Categories
Uncategorized

اوگرا نے ایل پی جی کی قیمت میں ایک بار پھر اضافہ کر دیا۔۔۔عوام نے سر پکڑ لیے

اسلام آباد(ویب ڈیسک)آئل اینڈ گیس ریگولیٹری اتھارٹی (اوگرا) نے جولائی کیلئے گیس ایل پی جی کی قیمت میں ایک مرتبہ پھر اضافے کا اعلان کردیا۔ایکسپریس نیوز کے مطابق آئل اینڈ گیس ریگولیٹری اتھارٹی (اوگرا) کی جانب سے مہنگائی کے ستائے عوام پر ایک مرتبہ پھر ایل پی جی بم گرایا گیا ہے،

اوگرا نے جولائی کےلیے ایل پی جی کی فی کلو قیمت میں ایک روپیہ 66 پیسے اضافے کا اعلان کیا ہے۔ذرائع کا کہنا ہے کہ ایل پی جی کی قیمت میں ہوشربا اضافے کے بعد 11.8 کلو کا گھریلو سلنڈر 19 روپے 62 پیسے مہنگا ہوگیا۔ایل پی جی کی ایک کلوگرام کی نئی قیمت 220 روپے 42 پیسے مقرر کی گئی ہے جب کہ گھریلو سلنڈر کی نئی قیمت 2600 روپے 97 پیسے ہوگی۔واضح رہے کہ جون میں ایل پی جی کا گھریلو سلنڈر 2581 روپے 35 پیسے مقرر تھا، ایل پی جی کی نئی قیمتوں کا اطلاق یکم جولائی 2022ء سے ہوگیا۔جون میں ایل پی جی کا گھریلو سلنڈر 2581 روپے 35 پیسے کا تھا

Categories
Uncategorized پاکستان

مخالفین کےمزید اراکین اڑان بھرنے کو تیار !!! کون کون وفاداریاں بدلنے والا ہے؟ تہلکہ خیز انکشاف

اسلام آباد (مانیٹرنگ ڈیسک )ن لیگ کی سینئر نائب صدر مریم نواز کا کہنا تھا کہ کا کہنا ہے کہ پنجاب کو ایک بار پھر بحرانوں میں دھکیلنے والوں کو لینے کے دینے پڑ گئے ہیں۔ مینڈیٹ کو دھاندلی سے ہتھیانے کی کوشش کرنے والے اب انتخاب روکنے پر بضد ہیں۔سماجی رابطے کی ویب سائٹ ٹویٹر پر مریم نواز

نے کہا ہے کہ پنجاب کوایک بار پھر بحرانوں میں دھکیلنے والوں کو لینے کے دینے پڑ گئے۔ پنجاب کے مینڈیٹ کو ایک بار پھر دھاندلی سے ہتھیانے کی کوشش کرنے والے اب انتخاب روکنے پر بضد ہیں کیونکہ انکے اپنے بہت سارے ارکان اڑان بھرنے کو تیار بیٹھے ہیں۔حکومت ختم کرتے کرتے اپنی گنتی پوری کرنے کے لالے پڑ گئے۔

Categories
Uncategorized

”پاکستان میں پٹرول کی قیمت 300 روپے فی لیٹر”

اسلام آباد: (ویب ڈیسک) سابق وزیرخزانہ سینٹر شوکت ترین نے پٹرول کی قیمت تین سو روپے فی لیٹر سے بھی زائد ہونے کا خدشہ ظاہر کردیا۔ تفصیلات کے مطابق سابق وزیرخزانہ سینٹرشوکت ترین نے سماجی رابطے کی ویب سائٹ‌ ٹوئٹر پر اپنے بیان میں کہا آئی ایم ایف موجودہ حکومت سے پیشگی اقدامات چاہتا ہے

آئی ایم ایف پھر اس کو اپنے بورڈ میں لے جانے پر غور کرے گا، 855 ارب پٹرولیم ڈیولپمنٹ لیوی،11فیصدسیلزٹیکس کی شرائط ہیں، یہ لوگ پیٹرول کی قیمت300روپے فی لیٹر سے اوپر کر سکتے ہیں۔شوکت ترین کا کہنا تھا کہ بجلی کی قیمتوں میں فوری اضافے کی شرط ہے، صوبوں سے800ارب روپے کے صوبائی سرپلس پر دستخط کئے گئے، صوبوں نے صرف 80 ارب روپے دکھائے۔ سابق وزیرخزانہ نے مزید کہا کہ اہم بات یہ ہےانسدادبدعنوانی قوانین کا جائزہ لینےکیلئےٹاسک فورس قائم کریں، یہ پی ڈی ایم حکومت کیلئے بہت چیلنجنگ ہوگا۔ ان کا مزید کہنا تھا کہ حکومت نے بدعنوانی سے متعلق عملی طورپرنیب قانون سےان شقوں کومنسوخ کردیا ہے لیکن آئی ایم ایف یہ سب قرض دینے سے پہلے کارروائیوں کے طور پر دیکھے گا۔ دوسری جانب پاکستان تحریک انصاف (پی ٹی آئی) کے چیئرمین عمران خان نے اسلام آباد میں ’تاریخ‘ کا سب سے بڑا جلسہ کرنے کا اعلان کرتے ہوئے کارکنوں کو مخاطب کرکے کہا کہ ابھی ٹینکوں کے آگے لیٹنے کی ضرورت نہیں ہے۔ اسلام آباد میں ورکرز کنونشن سے دوران خطاب ایک موقع پر ایک کارکن نے بلند آواز میں چیئرمین پی ٹی آئی کو مخاطب کرکے کہا کہ ’خان صاحب ہم ٹینکوں کے آگے بھی لیٹ جائیں گے، آپ حکم کریں‘ جس پر سابق وزیراعظم نے جواب دیا کہ ’ابھی اس کی ضرورت نہیں ہے اس وقت ہمیں اپنی قوم کی خواتین اور نوجوانوں کی ضرورت ہے‘۔ انہوں نے کہا کہ 30 برس سے چوری کرنے والوں کو ہمارے اوپر مسلط کردیا گیا اور جس نے مسلط کیا وہ انہیں ہمارے حق میں اچھے فیصلے کرنے کے لیے نہیں لائے بلکہ ہمیں اپنی غلامی کے لیے لے کر آئے ہیں۔ عمران خان نے کہا وزیر اعظم شہباز شریف نے وفاقی تحقیقاتی ادارے (ایف آئی اے) اور قومی احتساب بیورو (نیب) کو ماتحت کرنے کے بعد نیب ترامیم کر کے 1100 ارب روپے ختم کردیے، موجودہ حکومت نے اقتدار پر اپنے پنجے گاڑھنے کے ساتھ ہی کرپشن کے کیسز اور نیب ختم کیا۔

Categories
Uncategorized پاکستان

بڑے بڑے خواب دیکھنے والے ہار گئے! منظور وسان کو گھر میں ہی شکست کا سامنا

کراچی(نیوز ڈیسک )صوبائی وزیر سندھ منظور وسان کا خواب پورا نہ ہو سکا۔ آبائی علاقےکوٹ ڈیجی میں پیپلزپارٹی کو شکست ہو گئی۔سندھ میں بلدیاتی انتخابات کے پہلے مرحلے میں پولنگ کے بعد ووٹوں کی گنتی کا عمل جاری ہے اور غیرحتمی و غیرسرکاری نتائج آنے کا سلسلہ برقرار ہے۔منظور وسان کے آبائی علاقےکوٹ ڈیجی میں پیپلزپارٹی کو شکست کا سامنا کرنا پڑا ہے۔ ٹاؤن کمیٹی کوٹ ڈیجی میں

جی ڈی اے نے میدان مار لیا۔منظور وسان اپنا گھر کوٹ ڈیجی ہار گئے، 9 میں سے5 نشستوں پر جی ڈی اے امیدوار کامیاب ہوئے۔واضح رہے کہ منظور وسان نے کہا تھا پیپلزپارٹی 9 میں سے7 نشستوں پر کامیاب ہو گی۔ پیپلزپارٹی 9 کے بجائے 4 نشستیں حاصل کرنےمیں کامیاب ہوئی۔

