You are here
Home > پا کستا ن > ریپ کے مجرموں کو نامرد بنانے کا فیصلہ ۔۔۔۔۔ وزیر اعظم عمران خان نے قوم کی امنگوں کی ترجمانی کر دی

ریپ کے مجرموں کو نامرد بنانے کا فیصلہ ۔۔۔۔۔ وزیر اعظم عمران خان نے قوم کی امنگوں کی ترجمانی کر دی

اسلام آباد (ویب ڈیسک) وزیر اعظم عمران خان کا کہنا ہے کہ ریپ کے مجرموں کو نامرد بنادینا چاہیے۔نجی ٹی وی 92 نیوز کے پروگرام میں گفتگو کرتے ہوئے وزیر اعظم عمران خان نے کہا کہ کئی ملکوں میں ریپ کے مجرموں کو نامرد بنادیا جاتا ہے ، وہ اس بارے میں پڑھ رہے ہیں۔ ایسے مجرموں

کو یا تو کیمیکل کے ذریعے یا سرجری کے ذریعے نامرد بنایا جاسکتا ہے۔ریپ کے کیسز کو بھی قتل کے مقدمات کی طرح درجہ بندی دی جانی چاہیے۔ فرسٹ ڈگری والے کو نامرد بنایا جائے، ان کو آپریشن کرکے ناکارہ کردیا جائے۔اسی پروگرام میں گفتگو کے دوران وزیر اعظم نے یہ بھی کہا کہ ریپ کے مجرموں کو چوکوں، چوراہوں پر پھانسی کی سزا دی جانی چاہیے۔جبکہ دوسری جانب ایک خبر کے مطابق سانحہ گجر پورہ کے حوالے سے خاتون صحافی فریحہ ادریس کا انکشاف، ملزمان واردات کے بعد گاڑی میں 1 ہزار روپے چھوڑ کر گئے، متاثرہ خاتون نے پولیس سے رابطہ کر کے لوکیشن شیئر کی، 1 ہزار روپے کا پٹرول مانگا، 2 گھنٹے انتظار کے بعد پولیس کی بجائے ڈاکو آگئے، زیادتی واقعے کے بعد مجرمان جاتے ہوئے گاڑی کے ڈیش بورڈ پر 1 ہزار روپے کا نوٹ چھوڑ کر گئے۔ خاتون صحافی اور اینکر پرسن فریحہ ادریس کی جانب سے نجی ٹی وی چینل کے پروگرام سے گفتگو کرتے ہوئے بڑا انکشاف کیا گیا ہے۔ فریحہ ادریس کا بتانا ہے کہ موٹروے پر جب متاثرہ خاتون کا پٹرول ختم ہوا تو انہوں نے پولیس کو کال کر کے ایک ہزار روپے کا پٹرول مانگا تھا، جبکہ وہاں واردات ہوئی تو مجرمان واپس جاتے ہوئے 1 ہزار روپے کا نوٹ گاڑی کے ڈیش بورڈ پر چھوڑ کر گئے۔فریحہ ادریس کا بتانا ہے کہ وہ متاثرہ خاتون سے رابطے میں ہیں۔ خاتون کی گاڑی خراب ہوئی تو انہوں نے پولیس سے رابطہ کیا لیکن 2 گھنٹے تک وہاں کوئی نہیں آیا۔ خاتون نے بذریعہ وٹس ایپ پولیس سے اپنی لوکیشن بھی شیئر کی تھی۔ مدد کیلئے رابطہ کیے جانے پر پولیس نے خود خاتون سے لوکیشن کی تفصیلات مانگی تھیں تاہم مدد کیلئے کوئی نہیں آیا۔ خاتون نے باقاعدہ ویڈیو بھی بنائی کہ جب انہوں نے مدد طلب کی تو اس کے 2 گھنٹے تک پولیس نہیں آئی۔خاتون نے اب دوران تفتیش پولیس سے وہ نمبر بھی شیئر کیا ہے جس پر لوکیشن شیئر کی گئی تھی۔ جبکہ متاثرہ خاتون نے تصدیق کی ہے کہ گرفتار ملزم شفقت نے دوران تفتیش جو تفصیلات بتائی ہیں وہ کافی حد تک درست ہیں۔ واضح رہے کہ سانحہ گجر پورہ کا شفقت نامی ایک ملزم گرفتار کیا جا چکا، جبکہ مرکزی ملزم عابد کی گرفتاری کیلئے کوششیں جاری ہیں۔ پنجاب پولیس اور صوبائی حکومت کا دعویٰ ہے کہ ملزم عابد علی جلد پولیس کی تحویل میں ہوگا۔


Top