خبردار ہوشیار : لاہور کے وہ علاقے جہاں اب بھی کورونا وائرس موجود ہے ۔۔۔۔۔گٹروں اور سیوریج سے لیے گئے نمونوں کے ٹیسٹ میں حیران کن انکشاف

لاہور(ویب ڈیسک) لاہور کے 70 فیصدعلاقوں میں کوروناوائرس کی موجودگی کاانکشاف ہوا ہے، ویٹرنری یونیوسٹی نے لاہور کے مختلف علاقوں کے سیوریج سے نمونے لیے، جن میں کورونا کی موجودگی پائی گئی، موجودہ نتائج مائیکرولاک ڈان کیلئے مؤثر ثابت ہوں گے۔ویٹرنری یونیورسٹی کے انسٹیٹیوٹ آف مائیکروبیالوجی ڈاکٹرطاہر یعقوب نے کہا ہے کہ

پنجاب حکومت کی ہدایت پر واسا کے108لفٹ اسٹیشن سے سیوریج کے نمونے لیے گئے۔ ان نمونوں سے معلوم ہوا ہے کہ لاہور کے 70فیصد علاقوں میں کورونا وائرس تاحال موجود ہے۔جوہر ٹاون ہمدردسنٹر کے علاقوں سے نمونے لیے گئے۔ اسی طرح کالج روڈ پر ایک نجی یونیورسٹی کے اطراف سے 56گھروں سے نمونے لیے گئے۔جن میں کورونا وائرس کا انکشاف ہوا ہے۔ ویٹرنری یونیورسٹی نے یہ تمام سیمپلنگ اسمارٹ لاک ڈان کے دوران کی۔موجودہ نتائج مائیکرولاک ڈان کیلئے مؤثر ثابت ہوں گے۔دوسری جانب ایک اور خبر کے مطابق ملک بھر میں کوروناوائرس کے فعال مریضوں کی تعداد گھٹ کر 16 ہزار 248 رہ گئی۔نیشنل کمانڈ اینڈ آپریشن سینٹر کے مطابق گزشتہ 24 گھنٹوں کے دوران ملک بھر میں 24 ہزار 22 کورونا ٹیسٹ کئے گئے جن سے 670 کورونا کیسز سامنے آئے، 6 ا فر ا د جاں بحق ہوئے۔ ملک بھر کے 735 ہسپتالوں میں کورونا کے 1308 مریض زیرعلاج ہیں،جن میں سے 141 وینٹی لیٹر پر ہیں۔ملک بھر میں کورونا کے 2 لاکھ 66 ہزار 301 مریض صحتیاب ہو چکے ہیں، ملک میں 2 لاکھ 88 ہزار 717 مصدقہ کورونا کیس سامنے آ چکے ہیں، سندھ میں ایک لاکھ 25 ہزار 904، پنجاب میں 95 ہزار 391، بلوچستان میں 12 ہزار 224، خیبرپختونخوا میں 35 ہزار 153، آزاد کشمیر میں 2 ہزار 181، اسلام آباد میں 15 ہزار 378 اور گلگت بلتستان میں کورونا کے 2 ہزار 486 مصدقہ کیس سامنے آچکے ہیں۔ملک بھر میں کورونا مریضوں کی تعداد 2 لاکھ 88 ہزار 717 تک جا پہنچی ہے جن میں سے 2 لاکھ 66 ہزار 301 صحت یاب ہوگئے ہیں، 6168 افراد اس سے جاں بحق ہوئے ہیں، اس طرح ملک میں کورونا کے فعال کیسز کی تعداد 16248 ہے۔24 گھنٹوں کے دوران ملک بھر میں کورونا سے 6 افراد زندگی کی بازی ہارے ہیں جس کے بعد اس وباء سے جاں بحق افراد کی تعداد 6 ہزار 168 ہوگئی ہے، سندھ میں 2317، پنجاب میں 2182، خیبر پختونخوا میں 1238، اسلام آباد میں 173،بلوچستان میں 138، گلگت بلتستان میں 60 جبکہ آزادکشمیر میں کورونا کے 60 مصدقہ مریض لقمہ اجل بن چکے ہیں۔