Categories
Uncategorized پاکستان

ایک اور تہلکہ خیز انکشاف! چین نے شہباز حکومت کو کونسے 2.3 بلین ڈالر دیئے؟ جان کر آپ یقین نہیں کریں گے

اسلام آباد(نیوز ڈیسک )ماہرِ معاشیات مزمل اسلم نے کہا ہے کہ جب عدم اعتماد آئی تو اس ماہ چین کو 2.3 بلین کی ادائیگی کی جواب واپس آئی ہے۔ایک بیان میں مزمل اسلم نے کہا کہ پاکستان کی تاریخ کاسب سےزیادہ خزانہ بھرنےکاسہرا پی ٹی آئی کے سر جاتا ہے مشرف صاحب کےدورکےدوران لئےگئےپیسوں پرایک ارب ڈالرواپس کیے۔مزمل اسلم نے کہا کہ گزشتہ

ہفتےخزانے میں کمی ہو کر 8.2 ارب ڈالر ہو گئے چین سے 2.3 ارب ڈالر آنے کے باوجود 10 ارب ڈالر نہیں ہوتے۔انہوں نے کہا کہ اس وقت پاکستان معاشی بحران کی طرف جا رہا ہے پہلی بار ایسا ہوا کہ انہیں کسی نےایل این جی نہیں دی مصدق ملک نےکہہ دیاکہ جولائی سےبجلی کی بدترین لوڈشیڈنگ ہوگی مصدق ملک نےکہاہےکہ دسمبرمیں گیس کی بدترین لوڈشیڈنگ ہوگی۔ان کا کہنا تھا کہ آج خبر آ رہی ہے کہ 30 جون کو بجٹ پاس ہو گا آئی ایم ایف نےکہاہےکہ پہلے بجٹ پاس کرائیں پھردستخط کریں گے۔

Categories
Uncategorized پاکستان

مسترد ، مسترد ، مسترد۔۔!!! جے یو آئی نے پیپلز پارٹی کو دھچکا دے دیا

کراچی(نیوز ڈیسک) جمعیت علمائے اسلام سندھ نے بلدیاتی انتخابات کے نتائج مسترد کر دیے۔تفصیلات کے مطابق جے یو آئی سندھ نے پہلے مرحلے میں بلدیاتی انتخابات کے نتائج کو مسترد کر دیا۔ جے یو آئی کے رہنما راشد سومرو نے کہا ہے کہ ہم انتخابی نتائج تسلیم نہیں کرتے، مشاورت کے بعد آج پریس کانفرنس میں لائحہ عمل کا اعلان کریں گے۔راشد سومرو نے

کہا کہ سندھ حکومت قتل و غارت اور دھونس دھاندلی کے بغیر الیکشن جیت ہی نہیں سکتی۔واضح رہے کہ ایم کیو ایم پاکستان نے بھی بلدیاتی انتخابات کے پہلے مرحلے کو تسلیم کرنے سے انکار کر دیا ہے، ان کا مؤقف ہے کہ پہلے مرحلے کے انتخابات شدید بے ضابطگیوں، دھاندلی اور تصادم کے باعث شفاف نہیں رہے، ایم کیو ایم اس سلسلے میں الیکشن کمیشن میں ثبوت بھی پیش کرے گی۔گزشتہ روز سندھ کے 14 اضلاع میں بلدیاتی انتخابات میں پاکستان پیپلز پارٹی کا پلڑا بھاری رہا ہے، میونسپل کمیٹی کے جنرل ممبر کی 195 نشستوں پر پیپلز پارٹی کامیاب رہی۔غیر حتمی نتائج کے مطابق آزاد امیدوار 18، تحریک انصاف 15، جی ڈی اے 14 سیٹوں پر کامیاب رہی، ٹاؤن کمیٹی جنرل ممبر کی 332 نشستیں جیالے امیدواروں کے نام رہیں، لاڑکانہ ٹاؤن کمیٹی باڈہ پر پیپلز پارٹی کو اپ سیٹ شکست کا سامنا کرنا پڑا، منظور وسان کے آبائی علاقے کوٹ ڈیجی میں پیپلز پارٹی ہار گئی ہے۔

Categories
Uncategorized پاکستان

عید کی آمد!! مفتاح اسماعیل نے سرکاری ملازمین کو خوشخبری سنا دی

(ویب ڈیسک) وزیر خزانہ مفتاح اسماعیل نے کہا کہ پارلیمنٹ کے ملازمین، اے پی پی، ریڈیو پاکستان، پاکستان ٹیلی وژن، سی ڈی اے اور دیگر اداروں کے ملازمین کو دو بنیادی تنخواہوں کے برابر اعزازیہ دیا جائے گا۔ وزیرخزانہ مفتاح اسماعیل نے گزشتہ روز قومی اسمبلی میں بجٹ پر بحث سمیٹتے ہوئے مختلف ٹیکسز کا اعلان کیا۔

مفتاح اسماعیل کا کہنا ہے کہ ایک دفعہ کیلئے 10 فیصد سپر ٹیکس 13 سیکٹرز پر لگے گا جب کہ 4 فیصد ٹیکس دیگر تمام سیکٹرز پر لگے گا۔ مفتاح اسماعیل نے کہا کہ ملک کو ڈیفالٹ سے بچانے کی قیمت ادا کرنی پڑے گی، جیولرز کو ٹیکس نیٹ میں لا رہے ہیں، آئی ٹی کو رعایتیں دے رہے ہیں۔ وزیر خزانہ نے بتایا کہ اس سال وہ خود 20 کروڑ روپے سے زیادہ ٹیکس دیں گے، عمران خان ہر سال ایک سے ڈیڑھ لاکھ روپے ٹیکس دیتے تھے، توشہ خانہ کی وجہ سے پچھلے سال عمران خان نے 98 لاکھ روپے ٹیکس دیا۔ انہوں نے کہا کہ اس سال پرائمری خسارہ 1600 ارب روپے آیا ہے اگلے سال اسے 153 ارب روپے فاضل کیا جائے گا، مجموعی بجٹ خسارہ بھی کم کیا جائے گا، 15 کروڑ سے زیادہ آمدنی والی کمپنیوں پر ایک فیصد، 20 کروڑ روپے سے زیادہ آمدنی والی کمپنیوں کو 2 فیصد، 25 کروڑ روپے سے زیادہ آمدنی والی کمپنیوں پر 3 فیصد اور 30 کروڑ سے زیادہ آمدنی والی کمپنیوں پر 10 فیصد سپر ٹیکس عائد ہوگا۔ مفتاح اسماعیل نے بتایا کہ ٹیکس اہداف میں اضافہ کردیا گیا ہے، اب 7004 کی بجائے ٹیکسوں کا ہدف 7470 روپے ہوگا، نان ٹیکس ریونیو کو 2 ہزار ارب روپے سے کم کرکے 1935 ارب کردیا گیا ہے، صوبوں کو اب 4373 ارب روپے دیں گے، ان تمام اخراجات کے بعد 4547 ارب روپے کا خسارہ ہوگا۔ وزیر خزانہ نے بتایا کہ 300 مربع فٹ جیولرز کی دکان پر 40 ہزار روپے کا فکس ٹیکس لگایا گیا ہے جبکہ بڑی دکانوں پر 17 فیصد کی بجائے 3 فیصد جنرل سیلز ٹیکس عائد ہوگا، عام شہری سونا بیچنے پر جو 4 فیصد ود ہولڈنگ ٹیکس دیتے تھے اسے کم کرکے ایک فیصد کردیا گیا ہے۔ یہ بھی پڑھیں:ق لیگ میں پھوٹ: نئی سیاسی جماعت بنانے کا اعلان انہوں نے بتایا کہ کپاس اور گندم سمیت زرعی خودکفالت کیلئے کاٹن سیڈ اور بنولا پر ٹیکس ہٹا دیا گیا ہے، کھلی پر بھی ٹیکس ختم کیا گیا ہے، اس سے زیادہ کسان دوست بجٹ گزشتہ 15 ، 20 برسوں میں نہیں آیا، اس کے نتیجے میں زرعی خودکفالت میں بھی مدد ملے گی، ہم خوردنی تیل میں خودکفالت کیلئے بھی اقدامات کریں گے۔ مفتاح اسماعیل نے کہا کہ زراعت پر جو پیسہ خرچ کیا جارہا ہے یہ سبسڈی نہیں بلکہ سرمایہ کاری کی نیت سے ہو رہا ہے۔ وزیر خزانہ نے بجٹ سیشن کے دوران پارلیمنٹ ہاؤس میں ڈیوٹی سرانجام دینے والے اداروں جن میں پارلیمنٹ کے ملازمین، اے پی پی، ریڈیو پاکستان، پاکستان ٹیلی وژن، سی ڈی اے اور دیگر اداروں کے ملازمین شامل ہیں، کیلئے دو بنیادی تنخواہوں کے برابر اعزازیہ کا اعلان کیا۔ انہوں نے کہا کہ اس ضمن میں وزارت خزانہ متعلقہ اداروں کے ساتھ تعاون کرے گی اور اس کیلئے فنڈز فراہم ہوں گے۔

