Tag: شادی

کراچی(ویب ڈیسک) سندھ ہائیکورٹ نے دعا زہرہ کیس میں پولیس کی پیشرفت رپورٹ مسترد کرتے ہوئے لڑکی کو ہرصورت پیر کو پیش کرنے کا حکم دے دیا۔ سندھ ہائیکورٹ میں نمرہ کاظمی کی بازیابی سے متعلق کیس میں پولیس نے دعا زہرہ کیس کی پیشرفت رپورٹ پیش کی جسے عدالت نے مسترد کردیا۔ جسٹس آغا فیصل نے کہا کہ دعا زہرہ

کیس کے ساتھ اس کیس کو سنیں گے، آئی جی سے کہہ دیں کہ لڑکیاں پیش نہ کیں تو ان کے خلاف کارروائی ہوگی، پولیس کی بنیادی ذمہ داری ہی یہ ہے، ہمارے پاس آئی جی کے خلاف کارروائی کے علاوہ کوئی چارہ نہیں رہ گیا۔ عدالت نے کہاکہ آئی جی بننے کے لیے اور بہت ہیں، پولیس ہمارے ساتھ مذاق کر رہی ہے کیا ہم نہیں جانتے۔ سندھ ہائیکورٹ نے آئی جی سندھ کو پیر کو 11 بجے طلب کرلیا جب کہ عدالت نے دعا زہرہ اور نمرہ کاظمی کو ہر صورت اسی روز پیش کرنے کی ہدایت کی ہے۔ عدالت نے وفاقی سیکرٹری داخلہ کو بھی دعا زہرہ اور نمرہ کاظمی کی بازیابی میں معاونت کی ہدایت کی ہے ۔ عدالت نے کہا کہ ہر صورت آئی جی سندھ کے خلاف براہ راست کارروائی ہوگی، اب بہت ہوگیا، آئی جی کو خود جواب دینا ہوگا۔اس سے قبل سندھ ہائیکورٹ نے دعا زہرہ کو 30 مئی کوعدالت میں پیش کرنے کا حکم دے دیا تھا۔ سندھ ہائیکورٹ میں دعا زہرہ کی بازیابی سے متعلق درخواست کی سماعت ہوئی جس سلسلے میں آئی جی سندھ، ایس ایس پی ایسٹ، دعا زہرہ کے والدین اور دیگر عدالت میں پیش ہوئے جب کہ پولیس نے لڑکی کی بازیابی سے متعلق اپنی رپورٹ پیش کی۔ پولیس رپورٹ میں بتایا گیا کہ مظفر آباد کی لوکیشن ٹریس ہوئی مگر کل تمام نمبرز بند ہوگئے، سگنلز بالاکوٹ میں لوکیٹ ہوئے۔ آئی جی سندھ نے عدالت کو بتایا کہ پنجاب پولیس سے رابطہ کرنے پر معلوم ہوا بچی کو کے پی کے منتقل کردیا گیا ہے۔ اس پر عدالت نے کہا کہ لڑکی کو یہاں لانا پڑے گا ، یہیں کیس کا فیصلہ ہوگا۔ عدالت نے دعا زہرہ کو 30 مئی کو پیش کرنے کا حکم دیا اور اس سلسلے میں پولیس، قانون نافذ کرنے والے اداروں کو تمام

ممکنہ اقدامات کرنے کا حکم دیا۔ عدالت نے سیکرٹری داخلہ کو تمام صوبوں کی پولیس کو ہدایات جاری کرنے کا حکم دیتے ہوئے کہا کہ تمام صوبوں کی پولیس کو دعا زہرہ کی بازیابی کیلئے اقدامات کرے۔ عدالتی کارروائی کے بعد میڈیا سے گفتگو میں آئی جی سندھ کامران فضل نے کہا کہ کیس کی تحقیقات جاری ہیں، ابھی مزید نہیں بتا سکتا تاہم ایسا کوئی سراغ نہیں ملا کہ اس میں منظم گروہ ملوث ہو۔ انہوں نے کہا کہ جو لڑکی کے ساتھ ہیں ان کو معلوم ہوجاتا ہےکہ ہم پہنچ گئے تو وہ نکل جاتے ہیں، کوشش کررہے ہیں بچی جلد بازیاب ہو جائے۔

