بریکنگ نیوز: حالات کشیدہ وزیراعظم نے گورنر سندھ کو اچانک اسلام آباد طلب کرلیا، کیا نیا ہونے والا ہے؟ اندر کی خبر آ گئی

کراچی / اسلام آباد(ویب ڈیسک) وزیراعظم عمران خان نے گورنر سندھ کو فوری طور پر اسلام آباد طلب کرلیا۔اے آر وائی نیوز کو ذرائع سے موصول ہونے والی اطلاعات کے مطابق سندھ کی موجودہ صورت حال کے بعد وزیراعظم عمران خان نے عمران اسماعیل کو اسلام آباد طلب کرلیا۔
ذرائع کے مطابق گورنر سندھ کچھ دیر میں اسلام آباد کے لیے روانہ ہوں گے۔دریں اثناء سندھ پولیس کے آئی جی سمیت ڈی آئی جی رینک کے تمام افسران نے چھٹیوں پر جانے کی درخواست جمع کرائی جبکہ اسیپشل برانچ کے ایڈیشنل آئی جی عمران یعقوب نے بھی دو ماہ چھٹی کی درخواست دے دی جس میں انہوں نے مؤقف اختیار کیا کہ ایسے ماحول میں کام نہیں کرسکتا۔
آئی جی،ایڈیشنل آئی جیز،ڈی آئی جیزکےبعدایس ایس پیزبھی چھٹی پرجانےلگے، ایس ایس پی ایسٹ ساجدامیرسدوزئی نے بھی رخصت پر جانے کی درخواست دے دی۔
آئی جی سندھ پولیس مشتاق مہر آج دفتر نہیں اور انہوں نے 15 روز کی چھٹیوں کی درخواست دے دی۔ علاوہ ازیں ایڈیشنل اور ڈی آئی جی رینک کے افسران نے بھی چھٹیوں پر جانے کی درخواست جمع کرادی ہے۔بعد ازاں پاکستان پیپلزپارٹی کے چیئرمین بلاول بھٹو زرداری نے وزیراعلیٰ سندھ کے ہمراہ پریس کانفرنس کرتے ہوئے کیپٹن صفدر کی گرفتاری پر شدید ردعمل دیا اور چیف آف آرمی اسٹاف، ڈی جی آئی ایس آئی سے واقعے کی تحقیقات کرنے کا مطالبہ کیا۔
پاک فوج کے شعبۂ تعلقاتِ عامہ آئی ایس پی آر کی جانب سے جاری اعلامیے میں بتایا گیا کہ چیف آف آرمی اسٹاف جنرل قمر جاوید باوجوہ نے کراچی واقعے کا نوٹس لیتے ہوئے کورکمانڈر کراچی کو تحقیقات کرنے کی ہدایت کی۔
آرمی چیف نے کورکمانڈر کراچی کو تمام پہلوؤں کا جائزہ لے کر فوری رپورٹ کرنے کی ہدایت کی۔ آئی ایس پی آر کے مطابق جنرل قمر جاوید باجوہ نے ہدایت کی کہ ’حالات کاجائزہ لےکرحقائق سامنےلائےجائیں‘۔