کرکٹ کے میدان سے بڑا تہلکہ : کھلاڑیوں کی نئی ٹیسٹ رینکنگ جاری ۔۔۔۔ بابراعظم نے پاکستانیوں کا سر فخر سے بلند کر دیا

دبئی (ویب ڈیسک) انٹرنیشنل کرکٹ کونسل (آئی سی سی) نے کھلاڑیوں کی نئی ٹیسٹ رینکنگ جاری کردی ہے جس کے مطابق بابراعظم پہلی مرتبہ 10 بہترین بلے بازوں میں شامل ہو گئے ہیں۔تفصیلات کے مطابق آئی سی سی کی جانب سے جاری کردہ ٹیسٹ پلیئرز رینکنگ کے مطابق بلے بازوں میں بھارت کے کپتان ویرات کوہلی

بدستور پہلے نمبر پر موجود ہیں جبکہ آسٹریلیا کے سٹیو سمتھ دوسرے، نیوزی لینڈ کے کین ولیم سن تیسرے، بھارت کے چتیشوار پجارا چوتھے، آسٹریلیا کے مارنوس لابوشین 3 درجے ترقی کے بعد پانچویں، بھارت کے اجنکیا ریحانے چھٹے، آسٹریلیا کے ڈیوڈ وارنر ساتویں، انگلینڈ کے جو روٹ آٹھویں، راولپنڈی ٹیسٹ میں سنچری سکور کرنے والے بابر اعظم نوویں اور سری لنکن ٹیسٹ ٹیم کے کپتان ڈیموتھ کرونارتنے دسویں نمبر پر ہیں۔کرکٹ کے طویل فارمیٹ کے 10 بہترین باﺅلرز میں کوئی بھی پاکستانی باﺅلر شامل نہیں ہے۔ اس فہرست میں آسٹریلیا کے پیٹ کومنز کا پہلا نمبر ہے جبکہ جنوبی افریقہ کے کاگیسو ربادا دوسرے، نیوزی لینڈ کے نیل ویگنر تیسرے، ویسٹ انڈیز کے جیسن ہولڈر چوتھے، آسٹریلیا کے مچل سٹارک پانچویں، بھارت کے جسپریت بمرا چھٹے، آسٹریلیا کے جوش ہیزل ووڈ ساتویں، جنوبی افریقہ کے ویرنون فلینڈر آٹھویں، انگلینڈ کے جیمز اینڈرسن نوویں اور نیوزی لینڈ کے ٹم ساﺅتھی دسویں نمبر پر ہیں۔آل راﺅنڈرز کی فہرست میں ویسٹ انڈیز کے جیسن ہولڈر پہلے نمبر پر براجمان ہیں جبکہ بھارت کے رویندرا جدیجہ دوسرے، انگلینڈ کے بین سٹوکس تیسرے، جنوبی افریقہ کے ویرنون فلینڈر چوتھے، آسٹریلیا کے مچل سٹارک پانچویں، بھارت کے روی چندرن ایشوین چھٹے، آسٹریلیا کے پیٹ کومنز ساتویں، نیوزی لینڈ کے کولن ڈی گرینڈہوم آٹھویں، ویسٹ انڈیز کے روسٹن چیز نوویں اور انگلینڈ کے کرس ووکس دسویں نمبر پر ہیں۔ جبکہ دوسری جانب ایک خبر کے مطابق ویسٹ انڈیز کیخلاف پہلے ون ڈے میچ میں امپائر کے فیصلے پر بھارتی کپتان ویرات کوہلی برہم ہو گئے اور ڈریسنگ روم سے اٹھ کر فیلڈ میں جانے لگے لیکن رک گئے۔تفصیلات کے مطابق بھارتی اننگز کے 48 ویں اوور میں رویندرا جدیجہ کے خلاف رن آﺅٹ کی اپیل امپائر نے مسترد کر دی لیکن جب باﺅلر نے اگلی گیند کرانے کیلئے ایکشن لیا تو ویسٹ انڈین کپتان پولارڈ نے غالباً ڈریسنگ روم سے سگنل ملنے پر تھرڈ امپائر کی طرف رجوع کی درخواست کی جس پر گرما گرمی ہونے لگی، البتہ ری پلے سے بیٹسمین کو آﺅٹ قرار دیدیا گیا۔ایسا ہونے پر ڈریسنگ روم میں بیٹھے ویرات کوہلی برہم ہو گئے اور اٹھ کر فیلڈ میں جانے لگے لیکن پھر رک گئے۔ اس میچ میں ویسٹ انڈیز نے بھارت کو 8 وکٹوں سے شکست دی تھی۔بھارت نے پہلے بیٹنگ کرتے ہوئے 50 اوورز میں 8 وکٹوں کے نقصان پر 287 رنز بنائے اور ویسٹ انڈیز کی ٹیم نے یہ ہدف 48 ویں اوور میں 2 وکٹوں کے نقصان پر حاصل کر لیا۔