تحریک انصاف کی حکومت میں پرندوں کو بھی انصاف مل گیا ۔۔۔ بڑی عدالت نے پرندوں کے حوالے سے تاریخی فیصلہ سنا دیا

لاہور (ویب ڈیسک) عدالتوں سے انسانوں کے ساتھ ساتھ پرندوں کو بھی انصاف مل گیا ، پنجرے میں قید سینکڑوں چڑیوں کو عدالتی حکم پر آزادی مل گئی جبکہ ملزمان کو تیس تیس ہزار کے مچلکے جمع کرانے کا حکم دیا۔تفصیلات کے مطابق وائلڈ لائف نےگزشتہ روزگرفتار 4 ملزمان کوکینٹ کچہری میں پیش کیا ،

وائلڈ لائف اسٹاف نے 4ملزمان کو زندہ چڑیاں فروخت کرتے ہوئے گرفتار کیا۔وائلڈ لائف نے پنجرے میں قید سینکڑوں چڑیوں کوجوڈیشل مجسٹریٹ کے روبرو پیش کیا، جس پر عدالت نے پنجرے میں قید کی گئی چڑیوں کو آزاد کرنے کا حکم دیا۔جوڈیشل مجسٹریٹ ندیم احمد نے گرفتار ملزمان کو تیس تیس ہزار کے مچلکے جمع کروانے کا حکم دیا ، ملزمان میں محمد اسلم ، محمد اکرم، عبدالعزیز اور لیاقت مسیح شامل ہیں۔