عباس بارا، یاسر گیلانی ، میاں اسلم اقبال ، ایم پی اے سعدیہ سہیل، اعجاز چوہدری ، میاں اکرم عثمان ، عقیل صدیقی، سابق ڈپٹی سیکرٹری لاہور عامر ریاض قریشی، یوسی چیئرمین امیدوار شیخ محمد حیدر صاحب اور دیگر کی رہائش گاہوں پر بھی چھاپے مارے گئے۔ ادھر کراچی پولیس نے گلشن اقبال میں رکن نیشنل اسمبلی اور پی ٹی آئی کراچی کے جنرل سیکریٹری سیف الرحمان محسود کے گھر پر چھاپہ مار کر انہیں حراست میں لے لیا۔ پولیس نے رکن سندھ اسمبلی و پی ٹی آئی کے سینئر نائب صدر کراچی سعید آفریدی، پی ٹی آئی کراچی کے صدر بلال غفار،

رکن قومی اسمبلی و انفارمیشن سیکریٹری سندھ ارسلان تاج گھمن ، رکن سندھ اسمبلی شہزاد قریشی کے گھروں پر بھی چھاپے مارے تاہم کوئی گرفتاری عمل میں نہیں آئی۔ اس کے علاوہ قصور پولیس نے ایم این اے کے ٹکٹ ہولڈر (این اے 138) سردار راشد طفیل کے گھر پر چھاپہ مارا۔ سردار راشد گھر پر موجود نا تھے۔ دوسری جانب یاسر گیلانی کی رہائش گاہ پر چھاپے کے دوران سادہ اور پولیس وردی میں ملبوس اہلکاروں نے گھر کا گیٹ توڑنے کی کوشش کی۔ پولیس نے شیراکوٹ میں پی ٹی آئی رہنما سعید احمد خان کے گھر چھاپہ مارا۔ سعید خان کا کہنا تھا کہ پولیس سیڑھی لگا کر چھت سے گھر میں داخل ہوئی اور چاردیواری کا تقدس پامال کیا۔

اسلام آباد(ویب ڈیسک) عوامی مسلم لیگ کے سربراہ شیخ رشید کا کہنا ہے کہ ہمارا سارا ملبہ حکومت پر پڑ گیا ہے اور یہ اس ملبے تلے دب کر مر جائیں گے۔ فیصل آباد میں پریس کانفرنس کرتے ہوئے سابق وفاقی وزیر داخلہ شیخ رشید کا کہنا تھا کہ حالات ابتر و خراب، تشویشناک اور گھمبیر ہوتے جارہے ہیں،

ان سے حکومت سنبھل نہیں رہی، آصف زرداری نے ان کو گھیر کے گھنٹہ گھر چوک میں مارا ہے، ہمارا سارا ملبہ ان پر پڑ گیا ہے اور یہ اس ملبے تلے دب کر مر جائیں گے، عمران خان ہیرو اور یہ سارے زیرو ہو گئے ہیں، 16 سیاسی پارٹیوں کے سیاسی جنازے باہر آگئے ہیں، جب سے یہ حکومت آئی ہے 30 فیصد مہنگائی بڑھی ہے، یو اے ای، چین اورسعودیہ سے یہ لوگ خالی ہاتھ لوٹے ہیں، موجودہ صورتحال میں ڈالر اسی ماہ کے آخر تک 200 تک پہنچ جائےگا، ہر چیز ڈبل ہے مگر کارکردگی صفر ہے، یہ فیل ہوگئے ہیں، اگر ملک دیوالیہ ہوگیا تو کیا کریں گے، ان کے پاس کوئی حکمت نہیں، جو تھی وہ کرچکے۔ شیخ رشید کا کہنا تھا کہ میں دو سال سے کہتا تھا ن سے شین نکلے گی سب نے دیکھ لیا، میں کہتا تھا یہ لوگ فضل الرحمان سے ہاتھ کریں گے، مولانا کے بیٹے نے کبھی باتھ روم نہیں بنایا وہ موٹر وے بنائیں گے، اس حکومت نے سیکیورٹی پر جس بندے کو لگایا وہ بقول شیرعلی خود 22 بندوں کا اجرتی قاتل ہے، رانا ثنااللہ کو حکومت نے غنڈہ گردی کے لئے رکھا ہے، وہ مجھے دھمکا رہا ہے اور کہتا ہے مجھے گھر سے نہیں نکلنے دے گا، اسے پتہ ہی نہیں حالات اس سے آگے نکل چکے ہیں، مجھ پر خود کش حملے ہو چکے ہیں میں ان سے نہیں ڈرا تو اس شیطان سے کیا ڈروں گا، میں رانا ثناء اللہ کو طلب کئے جانے کے قابل بھی نہیں سمجھتا۔ سابق وفاقی وزیر نے کہا کہ عمران خان کی قیادت میں ملک انقلاب کی جانب جارہا ہے، نواز شریف کو بلائیں اس جہاز سے بھی سواریاں اتر جائیں گی کہ چوروں کے ساتھ سفر نہیں کرنا، ہم گھروں میں بھی رہیں تو یہ حکومت جارہی ہے،

