Categories
کھیل

والد کا بابر اعظم کیلئے بڑا پیغام آگیا

لاہور: (ویب ڈیسک) قومی ٹیم کے کپتان بابر اعظم کے والد اعظم صدیقی نے کپتان کی سر گارسُوبر آل فارمیٹ ٹرافی آف دی ایئر ان کی والدہ کے نام کردی۔ اعظم صدیقی نے ٹوئٹر اکاؤنٹ پر بابراعظم کی والدہ کی ہمراہ تصویرشیئر کی اور لکھا کہ ’سر گار فیلڈ سُوبر آل فارمیٹ ٹرافی آف

دی ایئر بھی اللہ کی بہترین نعمتوں میں سے ایک عطا ہے اور یہ بابر کی والدہ کے نام کرتا ہوں‘۔ انہوں نے لکھا کہ بابر کی والدہ آج بھی بڑے سے بڑا ایونٹ چھوڑ کر گھر رہتی ہیں کیونکہ جب بابر نے گھر آنا ہے تو اس کو کھانا کھلانا ہے۔ واضح رہے کہ گزشتہ روز بابر اعظم نے ایک دن میں دو اعزاز اپنے نام کیے تھے۔ بابراعظم نے آئی سی سی کرکٹر آف دی ایئر 2022 جیتنے کے بعد اب سرگار فیلڈ سوبرز کرکٹر آف دی ایئر 2022 بھی اپنے نام کیا۔ اس حوالے سے بات کرتے ہوئے پاکستان کرکٹ ٹیم کے کپتان بابر اعظم کا کہنا تھاکہ سر گارفیلڈ سوبرز ایوارڈ جیتنا اعزاز کی بات ہے،کرکٹ کا سب سے بڑا ایوارڈ جیت کر جو خوشی ہو رہی ہے وہ الفاظ میں بیان نہیں کرسکتا۔

Categories
کھیل

رونالڈو کو تحفے میں ملی قیمتی پتھروں سے بنی گھڑی کی مالیت کیا ہے؟ جان کر آپ حیران رہ جائیں

ریاض: (ویب ڈیسک) پرتگال کے اسٹار فٹبالر کرسٹیانو رونالڈو کو لگژری گھڑیاں بنانے والی کمپنی نے 7 لاکھ 80 ہزار ڈالر یعنی (18 کروڑ 91 روپے) مالیت کی گھڑی تحفے میں دیدی۔ غیر ملکی خبر رساں ایجنسی کی رپورٹ کے مطابق لگژری گھڑیاں بنانے والی جیکب اینڈ کمپنی نے اپنے پرتگالی برانڈ

ایمبیسیڈر کرسٹیانو رونالڈو کو 7 لاکھ 80 ہزار ڈالر مالیت کی انوکھی گھڑی تحفے میں دی ہے، جس کو سوشل میڈیا پر خوب پذیرائی مل رہی ہے۔ کمپنی نے رونالڈو کے لیے گھڑی قیمتی پتھر سے بنوائی ہے، جس میں سعودی عرب کے جھنڈے کا مخصوص رنگ نظر آرہا ہے، اسٹار فٹبالر نے یہ گھڑی سعودی عرب جاتے ہوئے پہننی تھی جبکہ یہ گھڑی فروخت کیلئے پیش نہیں کی گئی ہے۔ اگرچہ گھڑی زمرد کے سیٹ کی طرح دیکھائی دیتی ہے لیکن درحقیقت یہ 300 سے زیادہ تساورائٹ پتھروں کے ساتھ سیٹ کی گئی ہے۔ تساورائٹ پتھر زمرد کے مقابلے میں تقریبا 200 گنا زیادہ نایاب ہے اور انتہائی پائیدار ہونے کی وجہ سے بھی جانا جاتا ہے۔ جیکب اینڈ کمپنی کے مطابق یہ “اب تک کا سب سے شاہانہ ٹسوورائٹ ٹائم پیس” ہے۔