اسلام آباد(ویب ڈیسک) پاکستان تحریک انصاف ( پی ٹی آئی ) کے رکن قومی اسمبلی عامر لیاقت نے ہمیشہ کیلئے پاکستان چھوڑنے سے قبل اپنے بیٹے اور بیٹی کے لیے ایک جذباتی پیغام شیئر کیا ہے۔ عامر لیاقت نے انسٹاگرام پر بیٹے احمد اور بیٹی دعا کی تصویر شیئر کرتے ہوئے ایک طویل پیغام شیئر کیا جس میں انھوں نے ملک چھوڑنے کے فیصلے کا اعلان

کرتے ہوئے بیٹے اور بیٹی کومشورہ بھی دیا۔ عامر لیاقت نے لکھا کہ میرے بچو اب تم بڑے ہو گئے ہو، دعا لمز سے پڑھ کر ایک شاندار مقام حاصل کرے گی اور احمد تم ایک بڑے انجینئر بنو گے، تمہارا باپ بے قصور تھا لیکن تم نہ پہلے سمجھے اور نہ اب سمجھو گے اور اس کی وجہ بدترین سوشل میڈیا ہے۔ انھوں نے لکھا کہ جہاں اگر آپ اپنا اصلی روپ رکھتے ہیں تو بغیر کسی رکاوٹ کے آپ کو شیطان کہہ کر پکارا جاتا ہے اور اگر آپ ایک مصنوعی اخلاقیات لے کر آتے ہیں تو منافق کہلاتے ہیں۔ عامر لیاقت نے اپنی پوسٹ میں اپنی بیٹی کو مخاطب کرتے ہوئے لکھا کہ دعا! آپ میری عزت کریں یا نہ کریں، آپ کے سابقہ اسکول کے استاد نے مجھے آپ کی کلاس میں “ڈیڈ مین” کہا اور آپ نے خاموشی اختیار کی یا پھر وقتاً فوقتاً اپنے باپ کو برا بھلا کہا لیکن میں آپ سے ہمیشہ محبت کروں گا۔” رکن قومی اسمبلی میں اپنی پوسٹ میں اپنے بچوں سے مزید کہا کہ’ میں تم دونوں کو مشورہ دیتا ہوں کہ کسی بھی قیمت پر اپنی ماں کی عزت کرنا نہ چھوڑنا اور جب بھی اسے ضرورت ہو ان (ماں) کا خیال رکھنا، یہ بھی واضح کر دوں کہ میں نے اسے طلاق نہیں دی تھی اور کہا تھا کہ یہ صرف ایک غلط فہمی پر مبنی کہانی ہے، وہ اب بھی میری بیوی ہے “عامر” کا لفظ اپنے نام سے ہٹانا بشریٰ کا انتخاب تھا۔ وہ ایک بہترین کردار، پرہیزگار اور مثالی علم کی مالک ہے، وہ ایک عظیم ماں ہے لیکن بدقسمتی سے بدترین بیوی ہے، لوگ نہیں جانتے کہ 20 سال کے بعد کیوں میں نے دوسری بیوی کا انتخاب کیا، یہ ہمارا نازک ذاتی معاملہ ہے اور میں آپ کی والدہ سمیت کسی کو بھی اجازت نہیں دوں گا کہ کوئی میرے خاندان کی پرائیویسی پر حملہ کرے۔ عامر لیاقت نے بتایا کہ ’مجھ پر کچھ قرض ہیں ان کو جلد ادا کروں گا،
ابھی میرے پاس پیسے ختم ہو گئے ہیں، ملک چھوڑ جاؤں گا لیکن میں آپ دونوں سے ہمیشہ محبت کرتا رہوں گا۔

لاہور(ویب ڈیسک) کراچی سے لاہور جا کر ظہیر احمد سے نکاح کرنے والی دعا زہرہ نے اپنی اور شوہر کی جان خطرے میں ہونے کا دعویٰ کیا ہے۔ اپنی ویڈیو پیغام میں دعا زہرہ کا کہنا ہےکہ مجھے اور میرے شوہر کی جان کو خطرہ ہے ، میں کراچی سے لاہور اپنی مرضی سے آئی تھی، میں نے اپنی مرضی سے نکاح کیا تھا،