اگر عمران خان کو گرفتار کیا گیا تو ملک سری لنکا بن جائے گا، ہم نے عمران خان کی سیکیورٹی کے حوالے سے خط لکھ دیا ہے، پی ٹی آئی نے اپنی حکمت عملی مکمل کر رکھی ہے، موجودہ حکومت نے نگران حکومت کیلئے نیشنل سکیورٹی کونسل کا اجلاس بلایا ہے، اجلاس میں نگران وزیراعظم کا اعلان اور 31 مئی سے پہلے کیئر ٹیکر گورنمنٹ بنالی جائے اور انتخابات کی تاریخ دی جائے۔ اس سے قبل سماجی رابطے کی ویب سائٹ ٹویٹر پر اپنی ٹوئٹ میں شیخ رشید کا کہنا تھا کہ مختصر ترین وقت میں متبادل جگہ پر عمران خان کا کامیاب ترین جلسہ سیاست کی تاریخ ہے، حکومت کے ہاتھ میں فیصلہ ہے کہ آئی ایم ایف کے پاس جانا ہے، الیکشن کرانا ہیں یابرے حادثے کا شکا ر ہونا ہے۔

روالپنڈی(ویب ڈیسک) سابق وزیر داخلہ شیخ رشید نے پی ٹی آئی کی جانب سے جلد لانگ مارچ کے اعلان کا عندیہ دے دیا۔ سربراہ عوامی مسلم لیگ شیخ رشید کا کہنا ہے کہ کل فیصل آباد اور 20 مئی ملتان کا جلسہ بھی نہ کرنے دیا گیا تو لانگ مارچ کا اعلان کیا جا سکتا ہے۔ انکا کہنا ہے کہ موجود ہ

حکومت فاشسٹ ہے ،یہ ڈکٹیٹر حکومت سے بھی زیادہ بڑھ گئی ہے۔لانگ مارچ کی طرف لوگ جارہے ہیں ،اعلان جلد ہوسکتاہے۔طاقت کا استعمال کیاگیا تو پی ٹی آئی اور بھی اٹھے گی۔ انہوں نے کہاہے کہ 17سے 18مئی تک پی ٹی آئی گرفتاریاں شروع کردی جائیں گی۔حکومت ملک میں حالات خراب کرنا چاہتی ہے۔ یہ حکومت بےنقاب ہونےجارہی ہے اس لیے انارکی کی طرف بڑھ رہی ہے۔ انہوں نے کہاہے کہ ملک انتشار کی طرف بڑھ رہاہے ۔پاکستان نادہندہ ہونے کی طرف جارہاہےملک کوخانہ جنگی کی طرف دھکیلا جارہاہے۔جولوگ اداروں کو کمزور اوربےخبرسمجھتے ہیں وہ عقل کےاندھے ہیں۔ انکا کہنا ہے کہ عمران خان کے لیے جو سازش کی گئی اور گڑھابنایا گیا اپوزیشن اس میں خود گرگئی۔آصف زرداری نے ن لیگ سے پرانا قرض بمعہ سود واپس لےلیا۔ انہوں نے کہا ہے کہ ان سے حکومت نہیں چل رہی،یہ حکومت 2ووٹوں کی ہے۔چار دن کی لندن یاترا ن لیگ سے مزید غلط فیصلے کرائے گی۔ لندن یاترا ن لیگ کو مزید پھسائے گی اور ملک کو ڈیفالٹ کرائے گی۔یہ رہے تو ڈالر 200پر جائے گا۔ انہوں نے کہا ہے کہ منی لانڈرنگ کیس میں شہبازاور حمزہ پر فردجرم آج عائد ہونی تھی منی لانڈرنگ کیس کی سماعت کو طاقت اور بہانے کےزورپر ملتوی کیا جارہاہے۔ انکا کہنا ہے کہڈی جی ایف آئی اے ثنااللہ عباسی کو ہٹایا گیا۔ ڈی جی ایف آئی اے ثنااللہ عباسی نے منی لانڈرنگ کیس واپس لینے سے انکار کر دیا تھا۔جس نیب کے قانون کی زد میں اپوزیشن لیڈر آتے ہیں، اسے ختم کیا جا رہا ہےسابق وزیر داخلہ شیخ رشید کا کہنا ہے کہ 17اور 18مئی سے پی ٹی آئی کے کارکنوں کی گرفتاریاں شروع کر دی جائیں گی۔ سماجی رابطے کی ویب سائٹ ٹویٹر پر عوامی مسلم لیگ کے صدرشیخ رشید کا کہنا ہے کہ جو کھڈا اور سازش عمران خان کیلئے بنائی گئی تھی اس کھڈے میں اپوزیشن خود گر گئی ہے، آصف علی زرداری نے نون لیگ سے پرانہ قرضہ بمعہ سود واپس لیا ہے۔ان کا مزید کہنا تھا کہ جو لوگ اداروں کو کمزور اور بے خبر سمجھتے ہیں وہ عقل کے اندھے ہیں