Categories
کھیل

ٹینس کو گڈ بائے کہتے ہوئے ثانیہ مرزا روپڑیں

آسٹریلیا(ویب ڈیسک) شعیب ملک کی اہلیہ ثانیہ مرزا ٹینس کو گڈ بائے کہتے ہوئے جذباتی ہو گئیں۔ ثانیہ مرزا اپنے ساتھی روہن بوپنا کے ہمراہ آسٹریلین اوپن مکسڈ ڈبلز فائنل ہار گئی ہیں، بھارتی جوڑی کو فائنل میں برازیلین جوڑی سے 6-7 اور 2-6 سے شکست ہوئی۔ میچ کے اختتام پر گفتگو کے دوران ثانیہ مرزا کی آنکھوں میں آنسو آگئے

اور انہیں اس موقع پر روتے ہوئے بھی دیکھا گیا۔ دوران گفتگو ثانیہ مرزا نے رک کر آنکھوں سے آنسو صاف کیے اور کہا کہ میرا پروفیشنل کیرئیر میلبرن سے شروع ہوا، کیرئیر ختم کرنے کے لیے اس سے اچھے ارینا کا سوچ بھی نہیں سکتی۔ واضح رہے کہ بھارتی ٹینس اسٹار ثانیہ مرزا نے حال ہی میں ویمن ٹینس ایسوسی ایشن کی ویب سائٹ کو دیے گئے ایک انٹرویو میں ثانیہ مرزا نے کہا تھا کہ میں آئندہ ماہ دبئی کے ایونٹ کے بعد ریٹائر ہو جاؤں گی۔

Categories
کھیل

پنجاب کی نگران کابینہ میں کرکٹر وہاب ریاض کا بھی نام شامل ، انتہائی حیران کن خبر آگئی

لاہور(ویب ڈیسک) پنجاب کے نامزد 11 نگران وزرا میں سے 8 نے حلف اٹھا لیا، گورنر پنجاب بلیغ الرحمان نے نگران وزرا سے حلف لیا۔حلف اٹھانے والوں میں ایس ایم تنویر، ڈاکٹرجاوید اکرم، ابراہیم مراد، بلال افضل، ڈاکٹر جمال ناصر، منصور قادر، سید اظفر علی ناصر اور عامر میر شامل ہیں۔

2 نامزد ارکان تمکنت کریم اور نسیم صادق نے بطور نگران وزیر حلف اٹھانے سے انکار کردیا ہے جس کی وجہ سامنے نہیں آسکی۔جیو نیوز کے مطابق فاسٹ بولر وہاب ریاض ملک سے باہر ہونے کے باعث حلف نہ اٹھا سکے۔وہاب ریاض اس وقت بنگلہ دیش پریمیئر لیگ کھیل رہے ہیں اور وطن واپسی پر حلف اٹھائیں گے. وہ کھلنا ٹائیگرز کی نمائندگی کر رہے ہیں.

Categories
کھیل

ملک کا نام روشن!!! بابر اعظم نے ایک اور اعزاز اپنے نام کرلیا

دبئی: (ویب ڈیسک) انٹرنیشنل کرکٹ کونسل (آئی سی سی) کی نئی ون ڈے رینکنگ میں پاکستان کے بابر اعظم کی بیٹرز میں پہلی پوزیشن برقرار ہے۔ آئی سی سی کی نئی جاری کردہ رینکنگ کے مطابق قومی ٹیم کے کپتان بابر اعظم 887 پوائنٹس کے ساتھ پہلے نمبر پر موجود ہیں جبکہ دوسرے اور