Categories
Uncategorized پاکستان

اہم شخصیت کا استعفیٰ منظور

اسلام آباد: (ویب ڈیسک) صدر مملکت ڈاکٹر عارف علوی نے گورنر گلگت بلتستان کا استعفیٰ منظور کر لیا۔ صدر مملکت ڈاکٹر عارف علوی کی جانب سے گورنر گلگت بلتستان راجہ جلال حسین مقپون کا استعفیٰ منظور کر لیا گیا ہے۔ صدر مملکت عارف علوی نے گلگت بلتستان اسمبلی کے اسپیکر سید امجد علی کی نئے گورنر کی

تعیناتی تک بطور گورنر گلگت بلتستان نامزدگی بھی کر دی ہے۔ خیال رہے کہ گورنر گلگت بلتستان راجہ جلال حسین مقپون نے 30 ستمبر 2018 کو حلف لیا تھا۔ راجہ جلال حسین مقپون گلگت بلتستان کے چھٹے گورنر ہیں جن کا تعلق وادی ہنز ہ سے ہے اور وہ گلگت بلتستان میں پاکستان تحریک انصاف کے صوبائی صدر بھی ہیں۔ دوسری جانب پاکستان تحریک انصاف (پی ٹی آئی) کے چیئرمین عمران خان نے 2 جولائی کو پریڈ گراؤنڈ میں حکومت مخالف احتجاجی جلسے کا اعلان کرتے ہوئے تمام بڑے شہروں کے کارکنوں کو ہدایت دی ہے کہ وہ اپنے اپنے شہروں میں ہفتے کی رات کو جلسوں کا اہتمام کریں۔بنی گالہ میں نیوز کانفرنس کے دوران انہوں نے کہا کہ میں پریڈ گراؤنڈ میں منعقد ہونے والے جلسے سے خطاب کروں گا جہاں راولپنڈی اور اسلام آباد سے لوگ جمع ہوں گے جبکہ آپ اپنے اپنے شہروں میں ہونے والے جلسوں میں بھرپور شرکت کریں کیونکہ یہ ہمارے بچوں کے محفوظ مستقبل کے لیے بہت ضروری ہے۔ علاوہ ازیں حکومت کی جانب سے ’سپر ٹیکس‘ عائد کیے جانے کی مخالفت کرتے ہوئے کہا ہے اس ٹیکس سے مزید مہنگائی ہوگی اور متعدد انڈسٹریاں بند ہونا شروع ہوگئی ہیں اور کئی صنعتوں نے ملازمین کو فارغ کردیا ہے۔ سپرٹیکس سے کارپوریٹ ٹیکس 40 فیصد ہوجائے گا جبکہ بھارت اور بنگلہ دیش میں یہ ٹیکس 25 فیصد ہے۔ چیئرمین پی ٹی آئی نے کہا کہ پیٹرول اور ڈیزل مہنگا کرنے میں حکومت رکے گی نہیں کیونکہ پیٹرولیم لیوی کے نام پر 50 روپے فی لیٹر قیمتوں میں اضافہ کیا جائیگا۔

Categories
Uncategorized پاکستان

’’ریلوے نہیں چلا سکتے اورنگ لائن کو ۔۔۔۔‘‘ خواجہ سعد رفیق نے اعتراف کر لیا

کراچی (نیوز ڈیسک ) وفاقی وزیر ریلوے سعد رفیق نے کہاہے کہ کے سی آر کو فاسٹ ٹریک پر ڈالیں گے اور سی پیک کے تحت بنیادرکھیں گے۔ان خیالات کا اظہار انہوں نے آج کراچی میں ایم کیو ایم کے رہنماؤں سے ملاقات کے بعد میڈیا سے گفتگو کرتے ہوئے کیا۔اس موقع پر سعد رفیق نے کہا کہ

وزیراعظم کے دورہ چین میں کے سی آر ترجیح ہو گا یہ سی پیک کے تحت ہی بنے گا۔سعدرفیق کا کہنا تھا کہ دنیامیں کہیں بھی جائیں قومی ریلوے کا کام الگ ہوتا ہے دنیامیں سرکلر ریلوے کے معاملات صوبائی حکومتیں دیکھتی ہیں اورنج لائن کے ساتھ پاکستان ریلوے کاکوئی تعلق نہیں وہ کامیاب چل رہی ہے، ریلوے کا وزیر ہوکر کہتاہوں ریلوے نہیں چل پارہی اورنج لائن کیسے چلائیں گے۔انہوں نے کہا کہ سپریم کورٹ احکامات کوبھی دیکھناہیاسکی خلاف ورزی نہیں کرنی، 12ماہ ہیں اگر میں کہوں ریلوے ٹھیک ہوجائیگی تویہ غلط ہوگا، حیدرآدایئرپورٹ کوفنکشنل کرناضروری ہے سکھر ایئرپورٹ کو انٹرنیشنل ایئرپورٹ بنناچاہئے کوشش ہو گی سکھرمیں انٹرنیشنل ایئرپورٹ بنانے کیلئے کام شروع کرکے جائیں۔وفاقی وزیر کا کہنا تھا کہ ہم نے لانگ ٹرم پارٹنرشپ کی بات کی ہے ایم کیوایم اور ن لیگ ایک دوسرے کے دوست ہیں ماضی میں کبھی تلخیاں ہوئیں مگرتعلقات خراب نہیں ہوئے، دوطرح کی گفتگوہوئی ایک کاتعلق کراچی دوسراوفاق کے ساتھ معاہدہ ہے جب ہم مذاکرات کررہے تھے تواس عمل میں ہم سب شامل تھے بہت سے مذاکرات ایسے تھے جومیڈیاکی نظر میں نہیں آئے ایم کیوایم والے بہت اسمارٹ پڑھے لکھے اورتجربہ کارلوگ ہیں۔

Categories
Uncategorized

’’ نواز شریف کو اگر حفاظتی ضمانت نہیں ملتی تو واپس پہنچتے ہی ۔۔۔۔‘‘ وفاقی حکومت کا بڑا اعلان ، سب حیران رہ گئے

اسلام آباد(انیوز ڈیسک )وفاقی وزیر قانون سینیٹر اعظم نذیر تارڑ نے کہا ہے کہ اتحادی حکومت کی طرف سے پاس کردہ نیب ترمیمی بل پہلے سے التوا کا شکار تھا جس میں تمام جماعتوں کی تجاویز شامل تھیں وفاقی حکومت نے اس بل میں نیب چیئرمین شپ کے لئے حاضر سروس جج