فیصل آباد(ویب ڈیسک) وزیر داخلہ رانا ثنا اللہ سابق وزیراعظم عمران خان اور شیخ رشید پر برس پڑے اور کہا کہ اگر شیخ رشید نے خونی لانگ مارچ والا بیان واپس نہ لیا تو انہیں لال حویلی کے باہر باندھ دیں گے، رانا ثنا نے مزید کہا کہ اگر لانگ مارچ میں کوئی غلط حرکت کی گئی

تو ان کی مرمت ہوگی، پورے پنجاب میں ان کا بندوبست میں کروں گا۔ فیصل آباد میں جلسے سے خطاب میں انہوں نے مزید کہا کہ آنے والے بجٹ میں بڑے منصوبے کم ہوں گے، شارٹ ٹرم منصوبے لائے جائیں گے۔ ان کا یہ بھی کہنا تھا کہ وعدے پورے نہ کرنے پر ایم کیو ایم ہمارے ساتھ ملی، یہ کہتےہیں امریکا نے ہمارے خلاف سازش کی، کیا امریکا نے کہا تھا بزدار کو وزیراعلیٰ بناو؟ فرح خان کےگھر پولیس کی نفری رکھنے کا امریکا نےکہا تھا؟ انہوں نے کہا کہ ملک کی بہتری کیلئے اگلا بجٹ ہمیں پیش کرنا پڑےگا، بجٹ کی تیاری شروع ہے، شارٹ ٹرم کاموں میں رابطہ سڑکوں کی تعمیر کریں گے۔ رانا ثنا اللہ نے کہا کہ اسلام آباد میں لانگ مارچ کا ویلکم میں کروں گا، میں نے شیخ رشید کو کہا ہے خونی لانگ مارچ والا بیان واپس لو، اگر بیان واپس نہ لیا تو شیخ رشید کو لال حویلی کے باہر باندھ دوں گا، یہ چاہتے ہیں ملک میں افراتفری ہو، اگر لانگ مارچ میں کوئی غلط حرکت کی گئی تو ان کی مرمت ہوگی۔دوسری طرف مریم نواز کا کہنا ہے کہ مسلم لیگ ن کی نائب صدر مریم نواز نے کہا ہے کہ عمران خان کو شکایت صرف یہ ہےکہ میرا ساتھ کیوں نہیں دے رہے؟ ساتھ نہیں دو گے تو شرمناک القابات سے پکاروں گا۔ مریم نواز نے چیئرمین پی ٹی آئی کو احسان فراموش، محسن کُش اور فتنہ قرار دیتے ہوئے کہا کہ عمر بھر سازشیں کرنے والا فتنہ عمران خان ملک کی سلامتی کے درپے ہے، آئین کی دھجیاں اڑا رہا ہے ، خانہ جنگی کو ہوا دے رہا ہے۔ انہوں نے کہا کہ نااہلی سے ملک کوبرباد کرنے کے بعد اب حضرت علیؓ کے قول کے مطابق اپنے ہی محسنوں کے خلاف اٹھ کھڑا ہوا ہے۔ مریم نے سوال کیا کہ کیا سیاست دانوں کی پگڑیاں اچھالنے اور ہر آئینی ادارے کو گالی دینے والے شخص کو کھلی چھوٹ ہے کہ افواج پاکستان کو صرف اس لیے تماشہ بنائے کہ وہ آئینی حلف پر قائم ہیں؟

اسلام آباد(ویب ڈیسک) عوامی مسلم لیگ کے سربراہ اور سابق وزیرداخلہ شیخ رشید کا کہنا ہے کہ ملک کے مقتدر حلقوں کو کہتا ہوں کہ جلد انتخابات کرائیں۔ اسلام آباد ہائی کورٹ میں میڈیا سے بات کرتے ہوئے عوامی مسلم لیگ کے سربراہ اور سابق وفاقی وزیر شیخ رشید کا کہنا تھا کہ نااہل حکومت ہم پر مسلط کردی گئی ہے،