تیسرے نمبر پر بالترتیب رسی وین ڈر ڈوسن اور کوئنٹن ڈی کوک موجود ہیں۔ آسٹریلیا کے ڈیوڈ وارنر اور پاکستان کے امام الحق بھی بالترتیب چوتھی اور پانچویں پوزیشن پر موجود ہیں جبکہ بھارت کے شبھمن گِل دو درجے ترقی کے بعد چھٹے نمبر پر آگئے ہیں اور ویرات کوہلی ایک درجے تنزلی کے بعد ساتویں نمبر پر چلےگئے ہیں۔ اسٹیو اسمتھ بھی ایک درجے تنزلی کے بعد آٹھویں نمبر پر چلے گئے ہیں جبکہ روہت شرما دو درجے ترقی کے بعد نویں نمبر پر آ گئے ہیں۔ بولرز کی رینکنگ میں بھارت کے محمد سراج نیوزی لینڈ کے ٹرینٹ بولٹ سے پہلی پوزیشن چھین کر نمبر ون بولر بن گئے ہیں جبکہ نیوزی لینڈ کے ٹرینٹ بولٹ تیسرے نمبر پر چلےگئے ہیں۔ آسٹریلیا کے جوش ہیزل ووڈ کا رینکنگ میں دوسرا نمبر ہے جبکہ پاکستان کے فاسٹ بولر شاہین شاہ آفریدی رینکنگ میں 8 ویں نمبر پر ہیں۔ ون ڈے آل راؤنڈرز کی رینکنگ میں بنگلادیش کے شکیب الحسن کا پہلا نمبر ہے جبکہ افغانستان کے محمد نبی دوسرے اور بنگلا دیش کے مہدی حسن تیسرے اور افغانستان کے راشد خان چوتھے نمبر پر موجود ہیں۔

Categories
کھیل

پی ایس ایل 8: کون سے بڑے کھلاڑی ٹورنامنٹ سے باہر ہوگئے؟ جانیے

لاہور: (ویب ڈیسک) پاکستان سپر لیگ (پی ایس ایل) کے آٹھویں سیزن کیلئے متبادل کھلاڑیوں کی ری پلیسمنٹ ڈرافٹ کا اعلان آج ہوگا۔ میڈیا رپورٹس کے مطابق انگلش کرکٹر عادل راشد اور ہری بروکس انگلینڈ کی ٹیم کے ساتھ مصروفیات کے باعث ٹورنامنٹ میں شرکت سے محروم رہیں گے۔ اسی طرح
لاہور قلندرز کو ابتدائی میچز میں جارڈن کاکس اور راشد خان کی خدمات بھی حاصل نہیں ہوں گی۔ رپورٹس میں کہا گیا ہے کہ ملتان سلطانز عادل راشد کی ری پلیسمنٹ میں متبادل کھلاڑی منتخب کرے گی جبکہ لاہور قلندرز کی ٹیم دونوں پلئیرز کی جگہ جزوی متبادل پلیئرز حاصل کرنے کی اہل ہوگی۔ دوسری جانب اسلام آباد یونائیٹڈ کی ٹیم ایلیکس ہیلز، معین علی، گُرباز اور فضل فاروقی کے جزوی متبادل لے گی۔ ملتان سلطانز کی ٹیم رادل راشد کے علاوہ ملتان سلطانز ڈیوڈ ملر، عقیل حسین اور ٹم ڈیوڈ کے بھی جزوی متبادل پلیئرز حاصل کرے گا، مجیب الرحمٰن اور راؤمن پاول کی جزوی ری پلیسمنٹ کیلئے پشاور زلمی کو بھی باری ملے گی۔ کوئٹہ گلیڈی ایٹرز کے ہسارنگا ڈی سلوا، جیسن روئے اور اوڈین اسمتھ کا بھی جزوی متبادل پلیئر منتخب کرے گی۔

