قربانی سے پہلے قربانی کی باتیں پرانی ہو گئیں ، شیخ رشید نے ایک با ر پھر حکومت گرا دی

اسلام آباد (مانیٹرنگ ڈیسک) عوامی مسلم لیگ کے سربراہ شیخ رشید احمد نے کہا ہے کہ انتخابات سے قبل ملک سے کرپٹ لوگوں کا خاتمہ کرنا ہے، 30 مارچ تک کرپٹ حکومت نہیں رہے گی زرداری سے کوئی اتحاد نہیں ہو رہا آصف زرداری گنگا کے نہائے ہوئے نہیں ان پر بھی کرپشن کے مقدمات ہیں چوہدری نثار

کی طرح ضیاء الحق اور نواز شریف کے جوتے نہیں چاٹے میرا کردار سب سے مختلف ہے آصف زرداری تحریک انصاف سے نہیں (ن) سے سیٹیں مانگیں گے۔نجی ٹی وی کے پروگرام میں گفتگو کرتے ہوئے شیخ رشید نے کہا کہ حدیبیہپیپر ملز کیس تمام مقدمات کی ماں ہے امید ہے گیارہ دستمبر کو لگ جائے گا سپریم کورٹ نے شریف برادران کا لحاظ کیا اور 19 کمپنیوں کا ذکر نہیں کیا آصف علی زرداری بھی گنگا کے نہائے ہوئے نہیں ان پر بھی سرے محل اور کرپشن کے مقدمات ہیں عمران خان اور شیخ رشید کا آصف زرداری سے اتحاد نہیں ہورہا انہوں نے کہا کہ طاہر القادری سے دل ملا ہوا ہے طاہر القادری کے کارکنوں پر ظلم ہوا مادل ٹاؤن رپورٹ مإن سب واضح ہوچکا، ظلم و بربریت کے خلاف طاہر القادری کے ساتھ ہوں۔ پتہ نہیں آصف زرداری طاہر القادری سے کیوں ملنے گئے تھے۔ انہوں نے کہا کہ پیپلزپارٹی سے کیوں رابطہ نہیں الیکشن سے پہلے ملک سے کرپٹ لوگوں کا خاتمہ کرنا ہے، 30 مارچ تک کرپٹ حکومت نہیں رہے گی جو بھی ہوگا آئین اور قانون کے مطابق ہوگا۔ چین میں کرپشن پر 10 ہزار کو سزا ہوئی۔ یہاں 10 لوگ جیل چلے گئے تو کوئی بھونچال نہیں آئے گا انہوں نے کہا کہ جس نے جان بوجھ کر پارٹی کو چھوٹا رکھا ہوا ہے

صرف پنڈی کو دو سیٹوں پر انتخابات لڑوں گا انہوں نے کہا کہ میں اکیلا ضرور ہوں خدا کے فضل سے اٹھارہ کروڑ افراد میری آواز سنتے ہیں اور وہ سمجھتے ہیں کہ یہ سچا آدمی ہے چاہتا ہوں میری وجہ سے معران خان کو فائدہ ہوا انہوں نے کہا کہ میں نے چوہدری نثار کی طرح ضیاء الحق اور نواز شریف کے جوتے نہیں چاٹےیہ گیٹ نمبر 4 کی پیداوار ہیں پاکستان کی سیاست میں شیخ رشید کا کردار سب سے الگ ہوگا۔ شیخ رشید ایک آواز ہے شیخ رشید کے بارے مین پوچھنا ہے تو نواز شریف سے پوچھو میں چھوٹے کیسوں میں نہیں الجھتا انہوں نے کہاکہ اس ملک کی جمہوریت اور آئین کو بچانے کے لئے سپریم کورٹ نے اہم فیصلے کرنے ہیں عام انتخابات وقت سے آگے بھی جاسکتے ہیں انہوں نے کہاکہ پانامہ کیس میں نواز شریف مریے کیس کی وجہسے نااہل ہوا آئندہ انتخابات میں آصف زرداری تحریک انصاف سے نہیں ن لیگ سے سیٹیں مانگیں گے کیوں (ن) اور پیپلزپارٹی سیٹیں بچانے کے لئے اتحاد کر سکتے ہیں انہوں نے کہا کہ (ن) لیگ پنجاب اور پیپلزپارٹی سندھ میں اپنی مرضی کی نگران حکومت بنانا چاہیں گے ہم چاہتے ہیں کہ نگران حکومت ایسی ہو جس پر پوری قوم کا اعتماد ہو انہوں نے کہا کہ وزیر خارجہ بیرون ملک نوکری کرتا ہو تو یہ میری توہین ہے۔