ایک اور بڑا فیصلہ ۔۔۔ سپریم کورٹ نے شیخ رشید کے خلاف کیس کا فیصلہ سنا دیا، وفاقی وزیر کو بڑا سرپرائز

اسلام آباد(ویب ڈیسک) سپریم کورٹ آف پاکستان نے وفاقی وزیر ریلوے شیخ رشید احمد کے خلاف توہین عدالت کی درخواست نمٹا دی۔تفصیلات کے مطابق سپریم کورٹ میں جسٹس عظمت سعید کی سربراہی میں 3 رکنی بینچ نے وفاقی وزیر ریلوے شیخ رشید احمد کے خلاف توہین عدالت کیس کی سماعت کی۔
عدالت عظمیٰ میں سماعت کے دوران ایڈیشنل ایڈوکیٹ جنرل پنجاب نے بتایا کہ گرلز گائیڈ کی گرائی جانے والی دیوار اگلے دن ہی تعمیر کردی تھی۔گرلزگائیڈ کی وکیل نے عدالت میں کہا کہ پنجاب حکومت کے وکیل نے گرلز گائیڈ کے ساتھ مکمل تعاون کیا ہے۔ عدالت عظمیٰ نے گرلز گائیڈ کو دی جانے والی لیز اراضی کو صرف گرلز گائیڈ کے استعمال کے لیے پابند کرتے ہوئے وزارت ریلوے کو اس زمین کے استعمال سے روک دیا۔سپریم کورٹ نے شیخ رشید، ایم این اے راشد شفیق، کشمنر اور ڈپٹی کمشنر راولپنڈی کے خلاف توہین عدالت کی درخواستیں نمٹا دیں۔یاد رہے کہ وفاقی وزیر ریلوے شیخ رشید احمد اور ان کے بھتیجے راشد شفیق کے خلاف گرلز گائیڈ کی جانب سے توہین عدالت کا کیس دائر کیا گیا تھا، سپریم کورٹ نے راولپنڈی میں گرلز اسکول کی زمین 99 سالہ لیز پر دینے کا حکم دیا تھا۔