وزیر اعظم شہباز شریف نے خود پر فرد جرم عائد نہیں ہونے دی، اے این ایف کیس میں ملزمان پر وکلاء نے فرد جرم عائد نہیں ہونے دی، جب کہ میرا بھتیجا روز عدالت میں ذلیل و خوار ہورہا ہے۔ شیخ رشید کا کہنا تھا کہ عوام کو پیغام دینا چاہتا ہوں کہ جلد انتخابات ہو رہے ہیں، جے یو آئی اور ن لیگ نے بھی عوام رابطہ مہم شروع کردی ہے، پیپلز پارٹی کے علاوہ تمام جماعتیں انتخابی عوامی رابطہ مہم شروع کرچکی ہیں، ملک کے مسائل کا حل جلد انتخابات ہیں، ملک کے مقتدر حلقوں کو کہتا ہوں کہ جلد انتخابات کرائیں۔ ان کا مزید کہنا تھا کہ نواز شریف نے 14 مرتبہ فوج اور آرمی چیف پر تنقید کی، گزشتہ روز بھی جنرل فیض کا نام لے کر رگڑا دیا گیا۔اس سے قبل چیف جسٹس اسلام آباد ہائیکورٹ جسٹس اطہر من اللہ نے حنیف عباسی کو وزیراعظم کا معاون خصوصی بنانے کے خلاف شیخ رشید کی درخواست پر سماعت کی جس سلسلے میں سابق وزیر داخلہ عدالت میں پیش ہوئے۔ چیف جسٹس نے شیخ رشید کو روسٹرم پر بلایا اور کہا کہ جلسوں میں عدالتوں پر الزام تراشی افسوسناک ہے، کیا آپ اور آپ کی اتحادی پی ٹی آئی کا اسلام آبادہائیکورٹ پر اعتماد ہے؟ اگر عمران خان کا اعتماد نہیں ہے تو بطور چیف جسٹس میں معذرت کر کے کسی اور عدالت میں کیس بھیج دیتا ہوں، جلسوں میں کہا جاتا ہے کہ عدالتیں آزاد نہیں ہیں، 2014 میں رات 11 بجے پی ٹی آئی ورکرز جو حراست میں تھے ان کو رہا کرنےکا حکم دیا گیا۔ چیف جسٹس نے شیخ رشید سے مکالمہ کیا کہ آپ چیئرمین تحریک انصاف سے بھی پوچھ لیں، اگر انہیں اعتماد نہیں تو ہم نہیں سنتے، عوامی جلسوں میں روز کہا جاتا ہے کہ عدالتیں رات کو کیوں کھلیں؟ سیاسی بیانیے بنائے جاتے ہیں کہ عدالتیں کسی کے کہنے پر کھلتی ہیں، اس عدالت میں لاپتہ افراد، بلوچ اسٹوڈنٹس کےکیسز ہیں عوام کا اعتماد خراب نہ کریں۔ چیف جسٹس اسلام آباد نے کہا کہ شیخ صاحب، یہ عدالتیں سب کے لیے ہیں،

سیاسی بیانیوں میں اسے خراب کرنے کے لیے نہیں، اس پر شیخ رشید نے جواب دیا رائٹ سر۔ جسٹس اطہر من اللہ نے مزید کہا کہ پی ٹی آئی کا شاید عدالتوں پر اعتماد نہیں ہے،

لاہور(ویب ڈیسک) مسلم لیگ (ن) کی خواتین ارکان نے عمران خان اور شیخ رشید کے خلاف قرارداد پنجاب اسمبلی میں جمع کرادی۔ مسلم لیگ (ن) کی رکن اسمبلی سمیرا کومل، سعدیہ تیمور اور حنا پرویز نے عمران خان اور شیخ رشید کے خلاف قرارداد پنجاب اسمبلی میں جمع کرائی۔ قرارداد کے متن میں کہا گیا ہےکہ یہ ایوان اداروں کے

خلاف ہرزہ سرائی کی مذمت کرتا ہے، کوئی بھی محب وطن شہری اداروں کے خلاف بیانات کو برداشت نہیں کرے گا۔ قرارداد میں مطالبہ کیا گیا ہےکہ عمران خان اور شیخ رشید کےخلاف قانونی کارروائی عمل میں لائی جائے اور ان کے نام ای سی ایل میں ڈالے جائیں۔دوسری جانب وزیر اعظم شہباز شریف کا بھی کہنا ہے کہ عارف علوی کے خلاف آئینی پٹیشن دائر کی جا سکتی ہے۔ وزیراعظم شہباز شریف نے صدر مملکت عارف علوی کو آڑے ہاتھوں لے لیا۔ ایک بیان میں شہباز شریف نے کہا کہ عارف علوی پاکستان تحریک انصاف کے آلہ کار بن گئے ہیں، صدر نے آئینی اور قانونی خلاف ورزیاں کیں ۔ وزیراعظم نے کہا کہ عارف علوی کے خلاف آئینی پٹیشن بھی دائر کی جا سکتی ہے لیکن ہم نے آئینی پٹیشن کے معاملے پر صبر وتحمل کی پالیسی اپنائی ہوئی ہے۔ دوسری جانب وزیر اعظم شہباز شریف نے روس سے معاہدوں سے متعلق بھی گفتگو کرتے ہوئے کہا کہ پچھلے وزیراعظم نے روس سے سستے تیل اور گیس کا کوئی معاہدہ نہیں کیا، ہمیں معاہدے کا کوئی کاغذ نہیں ملاتحریک انصاف کا کام تو جھوٹ بولنا ہے۔ انہوں نے واضح کرتے ہوئے کہا کہ خیبر پختونخوا حکومت آٹے پر سبسڈی دے ورنہ ہم دیں گے۔ وزیراعظم کا کہنا تھا کہ ایٹمی دھماکوں کے وقت نواز شریف نے ملک کے وقار کی خاطر امریکا کو ایبسولیوٹلی ناٹ نہیں کہا بلکہ طریقے سے کلنٹن کو جواب دیا، امریکا سپر پاور ہے اس سے بگاڑ نہیں سکتے ۔،وزیر اعظم شہباز شریف نے وارننگ دیتے ہوئے کہا کہ وزیراعظم نے کہا کہ عارف علوی کے خلاف آئینی پٹیشن بھی دائر کی جا سکتی ہے لیکن ہم نے آئینی پٹیشن کے معاملے پر صبر وتحمل کی پالیسی اپنائی ہوئی ہے۔ ہمیں معاہدے کا کوئی کاغذ نہیں ملاتحریک انصاف کا کام تو جھوٹ بولنا ہے۔