معیار مقرر کیا ہے۔ ہم اپنے مستقبل کا فیصلہ ریٹائرڈ ججز سے نہیں کرانا چاہتے۔اب ریٹائرڈ کے بجائے حاضر سروس جج نیب میں تعینات ہوں گے،نیب کو سیاسی مقدمات میں کسی کے وقار کو مجروح کرنے کی اجازت نہیں ہونی چاہیے،نئی ترمیم کے مطابق نیب باقاعدہ بنیاد ہونے کے بغیر گرفتار نہیں کر سکے گا، نیب قانون کا سیکشن 14 اسلام اور شریعہ کے خلاف تھا،تین تین سال سرکاری ملازمین اور سیاستدانوں کو جیل میں رکھنے کے بعد عدم ثبوت پر چھوڑ دیا جاتا تھا،پچھلے 3 سال سے بیوروکریٹ قلم چھوڑ ہڑتال پہ تھے،نیب کو انکوائری کا اندھا اختیار تھا جس کو ہم نے ختم کیا،دس دس سال سے نیب کے کیس پڑے ہوئے ہیں۔ان خیالات کا اظہار انہوں نے پریس کانفرنس سے اظہار خیال کرتے ہوئے ۔ کیا۔ عمران خان کے بیان پر رد عمل میں وفاقی وزیر قانون نے کہا کہ اب احتساب عدالتوں کے جج حاضر سروس سیشن ججز ہوں گے،ہم نینیب چیئرمین کی مدت میں توسیع کی ترمیم ختم کی ہے،پچھلے چئیرمن نیب گزشتہ حکومت کو بہت پسند تھے اس لیے وہ ان کے دور میں چئیرمین رہے،نیب میں ترامیم ضروری تھیں جو پہلے ہی کرنی چاہیں تھیں،ریٹائرڈ ججز کو دوبارہ وفاق دس دس لاکھ کی تنخواہ دے کر رکھنے کی مخالفت کی اور اسے ختم کر دیا،ہم مستقبل کے فیصلہ ریٹائرڈ ججز سے نہیں کروانا چاہتے تھے،کہا گیا کہ بارثبوت ختم کر دیا،عمران خان کی حکومت نے خود اسلامی نظریاتی کونسل کو خط لکھا۔

Categories
Uncategorized پاکستان

پی ٹی آئی حکومت کو سب نے مل کر کیوں ختم کِیا؟ خرم دستگیر نے اعتراف جُرم کر لیا

اسلام آباد(نیوز ڈیسک)وفاقی وزیر خرم دستگیر نے عمران خان کی حکومت ہٹانے کی اہم وجہ بتا دی۔ کہا رواں سال کے آخر میں بڑی تبدیلی آنا تھی، نظر آ رہا تھا کہ عمران خان اگلے پندرہ سال رہے گا، کچھ ماہ پہلے کہا گیا تھا کہ نیب کے 100 جج اور لگیں گے۔خرم دستگیر نے کہا کہ وزیر اعظم شہباز شریف، شاہد خاقان عباسی

سمیت ہم سب نے نااہل ہونا تھا، ان کا خیال تھا کہ کسی کو نہیں چھوڑیں گے اور سب کا صفایا کر دیں گے، یہ ہمارے خدشات نہیں معلومات ہیں۔دوسری جانب پی ٹی آئی رہنما علی زیدی نے اس پر تبصرہ کرتے ہوئے کہا کہ دل کی بات زبان پر آگئی، خرم دستگیر نے کھلے دل سے اعتراف کیا کہ اپوزیشن کو کرپشن مقدمات سے بچانے کے لیے سازش کے ذریعے عمران خان حکومت کو ہٹایا گیا۔خرم دستگیر کا ویڈیو کلپ شیئر کرتے ہوئے انہوں نے کہا کہ افسوس کی بات ہے کہ یہ بدمعاش معیشت کو مار رہے ہیں۔صحافی سلمانی درانی نےبھی خرم دستگیر دستگیر کے بیان کو کوٹ کرتے ہوئے ہائی لائیٹ کیا۔تحریک انصاف کی رہنما عالیہ حمزہ ملک نے کہا اس کلپ کو ہر پاکستانی تک پہنچنا چاہیے۔ عمران خان کا جرم عوام کے لوٹے ہوئے پیسے کی وصولی ان کے کرپشن کیسز کو منطقی انجام پر پہنچا کرانکو جیلوں میں ڈالنا تھا۔ کہا تھا نا مہنگائی بہانہ تھی نشانہ تو اہم تقرری روکنا کرپشن بچانا لوٹ مار بچانا عوام کو رلانا تھا اور پاکستان کو تباہ کرنا تھا۔عثمان ڈار نے کہا اس نالائق اور بے شرم شخص وزیر برائے بجلی خرم دستگیر نے قبول کیا ہے کہ ہم سب چور، ڈاکو اور لٹیرے اس سال کے آخر تک نااہل قرار پائے جاتے عدالتوں سے اس لیے ہم سب نے ملکر عمران خان کے خلاف سازش کی۔سابق ڈپٹی اسپیکر قاسم سوری نے کہا خرم دستگیر نے سازش کا اعتراف جرم کر لیا ہے۔جوکر نامی صارف نے کہا خرم دستگیر نے عمران خان کے بات پر مہر لگا دی یہ لوگ مہنگائی نہیں اپنے کرپشن کیسز ختم کرنے آئے ہیں۔حقیقت ٹی وی نامی پلیٹ فارم نے تبصرہ کیا کہ آخر کار بلی تھیلے سے باہر آہی گئی۔ عمران خان احتساب میں سب کو سزا دلوانے لگا تھا اسی لئے پلان بنا کہ اب عمران خان کو فارغ کرنا ہے۔

Categories
Uncategorized

دوران سماعت جج کا موبائل فون چوری!!! حیران کن واقعہ منظر عام پر

فیصل آباد: (ویب ڈیسک) فیصل آباد کی عدالت میں دوران سماعت سول جج کا موبائل فون چوری ہونے کا دلچسپ واقعہ پیش آیا ہے۔ نجی ٹی وی کی رپورٹ کے مطابق فیصل آباد کی مقامی عدالت میں دوران سماعت سول جج محمد ذوالقرنین کا موبائل فون چوری کرنے والے ملزم کو پولیس نے گرفتار کرلیا ہے

ملزم کی شناخت مصطفیٰ کے نام سے ہوئی ہے۔ پولیس نے ملزم سے سول جج کا چوری شدہ موبائل برآمد کرکے ملزم کیخلاف مقدمہ درج کرلیا ہے۔ پولیس کا کہنا ہے کہ ملزم مصطفی خود کو وکیل کا منشی ظاہر کر کے کمرہ عدالت میں گھسنے میں کامیاب ہوگیا تھا، جہاں سے اس نے معزز جج کا موبائل چوری کرلیا۔ رپورٹ کے مطابق تھانہ سول لائن پولیس نے ملزم کو احاطہ کچہری سے گرفتار کیا ہے۔

Categories
Uncategorized

برطانوی شہری نے ایک انگلی سے 129 کلوگرام وزن اٹھا کر عالمی ریکارڈ قائم کردیا

لندن(ویب ڈیسک) برطانیہ سے تعلق رکھنے والے اسٹیو کلر نامی شہری نے ہاتھ کی درمیانی انگلی سے 129 کلو گرام وزن اٹھا کر نیا عالمی ریکارڈ قائم کردیا ہے۔میڈیا رپورٹ کے مطابق 48 سالہ اسٹیو کلر مارشل آرٹسٹ بھی ہیں جنہوں نے 121 کلوگرام وزن اٹھانے کا عالمی ریکارڈ توڑ کر اپنا نام گینز بک آف ورلڈ ریکارڈ کی فہرست میں درج کرایا ہے۔

رپورٹ میں بتایا گیا کہ عالمی ریکارڈ ہولڈر نے 6 لوہے کی پلیٹوں پر مشتمل 129 کلو گرام وزنی وزن اٹھایا۔ اسٹیو کا کہنا ہے اٹھارہ سال کی عمر سے ایک انگلی سے بھاری وزن اٹھانے کی مشق کررہا تھا جبکہ گزشتہ چال سالوں کے دوران خصوصی ٹریننگ بھی لی۔