ملک کا قانون مجھےاجازت دیتا ہے جہاں چاہوں جاسکتی ہوں۔ دعا زہرہ کے مطابق میں نے عدالت میں اپنے شوہر کے حق میں بیان ریکارڈ کروایا تھا اس کے باوجود سندھ اور پنجاب کی پولیس مجھے اور میرے شوہر کو ہراساں کر رہی ہے اور غیر قانونی طور پر ہمیں ڈھونڈ رہی ہے ، سندھ پولیس مجھے اور میرے شوہر کو اغواء کرکے کراچی لے جانا چاہتی ہے لہٰذا ہمیں کچھ بھی ہوا تو ذمہ دار سندھ، پنجاب پولیس اور میرے ماں باپ ہوں گے۔ دعا کا مزید کہنا تھا کہ میرے والدین کو میری پسند کی شادی کا پہلے سے پتا تھا اور میں گھر سے نکلنے سے پہلے ایک خط والدین کے نام چھوڑ کر آئی تھی جس میں بتادیا تھا کہ میں گھر سے کیوں جارہی ہوں ، میں کراچی نہیں جاؤں گی ، میں اپنے سسرال میں اپنے شوہر کے ساتھ بہت خوش ہوں، ہمیں سکون کی زندگی جینے دی جائے۔ دعا زہرہ کا کہنا تھا کہ سوشل میڈیا پر میرے سسرال والوں کو گینگ کہنے کی خبریں سب جھوٹ ہیں یہ لوگ انتہائی شریف لوگ ہیں اور میرے والدین سے بھی زیادہ اچھے ہیں ۔ واضح رہے کہ دعا زہرہ کے والد نے بیٹی کی بازیابی کے لیے سندھ ہائی کورٹ سے رجوع کیا ہوا ہے ، دائر درخواست میں کہا گیا ہےکہ ایس ایس پی ایسٹ، ایس ایچ او الفلاح اور تفتیشی افسر کو دعا زہرہ کو بازیاب کرانےکا حکم دیا جائے۔ سندھ ہائی کورٹ نے دعا زہرہ کے والد کی جانب سے بیٹی کی بازیابی کے لیے دائر درخواست پر لڑکی کے شوہر سمیت دیگر فریقین کو نوٹس جاری کردیے ہیں۔

ممبئی(ویب ڈیسک) بالی وڈ اداکارہ ملائکہ اروڑہ اور اداکار ارجن کپورگزشتہ کئی سالوں سے قریبی رشتے میں ہیں لیکن اب ایسا لگ رہا ہے کہ دونوں جلد ہی شادی کے بندھن میں بندھ جائیں گے۔ بھارتی میڈیا کے مطابق حال ہی میں اپنے ایک انٹرویو میں ملائکہ اروڑا نے ارجن کپور کے ساتھ جلد شادی کرنے کا اشارہ دیا۔

رپورٹس کے مطابق ملائکہ نے انٹرویو میں کہا کہ ارجن کے ساتھ ان کا رشتہ ان کے لیے کافی ‘مقدس’ ہے اور وہ ایک دوسرے کے لیے اس حد تک سنجیدہ ہیں کہ وہ مسلسل اپنے تعلقات کو پروان چڑھانے کے طریقے سوچتے رہتے ہیں۔ ان کا کہنا تھا کہ سب سے اہم حصہ یہ ہے کہ اگر ہم جانتے ہیں کہ ہم ایک ساتھ مستقبل میں زندگی گزارنا چاہتے ہیں یہ رشتہ میرے لیے مقدس اور اہم ہے۔ مجھے لگتا ہے کہ ہم ایک ایسی جگہ پر ہیں جہاں ہم سوچ رہے ہیں کہ ہمیں آگے کیا کرنا ہے۔ ملائکہ نے کہا کہ میں اور ارجن چیزوں پر بہت بحث کرتے ہیں۔ہمارے خیالات ایک جیسے ہیں۔ اداکارہ نے مزید کہا کہ ہم ایک ساتھ وقت گزارنا پسند کرتے ہیں اور یقینی طور پر اپنا مستقبل ایک ساتھ دیکھتے ہیں۔ یاد رہے کہ اداکارہ و ماڈل ملائکہ اروڑا نے سال 1998 میں اداکار و فلم ساز ارباز خان سے شادی کی تھی، جوڑے کے ہاں 2002 میں بیٹے ارہان خان کی پیدائش ہوئی تھی، 19 سال شادی رہنے کے بعد ان کی طلاق 2017 میں ہوئی۔