اسلام نے زندگی بدل دی۔۔!! پاکستان کی نامور شخصیت نے اچانک شوبز چھوڑنے کا اعلان کر دیا

کراچی(نیوز ڈیسک) پاکستانی فلم اور ڈرامہ انڈسٹری کے معروف اداکار فیروز خان نے شوبز کو خیرباد کہہ دیا۔تفصیلات کے مطابق معروف اداکارہ حمیمہ ملک کے بھائی فیروز خان نے شوبز سے کنارہ کشی اختیار کرلی، فیروز خان کا کہنا ہے کہ اپنا یہ پلیٹ فارم صرف اسلام کی ترویج کے لیے استعمال کروں گا۔

فیروز خان کا کہنا ہے کہ آپ سب سے دعاؤں کی درخواست کرتا ہوں۔اداکار فیروز خان نے سماجی رابطے کی ویب سائٹ ٹویٹر پر اعلان کرتے ہوئے کہا کہ میرے پرستار مجھ سے ایک بیان کا انتظار کررہے ہیں، میں اعلان کرتا ہوں کہ میں نے شوبز انڈسٹری چھوڑ دی ہے۔فیروز خان نے مزید لکھا کہ اس پلیٹ فارم کے ذریعے اسلام کی تعلیم کے لیے کام کروں گا اور اپنی خدمات مہیا کروں گا، آپ سب سے میری دعا کی درخواست ہے۔

واضح رہے کہ اے آر وائی ڈیجیٹل پر فیروز خان کا نیا ڈرامہ ’عشقیہ‘ شہرت کی بلندیوں کو چھو رہا ہے، ڈرامے میں فیروز خان کے ہمراہ اداکارہ رمشا خان مرکزی کردار ادا کررہی ہیں۔ڈرامے ’عشقیہ‘ میں فیروز خان اور رمشا خان کے علاوہ ہانیا عامر، شبیر جان، گوہر خان ودیگر بھی نمایاں ہیں، ڈرامے کو پیر کی شب 8 بجے نشر کیا جاتا ہے۔علاوہ ازیں فیروز خان کی ایک فلم میں تکمیل کے مراحل میں ہے، ٹچ بٹن میں فیروز خان مرکزی کردار ادا کررہے ہیں، فلم عید الفطر پر بڑے پردے کی زینت بنے گی۔