اب آپ بھی نظر آسکتی ہیں ٹی وی اشتہارات کی حسیناوں کی طرح ،بس اس چیز کے استعمال کو یقینی بنا لیں

بالوں کا لمبا گھنا ہونا ہر ایک کو پسند ہوتا ہے اور ہم سب ہی طرح طرح کے نسخے بالوں میں لگاتے رہتے ہیں تاکہ ٹی وی اشتہارات میں دکھنے والی حسیناٶں کی طرح ہمارے بھی بال نظر آئیں۔کیسٹر آئل کی افادیت بالوں کے لیے ہم سب ہی جانتے ہیں کہ کس طرح کیسٹر آئل ہمارے بالوں کی کمزور جڑوں کو مضبوط اور سخت بنانے میں کار آمد ہوتا ہے۔آئیے آج بیوٹی کارنر آپ کو کیسٹر آئل کا استعمال اور فائدے بتا رہا ہے آپ بھی جانیں اور دوسروں کو بھی بتائیں۔۔۔

١: اگر آپ کیسٹر آئل سے اپنے بالوں میں مالش کریں گے تو یہ آپ کی نہ صرف جڑوں کو مضبوط بنائے گا بلکہ سر میں خون کی گردش کو فعال کرے گا جس سے خون پورے سر میں باآسانی دوڑے گا۔
٢: کیسٹر آئل کو انڈے کی زردی میں ملا کر بالوں میں مالش کریں اور ایک گھنٹے کے لیے چھوڑ دیں۔ مطلوبہ وقت کے بعد کسی اچھے شیمپو سے سر دھو لیں۔
٣: پیاز کے پانی میں بھی کیسٹر آئل ملا کر لگانے سے گرتے بالوں کی شکایت میں فائدہ ہوتا ہے۔
٤: کیسٹر آئل کو ناریل کے تیل اور جوجوبا آئل میں ملا کر لگانے سے آپ کو بالوں میں بہترین فائدہ نظر آئے گا لیکن یہ تینوں تیلوں کا استعمال ہفتے میں دو سے تین مرتبہ کریں اس سے گنج پن کی شکایت بھی دور ہوجائے گی۔
٥: ادرک کے تیل میں کیسٹر آئل شامل کرکے بالوں میں لگانے سے آپ کو خشکی میں بھی مدد ملے گی اور بالوں کی نشوونما بھی زبردست ہوگی۔ کسٹر آئل ایک گرم تیل ہے اس کے روزانہ استعمال سے گریز کریں البتہ زیادہ شکایت کی صورت میں آپ ہفتے میں دو سے تین مرتبہ استعمال کرلیں