Categories
Uncategorized

نیا گھر بنانیوالوں کے لئے برُی خبر

لاہور: (ویب ڈیسک) سیمنٹ ٹرانسپورٹرز کی غیر اعلانیہ ہڑتال سے لاہور میں سیمنٹ کی سنگین قلت پیدا ہو گئی ہے، سیمنٹ کی قیمت میں 200 روپے کا اضافہ ہو چکا ہے۔ تفصیلات کے مطابقادا ئیگیاں نہ ہونے پر سیمنٹ ٹرانسپوپرز نے ڈیلرز نے سپلائی روک دی ہے، جس کے باعث سیمنٹ کی قیمت میں فی

بوری 200 روپے اضافہ ہو چکا ہے۔ قیمت میں اضافہ ہونے کے بعد سیمنٹ کی بوری 11 سو سے 12 سو روپے میں فروخت کیا جارہاہے۔ دوسری جانب ڈیلر کا کہنا ہے کہ سیمنٹ کمپینوں نے ٹرانسپورٹرزکو ادائیگیاں نہیں کیں ،بارہ سو روپے پر بھی سیمنٹ کی دستیابی نہ ہونے کے برابر ہے۔ دوسری جانب پاکستان تحریک انصاف نے وفاقی بجٹ کو مسترد کرتے ہوئے کہا ہے کہ اگلے ماہ پٹرول 310 روپے اور بجلی فی یونٹ 40 روپے ہوجائے گی۔ امپورٹڈ حکومت نے 2 ماہ میں خود کشی کرلینی ہے۔ انڈسٹری اور زراعت کو تباہ کردیا گیا ہے۔ سابق وزرا شوکت ترین اور عمرایوب نے پریس کانفرنس میں کہا کہ پاکستان کی معیشت کو تباہ کرنے کے لیے امپورٹڈ حکومت کو لایا گیا۔ مہنگائی کا ایسا طوفان آئے گا کہ عوام انہیں پتھر مارے گی۔ عمر ایوب نے کہا کہ پٹرول جولائی میں 310 تک لے جائیں گے۔ اگلے ماہ میں بجلی کا فی یونٹ 39 سے 40 روپے تک جائےگا۔ پی ٹی آئی حکومت 16روپے فی یونٹ چھوڑ کر گئی تھی۔ مہنگائی کا ایسا طوفان آئے گا کہ عوام برداشت نہیں کرسکے گی۔ حکومت کاروباری صنعتوں کا بیڑاغرق کرنے جارہی ہے ۔ شوکت ترین نے کہا کہ کل مفتاح اسماعیل نے ایک کنفیوز بجٹ پیش کیا۔ انہوں نے حکومت کو مخاطب کرتے ہوئے کہا کہ آپ کسے بے وقوف بنارہے ہیں؟ حکومت نے خسارے کا بجٹ پیش کیا ہے جب کہ ہم نے 30 برس میں سب سے زیادہ جی ڈی پی گروتھ بڑھائی۔ شوکت ترین نے کہا کہ مہنگائی 24 فیصد تک ہوچکی ہے اور بے روزگاری بھی مزید بڑھے گی، ہمارا خیال ہے بے روزگاری کی شرح 25 سے 30 فیصد تک جائے گی جب کہ پٹرولیم لیوی بڑھانے سے پٹرول 35 روپے فی لیٹر مزید بڑھے گا، مہنگائی زیادہ ہوگی تو کاروبار کیسے بڑھے گا؟ پی ٹی آئی رہنما نے دعویٰ کیا کہ ہم نے تاریخ کا سب سے زیادہ ریونیواکٹھا کیا، ہماری گروتھ 6 فیصد رہی، یہ 5 فیصد گروتھ کی بات کررہےہیں، ہم نے سب سے زیادہ 5.5 ملین افراد کو روزگار دیا، ہمارے دورمیں ایگری کلچرمیں 4.4 فیصد گروتھ ہوئی، ہم نے سب سے زیادہ روز گار کے مواقع پیدا کیے۔سابق وفاقی وزیر خزانہ کا کہنا تھا کہ بجٹ خسارہ 4.2 ٹریلین روپے ہے، اکنامک سروے پڑھ لیں آپ کسے بے وقوف بنا رہے ہیں؟۔

Categories
Uncategorized

پولیس میں تعینات خواتین ملازمین کے لیے بڑی خبر

کراچی: (ویب ڈیسک) آئی جی سندھ غلام نبی میمن نے خواتین پولیس ملازمین کو مزید مواقع دینے کا فیصلہ کرلیا ، خواتین ایس ایچ اوز کے بعد اب خاتون ہیڈ محرر بھی تعینات کی جائیں گی۔ تفصیلات کے مطابق کراچی پولیس میں تعینات خواتین پولیس ملازمین کے لیے بڑی خبر آگئی

کراچی پولیس میں تھانوں کی سطح پر خواتین پولیس ملازمین کو تعینات کیا جائے گا۔آئی جی سندھ نے خواتین پولیس ملازمین کو مزید مواقع دینے کا فیصلہ کرتے ہوئے کہا خواتین کوڈیوٹی افسرسمیت دیگرپوسٹوں پر تعینات کریں گے۔غلام نبی میمن کا کہنا تھا کہ کراچی میں مختلف تھانوں میں خواتین ایس ایچ اوزتعینات کی گئیں، اب تھانےکےدیگرامورپربھی خواتین کوکام کا موقع دیں گے۔آئی جی سندھ نے جرائم پیشہ عناصر کے خلاف بھی کارروائیاں تیز کرنے کا فیصلہ کرتے ہوئے کہا 12نئی بکتربندگاڑیاں جلدلانےکی کوشش کریں گے اور 7ہزارنئےشیل کی خریداری کر رہے ہیں۔سندھ میں کچےکےعلاقےمیں آپریشن کوتیز کریں گے، ضرورت پڑنےپر اب ایئرایمبولینس کا استعمال کیا جائے گا، رحیم یارخان سےزخمی افسرکی منتقلی میں 12لاکھ کرایہ لگااچھےپولیس افسران کوریوارڈفوری دینےکابھی فیصلہ کیاہے جبکہ بری شہرت رکھنے والے افسران واہلکاروں کیخلاف سخت فیصلے کریں گے۔ دوسری جانب سندھ حکومت بجٹ میں ملازمین کی تنخواہوں میں دس تا 25 فیصد اضافے پر غور کررہی ہے ، تنخواہوں کی تفصیلات وزیراعلی کو ارسال کر دی گئی ہیں۔ تفصیلات کے مطابق حکومت سندھ نے گریڈ ایک تا گریڈ 5 کے ملازمین کے پے اسکیل ریوائز کرنے پر غور شروع کردیا اور ملازمین کی بنیادی تنخواہوں میں اضافہ کرنے کی تجویز دے دی۔ سندھ حکومت کے زیر انتظام ملازمین کی تنخواہوں میں سلیب وائز اضافے پر غور جاری ہے ، ملازمین کی تنخواہوں میں دس تا 25فیصد اضافے اور ملازمین کے ایڈہاک ریلیف بھی ضم کرنے پر غور کیا جارہا ہے۔محکمہ خزانہ سندھ نے تنخواہوں کی تفصیلات وزیراعلی سندھ کو ارسال کردیں ، تنخواہوں و پنشن میں زیر غور اضافے سے سندھ حکومت کے اخراجات میں 12فیصد اضافے کا تخمینہ لگایا گیا ہے۔

Categories
Uncategorized

حکومت کو خطرہ ؟ پی پی کا اتحادیوں سے رابطے کا فیصلہ، دوڑیں لگ گئیں

اسلام آباد: (ویب ڈیسک) پاکستان پیپلز پارٹی نے ملک کے مستقبل کے لائحہ عمل کے بارے میں اتفاق رائے کے لیے اتحادیوں سے رابطے کا فیصلہ کیا ہے۔ نجی ٹی وی کے مطابق پاکستان پیپلز پارٹی کا اعلیٰ سطح کا اجلاس سابق صدر آصف علی زرداری اور پی پی چیئرمین بلاول بھٹو زرداری کی زیرصدارت ہوا۔