Categories
کھیل

ایشیا کپ میں بھارت، پاکستان میں کھیلنے آئے گا ؟ بڑی خبر آگئی

لاہور: (ویب ڈیسک) ایشیا کپ کی پاکستان میں میزبانی کے معاملے پر پی سی بی اور بی سی سی آئی آئندہ ماہ آمنے سامنے ہوں گے جب کہ 4فروری کو بحرین میں ہونے والی بورڈ میٹنگ میں کوئی نتیجہ سامنے آنے کا امکان ہے۔ ایشیاکپ کی پاکستان میں میزبانی کے حوالے سے متنازع صورتحال کے سوال
پر پی سی بی مینجمنٹ کمیٹی کے سربراہ نجم سیٹھی نے کہا کہ ابھی تک کئی فیصلے سامنے آئے مگر ایشین کرکٹ کونسل کی بورڈ میٹنگ نہیں ہورہی تھی جس کے لیے حکام کو قائل کرلیا۔ انہوں نے کہا کہ اچھی خبر یہ ہے کہ اب 4 فروری کو بحرین میں اجلاس ہوگا، یہ بہت اہم پیش رفت ہے، جن مسائل بھی باتیں کی جارہی ہیں ہم ان سوالات کو وہاں اٹھائیں گے، میڈیا میں اس سے زیادہ کچھ کہنا مناسب نہیں ہوگا،میں فی الحال کسی موقف کو دل میں ہی محفوظ رکھوں گا، بحرین میں جو صورتحال سامنے آئی گی اسی کے مطابق اپنا ردعمل اور پالیسی تشکیل دیں گے۔ پاک بھارت کرکٹ بحالی پر انھوں نے کہا کہ بھارتی حکام چاہتے ہیں کہ وہ یہاں نہ آئیں لیکن ہم وہاں جائیں، یہ ایک پرانا مسئلہ ہے، اسی لیے پاکستان کی میزبانی میں ایشیا کپ اور بھارت میں ہونے والے ایونٹس پر سوالات اٹھ رہے ہیں۔ 2014/15میں بھارتی ٹیم کی دورہ پاکستان کے حوالے سے وعدہ خلافی پر پی سی بی کی جانب سے کیس دائر کیے جانے اور فیصلہ خلاف ہونے کا ذکر کرتے ہوئے سوال کیا گیا کہ کیا اس بار بھی کوئی ایسا جارحانہ قدم اٹھایا جاسکتا ہے۔ جواب میں نجم سیٹھی نے کہا کہ ہم اپنے ممکنہ اقدام کے بارے میں سوچیں گے مگر ایک اور عدالتی جنگ نہیں چھیڑ سکتے،ساتھ ہی یہ وضاحت بھی کرنا چاہوں گا کہ بی سی سی آئی کیخلاف کیس مناسب انداز میں نہیں لڑا گیا،جج نے واضح طور پر کہا تھاکہ اگر خوردبین سے دیکھیں تو مقدمہ پاکستان اوردوربین سے بھارت کے حق میں نظر آتا ہے،بات وہیں پر ختم ہوئی کہ بھارتی حکومت نے ٹور کی اجازت نہیں دی۔

Categories
کھیل

محمد عامر سے متعلق نجم سیٹھی کا بڑا اعلان

لاہور: (ویب ڈیسک) پاکستان کرکٹ بورڈ (پی سی بی) مینجمنٹ کمیٹی کے چیئرمین نجم سیٹھی نے فاسٹ بولر محمد عامر سے متعلق بڑا اعلان کردیا۔ قذافی اسٹیڈیم لاہور میں پریس کانفرنس کرتے ہوئے سوال کا جواب دیتے ہوئے نجم سیٹھی نے کہا کہ محمد عامر نے خود ریٹائرمنٹ کا اعلان کیا، وہ ریٹائر ہیں

اگر وہ ریٹائرمنٹ سے باہر آنا چاہتے ہیں تو آئیں اور کھیلیں، اسپاٹ فکسنگ سے متعلق میں نے سخت مؤقف اختیار کیا تھا لیکن مجھ سے پہلے اور بعد میں آنے والوں نے ایسا مؤقف اختیار نہیں کیا۔ انہوں نے کہا کہ میرا مؤقف تھا کہ ایک تو معاف نہیں کرنا لیکن اگر آپ سزا پوری کرلیں تو اگر آپ کو منتخب کیا جاسکے تو آپ کا حق ہے کہ آپ آکر کھیلیں۔ چیئرمین پی سی بی مینجمنٹ کمیٹی کا کہنا تھا کہ جب میں گیا تھا تو اس وقت ایک کھلاڑی کی پنالٹی چل رہی تھی، اسے ہمارے دور میں یہ سزا سنائی گئی تھی، جب میں چلا گیا تو اس کی پنالٹی قبل از وقت ختم کروادی گئی اور اسے کھلانا شروع کردیا گیا۔ انہوں نے مزید کہا کہ جہاں تک میرا تعلق ہے میرے ذہن میں ہے کہ سزا پوری ہونی چاہیے، اگر سزا پوری ہوجائے تو کوئی مسئلہ نہیں ہے۔ محمد عامر سے متعلق بات کرتے ہوئے نجم سیٹھی نے کہا کہ عامر ریٹائر ہیں، اگر وہ ریٹائرمنٹ سے باہر آنا چاہتا تو آئیں، کھیلیں، پی سی بی اور ڈومیسٹک کرکٹ کے قانون کے مطابق ٹیم کے لیے منتخب کیے جائیں تو کھیلیں، اگر سلیکشن نہیں ہوتی تو نہیں کھیل سکتے۔