روالپنڈی(ویب ڈیسک) عوامی مسلم لیگ کے سربراہ اور سابق وفاقی وزیر شیخ رشید کا کہنا ہے کہ رانا ثنااللہ کہہ رہے ہیں کہ گھروں سے نکال کے ماریں گے، ابھی وہ حالات نہیں آئے ہیں یہ منہ اور مسور کی دال، یہ دھمکیاں دے رہے ہیں گھروں سے پکڑیں گے، کل پکڑنا ہے تو آج پکڑیں ہم تیار ہیں۔

شیخ رشید کا کہنا تھا کہ فرد جرم کا منتظر پالشیا اور اس کا بیٹا بھی پالشیا ہے، جب کہ 18 قتل میں ملوث اور جس پر آج بھی منشیات فروشی کا کیس تھا وزیر داخلہ بن گیا، ہمیں کہہ رہے ہیں کہ گھروں سے نکال کے ماریں گے، ابھی وہ حالات نہیں آئے ہیں یہ منہ اور مسور کی دال، یہ دھمکیاں دے رہے ہیں گھروں سے پکڑیں گے، کل پکڑنا ہے تو آج پکڑیں ہم تیار ہیں، لیکن ہمارے ممبران کو جلد عدالتوں میں پیش کریں۔ ہم پر سب جھوٹے مقدمات بنائے جارہے ہیں لیکن کوئی گھبراہٹ نہیں، جتنی گرفتاریاں کرنی ہیں کریں، ہم بڑے دل کے لوگ ہیں دوبارہ آکر بھی ان کو معاف کریں گے۔ سابق وفاقی وزیر نے کہا کہ رانا ثنا اللہ ملک میں تشویشناک صورتحال پیدا کررہے ہیں، ملک تشویشناک حالات میں جانے لگا ہے، ملک میں ہنگامہ آرائی ہوگی تو معاملات خراب ہوں گے، 31مئی اہم تاریخ ہے، عمران خان 20 مئی کے بعد اسلام آباد کی کال دیں گے، ہمیں ملک کو بچانے اور فوج کی عظمت نیک نامی میں اضافے کے لیے الیکشن کی تاریخ چاہئیے۔ شیخ رشید نےدعویٰ کیا کہ ہماری حلقوں میں پوزیشن مقبولیت کی انتہا کو پہنچ گئی ہے، عمران خان کو انٹرنیشنل ایجنڈے سے ہٹانے سے عمران خان بڑا لیڈر بن گیا ہے، عمران خان کو نکالنے کے نتائج مختلف آئے ہیں، میرا تحریک انصاف سے تعلق نہیں میں صرف عمران خان کو سپورٹ کرتا ہوں۔

لاہور(ویب ڈیسک) وزیر داخلہ رانا ثنااللہ کا کہنا تھا کہ اب معلوم ہو رہا ہے کہ عثمان بزدار نام کے وزیر اعلیٰ پنجاب تھے انہیں صرف اس لیے رکھا گیا تھا کہ جو حکم فرح گوگی سے آئے اسے پورا کرنا ہے۔ میڈیا سے گفتگو کرتے ہوئے رانا ثنااللہ نے کہا کہ مسجد نبوی واقعے

پرمذہبی طبقہ سراپا احتجاج ہے، اس واقعے میں ملوث لوگوں کی شناخت ہوگئی ہے ان کے خلاف کارروائی ہوگی۔ رانا ثنااللہ کا کہنا تھا کہ شہزاد اکبرنے اسلام آباد پولیس کے افسر سے رابطہ کرکے مجھ پرکیس کرنےکے منصوبے سے آگاہ کیا، پولیس افسر نے انکار کیا تو اے این ایف سے مینج کروایا گیا، اگرمیں نے اتنے قتل کیے ہیں تو میرے خلاف ہیروئن کا جھوٹا کیس کیوں بنایا؟ انہوں نے عمران خان کو متنبہ کرتے ہوئے کہا کہ آپ اپنی حرکتوں سے بازآئیں، آپ اپنےکارکنوں کو سیاسی قائدین کے خلاف اکساتے رہے تو آپ بھی ردعمل سے نہیں بچ سکتے، اگر باز نہ آئے تو ہمیں اپنے کارکنوں کوکہنا پڑے گا کہ کہیں بدتمیزی ہو تو ان کوپکڑیں اورمرمت کریں، اپنے کارکنوں کی مرمت کروانا چاہتے ہیں توکروالیں لہٰذا سیاسی قائدین کی عزت کریں۔ وزیر داخلہ کا کہنا تھا کہ شیخ رشید کہتے تھے جیل ان کا سسرال اورہتھکڑی زیور ہے، شیخ رشید جیل آپ کا سسرال ہے تو سسرال جانے سے گھبراتے کیوں ہو؟ انہوں نے عدالت میں ضمانت قبل ازگرفتاری کی درخواست دے رکھی ہے جس میں کہا ہے کہ انہیں گرفتاری کا ڈر ہے۔ انہوں نے مزید کہا کہ یہ کہتےہیں لانگ مارچ خونی لانگ مارچ ہوگا، اگرتم نےلانگ مارچ پرامن ہونےکا نہ کہا تو تمہیں گھرسے نکلنے نہیں دوں گا، تم لوگوں کو آگ لگانے کی ترغیب دے رہے ہو، انتشار،افراتفری کی منصوبہ بندی کروگےتو تمہیں گھرسےنہیں نکلنے دوں گا۔ انہوں نے کہا کہ عمران خان نے عوامی فلاح کا کوئی کام نہیں کیا جب کہ عثمان بزدار صرف نام کے وزیراعلیٰ تھے، ان کو فرح کے ذریعے حکم دیا جاتا تھا۔ ایک سوال کے جواب میں رانا ثنااللہ کا کہنا تھا کہ شہباز گل کے ساتھ حادثے کا ملزم گرفتار ہے اور اس کا تعلق (ن) لیگ سے نہیں ہے۔