جس میں ملک کے مستقبل کے بارے میں اتفاق رائے پیدا کرنے کے لیے اتحادیوں سے رابطے کا فیصلہ کیا گیا۔پی پی کے اس ہائبرڈ اجلاس میں پی پی کی مرکزی قیادت بذریعہ ویڈیو لنک شریک ہوئی۔ اجلاس کے بعد جاری اعلامیے میں بتایا گیا ہے کہ پارٹی اجلاس میں قائدین کی متفقہ رائے تھی کہ تمام فیصلے پارلیمنٹ کو کرنا چاہئیں۔اجلاس میں دہشتگردی، افغانستان میں ٹی ٹی پی اور ٹی ٹی اے سے متعلقہ پیش رفت امور پر غور کیا گیا اور کہا گیا کہ ملک سے متعلق تمام فیصلے پارلیمنٹ کو آن بورڈ لے کر ہونے چاہئیں، پی پی مستقبل کے لائحہ عمل کے تعین کے لیے اتفاق رائے چاہتی ہے۔ اجلاس کے جاری اعلامیے میں کہا گیا ہے کہ پیپلز پارٹی مستقبل کے بارے میں اتفاق رائے کیلیے اتحادیوں سے رابطے کریگی۔ اجلاس میں یوسف رضا گیلانی، راجا پرویز اشرف، فرالی تالپور، وزیراعلیٰ سندھ مراد علی شاہ، وفاقی وزرا خورشید شاہ، شیری رحمان، نئیربخاری، نجم الدین خان، فیصل کریم کنڈی، قمر زمان کائرہ، ندیم افضل چن نے شرکت کی۔ دوسری جانب پاکستان تحریک انصاف نے وفاقی بجٹ کو مسترد کرتے ہوئے کہا ہے کہ اگلے ماہ پٹرول 310 روپے اور بجلی فی یونٹ 40 روپے ہوجائے گی۔ امپورٹڈ حکومت نے 2 ماہ میں خود کشی کرلینی ہے۔ انڈسٹری اور زراعت کو تباہ کردیا گیا ہے۔ سابق وزرا شوکت ترین اور عمرایوب نے پریس کانفرنس میں کہا کہ پاکستان کی معیشت کو تباہ کرنے کے لیے امپورٹڈ حکومت کو لایا گیا۔ مہنگائی کا ایسا طوفان آئے گا کہ عوام انہیں پتھر مارے گی۔ عمر ایوب نے کہا کہ پٹرول جولائی میں 310 تک لے جائیں گے۔ اگلے ماہ میں بجلی کا فی یونٹ 39 سے 40 روپے تک جائےگا۔ پی ٹی آئی حکومت 16روپے فی یونٹ چھوڑ کر گئی تھی۔ مہنگائی کا ایسا طوفان آئے گا کہ عوام برداشت نہیں کرسکے گی۔ حکومت کاروباری صنعتوں کا بیڑاغرق کرنے جارہی ہے ۔ شوکت ترین نے کہا کہ کل مفتاح اسماعیل نے ایک کنفیوز بجٹ پیش کیا۔ انہوں نے حکومت کو مخاطب کرتے ہوئے کہا کہ آپ کسے بے وقوف بنارہے ہیں؟ حکومت نے خسارے کا بجٹ پیش کیا ہے جب کہ ہم نے 30 برس میں سب سے زیادہ جی ڈی پی گروتھ بڑھائی۔

Categories
Uncategorized

تین بچوں کی ماں نے میٹرک کا امتحان پاس کرلیا

ممبئی: (ویب ڈیسک) کہتے ہیں پڑھائی کی کوئی عمر نہیں ہوتی جو لوگ کسی وجہ سے اپنی تعلیم مکمل نہیں کرپاتے وہ کسی بھی عمر میں اسے مکمل کرنے کی خواہش رکھتے ہیں۔ ایسا ہی ایک واقعہ بھارتی ریاست آسام میں پیش آیا جہاں ضلع بسواناتھ سے تعلق رکھنے والی تین بچوں کی ماں نے دسویں جماعت کا امتحان پاس کرلیا۔

کہتے ہیں پڑھائی کی کوئی عمر نہیں ہوتی جو لوگ کسی وجہ سے اپنی تعلیم مکمل نہیں کرپاتے وہ کسی بھی عمر میں اسے مکمل کرنے کی خواہش رکھتے ہیں۔ ایسا ہی ایک واقعہ بھارتی ریاست آسام میں پیش آیا جہاں ضلع بسواناتھ سے تعلق رکھنے والی تین بچوں کی ماں نے دسویں جماعت کا امتحان پاس کرلیا۔ 45 سالہ بلبلی خاتون نے 22 سال قبل خاندانی ذمہ داریوں کے باعث تعلیم ادھوری چھوڑ دی تھی لیکن ان کے دل میں تعلیم مکمل کرنے کی خواہش تھی جس کو انہوں نے تین بچوں کی پیدائش کے بعد پورا کیا۔ بھارتی میڈیا کے مطابق تین بچوں کی ماں نے طویل عرصے کے وقفے کے بعد 10 ویں جماعت کا امتحان دیا اور اسے پاس بھی کرلیا۔ خاتون کا کہنا ہے کہ ان کا خواب پورا ہوگیا ہے وہ ہمیشہ سے ہی میٹرک کرنا چاہتی تھیں لیکن خاندانی ذمہ داریوں کی وجہ سے ایسا نہیں کر پا رہی تھیں۔ انہوں نے میٹرک پاس کرنے کے بعد اس عزم کا اظہار کیا کہ اب وہ آگے بھی اپنی تعلیم کا سلسلہ جاری رکھیں گی۔ دوسری جانب آئی جی سندھ غلام نبی میمن نے خواتین پولیس ملازمین کو مزید مواقع دینے کا فیصلہ کرلیا ، خواتین ایس ایچ اوز کے بعد اب خاتون ہیڈ محرر بھی تعینات کی جائیں گی۔ تفصیلات کے مطابق کراچی پولیس میں تعینات خواتین پولیس ملازمین کے لیے بڑی خبر آگئی۔ کراچی پولیس میں تھانوں کی سطح پر خواتین پولیس ملازمین کو تعینات کیا جائے گا۔آئی جی سندھ نے خواتین پولیس ملازمین کو مزید مواقع دینے کا فیصلہ کرتے ہوئے کہا خواتین کوڈیوٹی افسرسمیت دیگرپوسٹوں پر تعینات کریں گے۔غلام نبی میمن کا کہنا تھا کہ کراچی میں مختلف تھانوں میں خواتین ایس ایچ اوزتعینات کی گئیں، اب تھانےکےدیگرامورپربھی خواتین کوکام کا موقع دیں گے۔آئی جی سندھ نے جرائم پیشہ عناصر کے خلاف بھی کارروائیاں تیز کرنے کا فیصلہ کرتے ہوئے کہا 12نئی بکتربندگاڑیاں جلدلانےکی کوشش کریں گے اور 7ہزارنئےشیل کی خریداری کر رہے ہیں۔