Categories
کھیل

ناقدین کے منہ بند!!! بابر اعظم نے بڑا اعزاز اپنے نام کرلیا

دبئی: (ویب ڈیسک) انٹرنیشنل کرکٹ کونسل (آئی سی سی) نے مینز ون ڈے ٹیم آف دی ایئر کا اعلان کر دیا جس میں بابر اعظم کو ٹیم کا کپتان مقرر کیا گیا ہے۔ بابر اعظم آئی سی سی ون ڈے ٹیم آف دی ایئر میں پاکستان کے واحد کھلاڑی ہیں۔ اس کے علاوہ ٹریوس ہیڈ
شائے ہوپس، شریاس ایر اور ٹام لیتھم کو ٹیم میں شامل کیا گیا ہے۔ آئی سی سی ون ڈے ٹیم میں سکندر رضا، مہدی حسن، الزاری جوزف، محمد سراج، ٹرینٹ بولٹ اور ایڈم زمپا کو بھی ٹیم کا حصہ بنایا گیا ہے۔

Categories
کھیل

شاداب کے نکاح کا سُن کر کس کا دل ٹوٹا؟

لاہور: (ویب ڈیسک) قومی آل راؤنڈر شاداب خان کے نکاح پر ساتھی کرکٹرز نے دلچسپ انداز میں انہیں مبارکباد دی ہے۔ گزشتہ شب شاداب نے ٹوئٹر پر اعلان کیا کہ وہ رشتہ ازدواج میں منسلک ہوچکے ہیں جس کے بعد ان کے مداحوں سمیت معروف شخصیات کی جانب سے انہیں مبارکباد دینے کا سلسلہ شروع ہویا۔

فاسٹ بولر شاہنواز دھانی نے ٹوئٹر پر شاداب کو نکاح کی مبارک دیتے ہوئے دعا دی اور ساتھ ہی لکھا کہ ‘شاداب کے نکاح کا سن کر جس جس کا دل ٹوٹا ہے، میں ان کے دکھ میں برابر کا شریک ہوں’۔ پاکستان ٹیم کے کپتان بابر اعظم نے بھی شاداب کو نکاح کی مبارکباد پیش کی اور ان کے لیے نیک خواہشات کا اظہار کیا۔ قومی ٹیم کے مڈل آرڈر بیٹر افتخار احمد نے بھی شاداب کو دلچسپ انداز میں مبراکباد دی اور لکھا کہ یہ بندہ آج سے صرف بھائی نہیں بلکہ دلہا میاں بھی ہے، کلب میں خوش آمدید بھائی جان۔ فاسٹ بولر حارث رؤف نے لکھا کہ لگتا ہے میرا شادی والا قدم پسند آگیا، ساتھ ہی شاداب کو مبارکباد بھی دی۔ اس کے علاوہ آل راؤنڈر کے بہترین دوست حسن علی نے بھی شاداب کے لیے لکھا کہ آخر کار میرے دوست کا نکاح ہوگیا، میں آپ کے لیے بہت خوش ہوں شاداب، اللہ پاک زندگی کے اس نئے سبق کے لیے آپ کو ڈھیروں خوشیاں نصیب کرے۔ آل راؤنڈر فہیم اشرف نے لکھا کہ ‘چوہدری صاحب بہت بہت مبارک، اللہ پاک خوش رکھے’۔ اس کے علاوہ شاداب خان نے ٹوئٹر پر تمام مداح کا شکریہ ادا بھی کیا، انہوں نے لکھا آپ سب کا بے حد شکریہ جنہوں نے میرے لیے پیغامات جاری کیے، ہماری پرائیویسی کا خیال رکھنے کا بھی شکریہ۔