رولپنڈی(ویب ڈیسک) سابق وزیر داخلہ اور سربراہ عوامی مسلم لیگ شیخ رشید کا کہنا ہےکہ دو ووٹوں کی اکثریت سے امپورٹڈ حکومت لائی گئی، ان کی حکومت کے دنوں میں نواز شریف سے جو ملاقاتیں ہو رہی تھیں وہ اور اس وقت کے وزیراعظم عمران خان اُس سے باخبر تھے۔

صحافیوں سےگفتگو کرتے ہوئے شیخ رشید کا کہنا تھا کہ سارا ملبہ ادارے پر نہیں ڈالنا چاہیے، جو لوگ سارا ملبہ ادارے پر ڈال رہے ہیں ان سے کہتا ہوں کہ ایسا مت کرو، فوج پاکستان کا بہت عظیم ادارہ ہے، ان کی بہت قربانیاں ہیں۔ شیخ رشید کا کہنا تھا کہ شہباز شریف نے جوتے پالش کیے، جس کے بعد دو ووٹوں کی اکثریت سے حکومت لائی گئی، پہلے کہہ دیا تھا کہ مارچ میں ہماری حکومت کے لیے مشکلات ہیں کیونکہ نواز شریف سے جو ملاقاتیں ہو رہی تھیں میں اور عمران خان باخبر تھے، یہ سامراجی پلان بنایا گیا،دو ووٹوں کی اکثریت سے امپورٹڈ حکومت لائی گئی، اگر کل سالک اور چیمہ الگ ہوجائیں تو اکثریت ختم ہوجائے،کل باپ یا ایم کیو ایم یا جی ڈی اے کے دو تین ممبر علیحدہ ہوجائیں تو یہ ختم ہیں۔ ان کا کہنا تھا کہ نوازشریف نے 14 بارگالیاں دیں، شہبازشریف نے 14 بار بوٹ پالش کیے، شہبازشریف نے جوتے پالش کرکےگارنٹی دی ہے، ایک غلط طریقے سے سامراج اور بین الاقوامی طاقتوں نے جو پلان بنایا وہ الٹ ہوگیا۔

روالپنڈی(ویب ڈیسک) لاہور ہائیکورٹ راولپنڈی بینچ نے سابق وزیر داخلہ شیخ رشید کی ضمانت قبل از گرفتاری کی درخواست منظور کرلی۔ عوامی مسلم لیگ کے سربراہ شیخ رشید نے ضمانت قبل از گرفتاری کےلیے لاہور ہائیکورٹ کے راولپنڈی بینچ میں درخواست دائر کی۔ شیخ رشید کی درخواست پر جسٹس ملک شہزاد احمد خان نے مختصر سماعت کی

اور ان 18 مئی تک ان کی عبوری ضمانت منظور کرلی۔ اس کے علاوہ عدالت نے شیخ رشید اور ان کے بھتیجے راشد شفیق کی جانب سے مقدمات کے اندراج کے لیے دائر درخواستوں پر فریقین کو نوٹس بھی جاری کردیے۔ واضح رہےکہ شیخ رشید پر فیصل آباد،گوجرخان، راولپنڈی اور اٹک سمیت 9 شہروں میں توہین مذہب کے مقدمات درج ہیں جب کہ ان کہ بھتیجے شیخ راشد شفیق کو پہلے ہی پولیس گرفتار کرچکی ہے۔

روالپنڈی(ویب ڈیسک) سابق وزیر داخلہ شیخ رشید نے گرفتاری سے بچنے کے لیے عدالت میں حفاظتی ضمانت کی درخواست دائر کردی۔شیخ رشید کو گرفتاری کا ڈر ہے،جس وجہ سے سابق وزیر داخلہ نے عدالت سے رجوع کیا ہے۔ عوامی مسلم لیگ کے سربراہ شیخ رشید نے ضمانت قبل از گرفتاری