Categories
Uncategorized

پیٹرول اور ڈیزل کی قیمت میں مزید کتنا اضافہ ہوگا ؟ لیگی رہنما نے صاف صاف بتا دیا

اسلام آباد: (ویب ڈیسک) سابق وزیراعظم شاہد خاقان عباسی نے کہا ہے کہ اگر عالمی سطح پر قیمتیں کم نہ ہوئیں تو پیٹرول اور ڈیزل کی قیمت بڑھانی پڑے گی۔میڈیا سے گفتگو میں مسلم لیگ ن کے سینیئر رہنما شاہد خاقان عباسی نے کہا کہ پیٹرول پر 9 روپے اور ڈیزل پر 28 روپے سبسڈی ہے۔
انہوں نے کہا کہ یہ سبسڈی نہیں بلکہ قرض بڑھ رہا ہے۔ سابق وزیر اعظم نے یہ بھی کہا کہ وقت کے ساتھ یہ قیمتیں ایڈجسٹ یا بڑھانی پڑے گی، بجٹ میں جتنا ممکن ہو سکا ریلیف دیں گے۔ دوسری جانب ٹیکس وصولیوں کا ہدف 7004 ارب مختص: وزیر خزانہ مفتاح اسماعیل کی بجٹ تقریر کے مطابق بجٹ میں نان ٹیکس ریونیو 2 ہزار ارب روپے ہوگا، ٹیکس آمدن کا ہدف 7004 ارب روپے ہے، این ایف سی ایوارڈ کے تحت صوبوں کو 4 ہزار 1 سو ارب روپے ملیں گے، پاکستان بیت المال کے لیے 6 ارب روپے کا بجٹ مختص کیا گیا ہے۔ اسپتال پر ٹیکس چھوٹ: بجٹ تقریر کے مطابق ٹیکس تنازعات ترجیحی بنیادوں پر حل کیے جائیں گے، خیراتی ہسپتال اگر پچاس بیڈز سے زیادہ کا ہوگا تو مکمل ٹیکس چھوٹ دی جائے گی۔زرعی آلات اور اجناس پر عائد سیلز ٹیکس ختم: خوردنی تیل کی مقامی پیداوار بڑھانے کے لیے انقلابی اقدامات کا فیصلہ کیا گیا ہے۔ ٹریکٹرز، زرعی آلات، گندم، مکئی، کینولا، سورج مکھی اور چاول سمیت مختلف اجناس کے بیجوں کی سپلائی پر سیلز ٹیکس واپس لینے کی تجویز ہے۔سولر پینل کی درآمد پر سیلز ٹیکس ختم: وزیر خزانہ کے مطابق توانائی کی قلت دور کرنے کے لیے رعائتیں دی جارہی ہیں، سولر پینل کی درآمد اور مقامی سپلائی پر سیلز ٹیکس ختم کرنے کا اعلان کردیا گیا ہے۔ 200 یونٹ سے کم بجلی استعمال کرنے والوں کو سولر پینل کی خریداری کے لیے بینکوں سے آسان اقساط پر قرضے دیے جائیں گے۔ایک لاکھ ماہانہ تنخواہ تک ٹیکس ختم:بجٹ تقریر کے مطابق تنخواہ دار طبقے کے لیے ٹیکس چھوٹ کی حد 6 لاکھ سے بڑھا کر 12 لاکھ کر دی گئی ہے۔ کاروباری افراد اور ایسوسی ایشن آف پرسنز کے لیے ٹیکس چھوٹ کی حد 4 لاکھ سے بڑھا کر 6 لاکھ کر دی گئی۔

نان فائلرز کے لیے ٹیکس کی شرح 100 فیصد سے بڑھا کر 200 فیصد کردی گئی۔ بچت اسکیموں پر ٹیکس میں کمی: پنشنرز، بہبود سرٹیفکیٹ سمیت بچت اسکیموں کے منافع پر ٹیکس 10 فیصد سے کم کرکے 5 فیصد کردیا گیا۔ ری ٹیلرز سے ٹیکس وصولی بجلی کے بلوں میں ہوگی:ری ٹیلرز کے لیے فکسڈ ٹیکس کا نظام متعارف کرایا گیا ہے۔ ٹیکس وصولی بجلی کے بلوں کے ساتھ کی جائے گی۔ ٹیکس کی شرح 3 ہزار سے 10 ہزار روپے ہوگی۔ ایف بی آر تاجروں سے مزید سوال نہیں کرے گا۔ڈھائی کروڑ سے زیادہ مالیت کی پراپرٹی کے کرائے پر ایک فیصد ٹیکس عائد:بجٹ میں ڈھائی کروڑ سے زیادہ مالیت کی پراپرٹی کے کرائے پر ایک فیصد ٹیکس عائد کیا گیا ہے۔ سالانہ 30 کروڑ یا زائد آمدن والوں پر 2 فیصد ٹیکس عائد کیا گیا ہے۔گاڑیوں پر ٹیکس میں اضافہ: 1600 سی سی سے بڑی گاڑیوں پر ایڈوانس ٹیکس میں اضافہ کیا گیا ہے۔ الیکٹرک انجن کی صورت میں 2 فیصد ایڈوانس ٹیکس بھی لاگو ہوگا۔ وزارت قانون و انصاف کے لیے 1 ارب 81 کروڑ روپے مختص: بجٹ میں وزارت قانون و انصاف کے لیے 1 ارب 81 کروڑ روپے مختص کردیے گئے۔ سپریم کورٹ کراچی رجسٹری کی عمارت کے لیے 50 کروڑ روپے مختص کیے گئے ہیں۔ اسلام آباد ہائیکورٹ کی نئی عمارت کی تعمیر کے لیے 45 کروڑ روپے، وفاقی عدالتوں کی آٹومیشن کے لیے 39 کروڑ روپے، وفاقی کورٹس کمپلیکس لاہور کے لیے 10 کروڑ روپے، وزارت قانون کے ریکارڈ کی ڈیجیٹلائزیشن کے لیے 4 کروڑ 66 لاکھ روپے اور اٹارنی جنرل کے نئے دفتر کے لیے ڈیڑھ کروڑ روپے مختص کردیے گئے۔

بے نظیر تعلیمی وظائف پروگرام کا دائرہ ایک کروڑ بچوں تک بڑھانے کا اعلان: بجٹ میں بے نظیر تعلیمی وظائف پروگرام کا دائرہ ایک کروڑ بچوں تک بڑھانے کا اعلان کیا گیا۔ نو ارب روپے سے 10 ہزار طالب علموں کو بے نظیر انڈر گریجویٹ اسکالرشپ دی جائے گی۔ ایچ ای سی کے لیے 104 ارب روپے مختص کیے گئے ہیں۔ وزیر خزانہ نے کہا کہ جو لوگ بے نظیر انکم سپورٹ پروگرام میں پہلے سے رجسٹرڈ ہیں انہیں جون سے ادائیگی کی جارہی ہے جبکہ پروگرام میں مزید 60 لاکھ مستحق افراد کو بھی شامل کیا جارہا ہے۔بجلی پر 570 ارب کی سبسڈی:بجلی پر سبسڈی کی مد میں 570 ارب، پٹرولیم بقایاجات کی ادائیگی کے لیے 248 ارب روپے خرچ ہوں گے۔ فصلوں اور مویشیوں کے لیے 21 ارب مختص: فصلوں اور مویشیوں کی پیداوار بڑھانے کے لیے 21 ارب روپے رکھے ہیں۔ جب کہ زرعی شعبے میں معیاری بیجوں کی فراہمی کے لیے 11 ارب روپے رکھے گئے ہیں۔ گرین یوتھ موومنٹ شروع کرنے کا اعلان: حکومت نے گرین یوتھ موومنٹ شروع کرنے کا اعلان بھی کیا۔ وزیر خزانہ نے کہا کہ ہر کسی کو قسطوں پر لیپ ٹاپ دیں گے جب کہ میرٹ پر مفت لیپ ٹاپ بھی دیئے جائیں گے۔ نوجوانوں کے لیے ملک بھر میں 250 منی اسٹیڈیم تعمیر کیے جائیں گے۔ فلم انڈسٹری کے لیے ٹیکس میں کمی: وزیر خزانہ کے مطابق ایک ارب سالانہ گرانٹ سے بائنڈنگ فلم فنانس فنڈ قائم کررہے ہیں۔ انہوں نے میڈیکل انشورنس پالیسی کے آغاز، فلم سازوں کو پانچ سال کا ٹیکس ہالیڈے دینے کا اعلان کیا۔ نئے سنیما گھروں ،پروڈکش ہاؤسز، فلم میوزیمز کے قیام پر 5 سال کا انکم ٹیکس استثنی ہوگا۔
وزیر خزانہ نے 10 سال کے لیے فلم اور ڈرامہ اسپورٹ پر ٹیکس ری بیٹ دینے، سنیما اور پروڈیوسرز کی آمدن کو انکم ٹیکس سے استثنی دینے کا اعلان کیا۔ 40 ہزار ماہانہ سے کم آمدنی والے خاندانوں کو 2 ہزار ماہانہ دینے کا فیصلہ:وزیر خزانہ مفتاح اسماعیل نے بتایا کہ وزیر اعظم شہباز شریف نے پیٹرولیم مصنوعات کی قیمتوں کے پیش نظر کم آمدنی والے طبقے کو تحفظ دینے کا فیصلہ کیا ہے جس کے تحت 40 ہزار روپے ماہانہ سے کم آمدنی والے خاندانوں کو 2 ہزار روپے ماہانہ دینے کا فیصلہ کیا گیا ہےجو کہ نافذ العمل ہے، اس ریلیف سے تقریبا 8 کروڑ لوگوں کو فائدہ ہوگا، یہ مالی امداد 2022/23 کے بجٹ میں شامل کردی گئی ہے۔کراچی کے فور منصوبے کے لیے 20 ارب مختص: وزیر خزانہ نے بتایا کہ کراچی میں پانی کی کمی دور کرنے کے لیے کراچی کو پانی کی فراہمی کے منصوبے کے فور کے لیے 20 ارب روپے مختص کرنے کی تجویز ہے۔ کریڈٹ کارڈ، ڈیبٹ کارڈ اور پری پیڈ کارڈز سے رقم باہر بھیجنے پر ٹیکس عائد: کریڈٹ کارڈ، ڈیبٹ کارڈ اور پری پیڈ کارڈز کے ذریعے پاکستان سے باہر رقم بھیجنے والے فائلرز کے لیے ایک فیصد اور نان فائلرز سے دو فیصد کی شرح سے ایڈوانس ود ہولڈنگ ٹیکس وصولی کا فیصلہ کیا گیا ہے، یہ ٹیکس واجب ادا ٹیکس کے خلاف ایڈجسٹ ایبل تصور کیا جائے گا۔ ڈیموں کے لیے 100 ارب روپے مختص : بجٹ میں ماحولیاتی تبدیلی کے لیے 10 ارب، ڈیموں کی تعمیر کے لیے 100 ارب، بجلی کے شعبے کے لیے 73 ارب، توانائی ، آبی وسائل کے لیے 183 ارب مختص کیے گئے ہیں۔