Categories
کھیل

پاکستان کیلئے کوچنگ: مکی آرتھر کیلئے صورتحال مشکل ہوگئی

لاہور: (ویب ڈیسک) برطانوی میڈیا کا کہنا ہے کہ پاکستان ٹیم کے سابق ہیڈ کوچ مکی آرتھر کے لیے صورتحال مشکل ہوتی جارہی ہے۔برطانوی میڈیا کے مطابق مکی آرتھر کے ڈربی شائر کے ہیڈکوچ کی پوزیشن میں کوئی تبدیلی نہیں آئی اور ان کے ڈربی شائر کا ہیڈ کوچ رہنے کی توقع ہے

ان کا ہیڈ کوچ کی حیثیت سے ڈربی شائر کے ساتھ 2025 تک معاہدہ ہے۔ برطانوی میڈیا کا کہنا ہے کہ نجم سیٹھی کے بیان کے بعد مکی آرتھر نےڈربی شائر چیف کو اپنی پوزیشن کلیئرکی، ہیڈ کوچ ہونے کے ساتھ مکی آرتھر پاکستان کرکٹ بورڈ کے ساتھ بات چیت کر رہے ہیں، اس سے قبل پی سی بی نے معاملات ختم ہونے کا اعلامیہ جاری کیا تھا۔ واضح رہے کہ پاکستان کرکٹ بورڈ ( پی سی بی ) کی مینجمنٹ کمیٹی کے چیئرمین نجم سیٹھی نے اپنی پریس کانفرنس میں کہا تھا کہ مکی آرتھر کا باب بند نہیں کیا تھا، اب بھی ان سے میرا رابطہ ہے، 90 فیصد معاملہ حل ہو چکا ہے۔ نجم سیٹھی کا کہنا تھا کہ مجھے امید ہے کہ مکی آرتھر جلد ہماری ٹیم کا حصہ ہوں گے۔

Categories
کھیل

رمیز راجا یوٹیوب پر بھارتی ٹیم کو خامیاں کیوں بتانے لگے؟ بڑی خبر آگئی

کراچی: (ویب ڈیسک) پاکستان کرکٹ بورڈ کے سابق چیئرمین رمیز راجا نے بھارتی ٹیم کو اس کی خامیاں بتانے لگے۔ یوٹیوب پر رمیز راجا کا کہنا تھا کہ بھارتی ٹاپ آرڈر کمزور دکھائی دے رہا ہے، اگرچہ بھارت نے بنگلہ دیش کیخلاف اوے سیریز کے بعد ہوم گراؤنڈ پر سری لنکا کو وائٹ واش کیا

جبکہ کیویز کیخلاف بھی ابتدائی دونوں ون ڈے جیت کر سیریز کی ٹرافی پر قبضہ یقینی بنالیا ہے۔ رمیز نے کہا کہ بھارتی ٹاپ آرڈر بیٹرز کو فرنٹ فٹ پر کھیلتے ہوئے مشکل کا سامنا ہے، وہ بیک فٹ پر جاکر گیند کو عمدگی سے ہٹ کررہے ہیں لیکن فرنٹ فٹ پر مجھے ان میں کمزوری دکھائی دے رہی ہے، وہ دفاعی اسٹروک کھیلنے پر چند بنیادی غلطیاں کررہے ہیں۔انہوں نے کہا کہ بھارت کی ون ڈے اور ٹیسٹ میں بحالی بولرز کے مرہون منت ہے کیونکہ ان کی بیٹنگ تاریخی طورپر مضبوط رہی ہے۔