کےلیے لاہور ہائیکورٹ کے راولپنڈی بینچ میں درخواست دائر کی ہے۔ شیخ رشید کی درخواست پر سماعت کچھ دیر بعد جسٹس ملک شہزاد احمد خان کریں گے جس سلسلے میں سابق وزیر اپنے وکلا کے ہمراہ عدالت میں موجود ہیں۔ واضح رہےکہ شیخ رشید پر فیصل آباد،گوجرخان، راولپنڈی اور اٹک سمیت 9 شہروں میں توہین مذہب کے مقدمات درج ہیں جب کہ ان کہ بھتیجے شیخ راشد شفیق کو پہلے ہی پولیس گرفتار کرچکی ہے۔

روالپنڈی(ویب ڈیسک) وزیراعظم شہباز شریف کے معاون خصوصی حنیف عباسی نے اعلان کیا ہے کہ شیخ رشید کی وگ اتار کر لانے والےکو 50 ہزار روپے انعام دوں گا۔ راولپنڈی میں پریس کانفرنس کرتے ہوئے حنیف عباسی کا کہنا تھا کہ عمران خان کے ایما پرمسجد نبوی ﷺ کے

افسوس ناک واقعےکی منصوبہ بندی کی گئی، بدترین دشمن کے سامنے بھی مسجد میں کوئی بات نہیں کرتا، مسجد نبوی کے واقعہ کی پلاننگ عمران خان اور شیخ رشید نےکی، شیخ رشید کا بھتیجا بھی پلاننگ شامل رہا۔ حنیف عباسی کا کہنا تھا کہ شیخ رشید سیاسی مقابلہ کریں، جس حلقے سے شیخ رشید الیکشن لڑیں گے وہاں سے میں بھی لڑوں گا اور مقابلہ کروں گا، یہ جہاں جائیں گے انہیں انڈے اور ٹماٹر پڑیں گے۔انہوں نے کہا کہ مسجد نبوی میں مریم اورنگزیب، شازین بگٹی کو گالیاں دی گئیں، ان سب لوگوں کیخلاف مقدمہ درج کرکےگرفتار کرنا چاہیے، یہ نواز شریف یا شہباز شریف کی نہیں، مدینہ کے تقدس کی بات ہے، اس فعل میں شامل افراد کے خلاف سخت کارروائی ہونی چاہیے۔

اسلام آباد(ویب ڈیسک) تحریک انصاف کے رہنما فوادچوہدری نے الزام لگایا ہے کہ شاید پاکستان کی تاریخ میں پہلی بار کوئی حکومت توہین مذہب قانون اپوزیشن کے خلاف استعمال کررہی ہے۔ فوادچوہدری نے ٹوئٹر پر بیان جاری کرتے ہوئے کہا کہ ‘پہلے صرف فرقے اور انتہا پسند ذاتی انتقام کے لیے اس الزام کو استعمال کرتے تھے۔

مگر آج وفاقی وزراء توہین مذہب کے قانون کا نشانہ بناکر اسے کامیابی سمجھ رہے ہیں’۔ واضح رہے کہ مسجد نبوی ﷺ میں پیش آنے والے افسوسناک واقعے پر سابق وزیراعظم عمران خان، فواد چوہدری، شہباز گل اور شیخ رشید سمیت 150 افراد کے خلاف توہین مذہب کا مقدمہ درج کر لیا گیا ہے۔ بعد ازاں لاہور میں پریس کانفرنس کرتے ہوئے وزیرداخلہ رانا ثنا اللہ نےکہا کہ پوری امت مسلمہ کو مسجد نبوی ﷺ واقعے سے دکھ ہوا، لوگوں کو اس کام کی ترغیب دی گئی، ایک صاحب لوگوں کا گروہ لے کر سعودی عرب پہنچے اور برطانیہ سے بھی لوگ آئے۔ ان کا کہنا تھاکہ عوام نے قانونی کارروائی کیلئے اداروں سے درخواست کی، درج کی گئی ایف آئی آرز پر میرٹ کے مطابق کارروائی ہوگی، مدینہ واقعے پر حکومت خود مدعی نہیں بننا چاہتی جو گرفتار ہوئے ان کے خلاف کسی ثبوت کی ضرورت نہیں تھی۔ وفاقی وزیر قانون اعظم نذیر تارڑ کا کہنا تھاکہ مقدس مقامات پراحتجاج، مذہبی فرائض سے روکنا قابل سزا جرم ہے، مقدمات قانون کے مطابق درج ہوئے، ان مقدمات میں توہین رسالت کی دفعہ شامل نہیں،295 کی دفعہ مقدس مقام پر ہلڑبازی پر لگتی ہے۔ ان کا کہنا تھاکہ کسی کے ساتھ زیادتی نہیں ہوگی، عدالتیں اگر کسی کو ضمانت دیتی ہیں یا مقدمات ختم کرنے کا حکم دیتی ہیں تو سر آنکھوں پر، قانون نے اپنا راستہ لیا، اب معاملہ عدالتوں نے دیکھنا ہے۔

