You are here
Home > شوبز > ’’ میں شرمندہ ہوں کہ ناجائز طریقے سے ۔۔۔۔‘‘ اداکارہ عفت عمر نے پیغام جاری کر دیا ، قوم سے معافی مانگ لی

’’ میں شرمندہ ہوں کہ ناجائز طریقے سے ۔۔۔۔‘‘ اداکارہ عفت عمر نے پیغام جاری کر دیا ، قوم سے معافی مانگ لی

لاہور(ویب ڈیسک) اداکارہ و سابق ماڈل اور میزبان عفت عمر نے سیاسی اثرورسوخ استعمال کرکے کورونا ویکسین لگانے پر سوشل میڈیا پر ہونے والی تنقید کے بعد معافی مانگ لی۔ تفصیلات کے مطابق چند روز قبل سوشل میڈیا پر ایک ویڈیو وائرل ہوئی تھی جس میں عفت عمر کو پاکستان مسلم لیگ (ق) کے

سیکریٹری جنرل طارق بشیر چیمہ کی رہائش گاہ پر کورونا ویکسین لگواتے ہوئے دیکھا جاسکتا ہے۔ عفت عمر کے علاوہ طارق بشیر چیمہ کے اہلخانہ نے بھی ویکسین لگوائی تھی۔ یہ ویڈیو کچھ ہی دیر میں پورے سوشل میڈیا پر وائرل ہوچکی تھی اور لوگوں نے ویڈیو کو شدید تنقید کا نشانہ بنایا تھا کیونکہ جس وقت عفت عمر اور طارق بشیر چیمہ کے اہلخانہ نے کورونا ویکسین لگوائی تھی اس وقت صرف 60 سال سے زائد کے عمر کے لوگوں کو اور صحت کے کارکنوں کو ہی ویکسین لگوانے کی اجازت تھی۔ اس کے علاوہ طارق بشیر چیمہ پر کورونا ویکسین لگوانے کے لیے سیاسی اثرورسوخ استعمال کرنے کا بھی الزام لگایا گیا جس کی وجہ سے انہیں بھی شدید تنقید کا نشانہ بنایا گیا۔ لوگوں نے کہا ہے کہ عفت عمر ہمیشہ قانون کی حکمرانی اور دیانتداری کی بات کرتی ہیں اور اب وہی سب سے پہلے ویکسین لگوارہی ہیں۔ بعدازاں گزشتہ روز عفت عمر نے اپنی غلطی مانتے ہوئے کورونا ویکسین لگوانے پر معافی مانگی ہے۔ انہوں نے لکھا مجھے معاف کردیں۔ میں بہت شرمندہ ہوں۔ میں دل کی گہرائیوں سے معافی مانگتی ہوں اور میں توبہ کروں گی۔


Top