Categories
Uncategorized

اسد بھوپالی کا تذکرہ جن کے لکھے ہوئے فلمی گیت پاک و ہند میں‌ مقبول ہوئے

بھوپال(ویب ڈیسک)’’میں نے پیار کیا‘‘ 1998ء میں‌ ہندی سنیما کی زینت بنی تھی۔ سلمان خان اور بھاگیا شری کی اس فلم نے باکس آفس پر دھوم مچا دی اور فلم کے لیے اسد بھوپالی کے تخلیق کردہ دو گیتوں کو وہ مقبولیت حاصل ہوئی جس کی مثال کم ہی ملتی ہے۔’’دل دیوانہ بن سجنا کے مانے نہ‘‘ اور ’’کبوتر جا جا جا…

‘‘ وہ گیت ہیں‌ جو آج بھی ایک نسل کو ان کی نوجوانی کے دنوں‌ کی یاد دلاتے ہیں۔وہ 10 جولائی 1921ء کو بھوپال میں پیدا ہوئے۔ اسد بھوپائی کا اصل نام اسد اللہ خاں تھا۔ انھوں نے فارسی، عربی، اردو اور انگریزی کی رسمی تعلیم حاصل کی اور شاعری کا آغاز کیا تو اسد بھوپالی کے نام سے پہچان بنائی۔نوجوانی میں انھوں نے ممبئی جانے کا فیصلہ کیا جہاں وہ فلم انڈسٹری سے وابستگی اختیار کرنے کا خواب دیکھ رہے تھے۔ 28 برس کے اسد بھوپالی ممبئی پہنچے تو یہ وہ زمانہ تھا جب معروف شاعر خمار بارہ بنکوی، جاں نثار اختر، مجروحؔ سلطان پوری، شکیلؔ بدایونی، حسرتؔ جے پوری اور شیلندر کا نام اور شہرہ تھا، لیکن قسمت نے یاوری کی اور اسد بھوپالی کو اپنی تخلیقی اور فنی صلاحیتوں کو منوانے کا موقع مل گیا۔یہ 1949ء کا ذکر ہے جب فضلی برادران فلم’’دنیا‘‘ بنانے کے لیے کام شروع کرچکے تھے۔ مشہور شاعر آرزو لکھنوی نے اس فلم کے دو گیت لکھے اور پھر تقسیمِ ہند کا اعلان ہوگیا تو وہ پاکستان چلے آئے۔ فضلی برادران کو کسی نے اسد بھوپالی سے ملوا دیا اور یوں ممبئی آنے والے اس نوجوان کو پہلی مرتبہ فلم کے لیے نغمات لکھنے کا موقع مل گیا۔ اس فلم کے دونوں ہی گیت سپر ہٹ ثابت ہوئے اور یوں اسد بھوپالی کی کام یابیوں کا بھی آغاز ہوگیا۔1950ء میں فلم ’’آدھی رات‘‘ کے لیے بھی انھیں دو گیت لکھنے کا موقع ملا۔ اس کے بعد بی آر چوپڑا کی مشہور فلم ’’افسانہ‘‘ کے گیت لکھے۔ یہ فلم اور اس کے گیت دونوں سپر ہٹ ثابت ہوئے۔ اسد بھوپالی نے اس فلم کے چھے گیت تحریر کیے تھے۔ 1949ء سے اپنی زندگی کے آخری برس تک اسد بھوپالی نے کم و بیش 400 فلمی گیت تخلیق کیے۔’’دل دیوانہ بن سجنا کے مانے نہ‘‘ وہ گیت تھا جس پر اسد بھوپالی کو “فلم فیئر ایوارڈ” سے نوازا گیا تھا

Categories
Uncategorized

عامر لیاقت کا اچانک انتقال! قومی اسمبلی سے بھی بڑی خبر آگئی

اسلام آباد(نیوز ڈیسک) ایم این اے اور تحریک انصاف کے منخرف رُکن اسمبلی عامر لیاقت کے انتقال کے بعد قومی اسمبلی کا اجلاس ملتی کر دیا گیا ہے ، عامر لیاقات 2002 سے 2007 اور پھر 2012 سے لے کر تاحال رُکن اسمبلی رہے۔ انکے انتقال کی خبر آتے ہی پورے ملک میں سوگ ک لہر دوڑ گئی ہے جبکہ سیاسی و

سماجی رپنمآں کی جانب سے گہرے رنج اور غم کا اظہار کیا جارہا ہے۔ دوسری جانب پی ٹی اآئی رہنما عامر لیاقت کے ملازم جاوید نے عامر لیاقت کی موت کی تصدیق کرتے ہوئے کہا ہے کہ انکا انتقال ہوگیا ہے۔ ملازم جاوید کا کہنا تھا کہ وہ ساری رات روتے رہے اور یہ کہتے رہے کہ میری بیوی میرے ساتھ دھوکہ کر گئی، وہ ساری رات پریشان تھے۔ اور انکی طبیعت پچھلے کچھ دنوں سے ٹھیک نہیں تھی۔ دوسری جانب چھیپا ذرائع کا کہنا ہے کہ جب عامر لیاقت کو گھر سے اُٹھایا گیا تو انکا جسم حرکت نہیں کر تھا اور وہ مردہ حالت میں تھے۔ آغا خان اسپتال کے ڈاکٹروں کا کہنا تھا کہ اسپتال جب لایا گیا تو انکا جسم حرکت نہیں کر رہا تھا۔ بہت کوشش کی جسکے بعد انکے انتقال کی تصدیق کی گئی، تاہم ابھی انکی موت کی وجہ معلوم نہیں ہو سکی ، پوسٹمارٹم رپورٹ کے بعد ہی پتہ چلے گا کہ موت کی وجہ کیا بنی ؟