اسلام آباد(ویب ڈیسک) عوامی مسلم لیگ کے سربراہ شیخ رشید کا کہنا ہےکہ جو کچھ روضہ رسول ﷺکے باہر ہوا اس کی مذمت کرتا ہوں، حکومت مجھے اور عمران خان کو تحریک سے پہلے گرفتارکرنا چاہتی ہے۔ اسلام آباد میں پریس کانفرنس کرتے ہوئے شیخ رشید کا کہنا تھا کہ رانا ثنا

کو پٹہ ڈالا جائے یہ افراتفری کرائےگا،یہ مجھے ختم کرنا چاہتے ہیں، میری جان کو خطرہ ہے، میں نے پانچوں ایجنسیز کے سربراہوں کو خط لکھ دیا ہے، میں نے خط لکھا کہ میں مار دیا جاؤں تو ان لوگوں سے تفتیش کی جائے، میں نے درخواست دی ہےکہ یہ 7 لوگ مجھے مارناچاہتے ہیں، مجھے کچھ ہوا تو اس کے ذمہ دار شہباز، نواز، حمزہ اور رانا ثناء اللہ سمیت 7 لوگ ہوں گے۔ شیخ رشید کا کہنا تھا ن لیگ نے حکومت میں آتے ہی تین سو لوگوں کا نام ای سی ایل سے نکالا، عدلیہ انصاف کرے، سارا بوجھ عدلیہ پر آنے لگا ہے، جھوٹے مقدمات بنائے جارہے ہیں، انھوں نے ہر اس آدمی کو ٹرانسفر کیا جنھوں نے ان کی انویسٹی گیشن کی۔ سربراہ عوامی مسلم لیگ کا کہنا تھا کہ میں کہتا تھا نون سے شین نکلے گی، اس وقت شین کی حکومت ہے، میں نے پہلےبھی کہا مئی کا مہینہ خوفناک ہوگا، آصف زرداری چاہتے تھے کہ پنجاب میں گند پھیلے تو پھیل گیا ہے، یہ ہمیں سلیکٹڈ کہتے تھے آج ہم ان کو امپورٹڈ کہتے ہیں۔ ان کا کہنا تھا کہ شہبازشریف نے 14 بار فوج کے جوتے چاٹے، راشد شفیق کی رہائی کی بھیک نہیں مانگ رہا، اچھا ہے وہ دس 15 دن اندر رہے، یہ اُس کی پہلی جیل ہے، میں تو ریٹائر ہونے جا رہا تھا لیکن نالہ لئی اور عمران خان کی وجہ سےالیکشن لڑوں گا،انہوں نے عمران خان کو یا شیخ رشید کو گرفتار کیا تو حالات خراب ہوجائیں گے۔

روالپنڈی(ویب ڈیسک) عوامی مسلم لیگ کے سربراہ شیخ رشید کا کہنا ہے کہ سپریم کورٹ سے جلد اچھی خبریں متوقع ہیں، جلد امپورٹڈ حکومت سے جان چھوٹے گی۔ سماجی رابطے کی ویب سائٹ ٹویٹر پر اپنی ٹویٹ میں سابق وفاقی وزیر اور عوامی مسلم لیگ کے سربراہ شیخ رشید کا کہنا تھا کہ

ایمپورٹڈ حکومت کے فرار کی تیاریاں شروع ہوچکی ہیں، ای سی ایل سے ڈیڑھ سو ملزمان کے نام نکال دیئے گئے، ان سے حکومت سنبھالی نہیں جا رہی، یہ لوگ این آر او ٹو لینے آئے تھے، سرکاری خزانے کا بے دریغ استعمال دوبارہ شروع ہو چکا ہے۔ شیخ رشید کا کہنا تھا کہ امپورٹڈ حکومت کی کوئی آئینی و قانونی حیثیت نہیں، یہ حکومت بیرونی سازش کے تحت چور دروازے سے بنی ہے، فوج عوام کی رائے کی قدر کرتی ہے،جلد امپورٹڈ حکومت سے جان چھوٹے گی، سپریم کورٹ سے جلد اچھی خبریں متوقع ہیں۔

سعودی عرب(ویب ڈیسک) سابق وفاقی وزیر داخلہ اور عوامی مسلم لیگ کے سربراہ شیخ رشید نے رمضان المبارک میں عمرے کی ادائیگی کی سعادت حاصل کرلی۔ شیخ رشید کے ٹوئٹر اکاؤنٹ سے ان کی مسجد نبویﷺ میں حاضری کی تصویر جاری کی گئی جس میں بتایا گیا ہےکہ شیخ رشید احمد نے عمرہ کی سعادت حاصل کرنے

کے بعد روضہ رسولﷺ پر حاضری دی۔ سابق وزیر داخلہ جناح انٹرنیشنل ائیر پورٹ کراچی سے اتوار کی شام قومی ائیرلائن کی پرواز پی کے 9731 کے ذریعے جدہ کے لیے روانہ ہوئے تھے۔