Categories
کھیل

ویلنٹائن ڈے پر پشاور زلمی کو ۔۔۔ کپتان کراچی کنگز نے بڑا چیلنج کر دیا

کراچی: (ویب ڈیسک) کراچی کنگز کے کپتان عماد وسیم 14 فروری ویلنٹائن کے روز بابر اعظم کی پشاور زلمی کی پلیئنگ الیون کو شکست دینے کیلئے پرجوش ہیں۔ حال ہی میں نجی میڈیا سے گفتگو کے دوران عماد وسیم نے پی ایس ایل 8 کیلئے کراچی کنگز کے پہلے میچ سے متعلق گفتگو کی

جس میں ان کا کہنا تھا کہ ہمارے لیے ہر ٹیم سے میچ ایک ہی اہمیت کا حامل ہے لیکن اس بار کراچی اور پشاور زلمی کے میچ کی سوشل میڈیا پر خاصی ڈسکشن ہورہی ہے، کراچی کنگز بھی پشاور کی طرح پرجوش ہے اور جیت کیلئے پشاور زلمی کی طرح ہی محنت کریں گے۔ کراچی کنگز کے کپتان نے کہا کہ ٹیم کے سارے لڑکے بہترین پرفارمنس دے رہے ہیں ، لہٰذا ہمیں ویلنٹائن کے روز کراچی والوں کو جیت کر اچھا تحفہ دینا چاہیے، اگر ٹیم اچھا کھیل کر ٹورنامنٹ کا آغاز میں شروع کے میچز جیت جائے تو اچھا مومینٹم سیٹ ہوجاتا ہے ، پی ایس ایل کا نیو سیزن ہے ہمیں آغاز اچھا کرنا ہوگا۔ دوسری جانب کپتانی کے حوالے سے بات کرتے عماد وسیم کا کہنا تھا کہ کراچی کنگز کے کرتا دھرتاؤں کا شکر گزار ہوں کہ انھوں نے ایک بار پھر مجھے کراچی کنگز کی کپتانی کیلئے منتخب کیا، کپتانی کسی بھی کھلاڑی کے لیے ایک بہت بڑی ذمہ داری ہے ساتھ ہی ایک اعزاز بھی ہے، کپتان کا سب سے بڑا کام دوسری ٹیموں کے ساتھ کھیلنے کیلئے حکمت عملی تیار کرنا ہے، کپتانی ایماندار ی سے کرنا چاہیے جس کے لیے میں دوستی یاری پر یقین نہیں رکھتا، میری کوشش ہوتی ہے کہ ایسے کھلاڑیوں کو شامل کیا جائے جو ٹیم کیلئے جو بہتر ہوں اور الحمداللہ ابھی تک لڑکوں کی پرفارمنس بھی بہت اچھی ہے۔ واضح رہے کہ پی ایس ایل شیڈول کا اعلان کردیا گیا ہے جس کے مطابق پہلا میچ لاہور قلندرز اور ملتان سلطانز کے درمیان 13 فروری کو ملتان میں جبکہ دوسرا میچ 14 فروری کو پشاور زلمی اور کراچی کنگز کے درمیان کراچی میں کھیلا جائے گا۔ 34 میچز میں سے 11 میچز راولپنڈی میں ہوں گے، کراچی اور لاہور میں 9، 9 میچز جبکہ ملتان میں 5 میچز کھیلے جائیں گے۔ پاکستان سپر لیگ کا فائنل 19 مارچ کو قذافی اسٹیڈیم لاہور میں ہوگا۔

Categories
کھیل

پاکستان کرکٹ ٹیم کے کوچنگ اسٹاف اور مینجمنٹ میں کون شامل ہوگا ؟ بڑی خبر آگئی

لاہور: (ویب ڈیسک) پاکستان کرکٹ ٹیم کے کوچنگ اسٹاف اور مینجمنٹ کمیٹی کے تقرر کے حوالے سے اگلا ہفتہ انتہائی اہم قرار دیا جا رہا ہے۔ پی سی بی کی عبوری مینجمنٹ کمیٹی کے سربراہ نجم سیٹھی مکی آرتھر کو پاکستان کرکٹ ٹیم کا کوچ تعینات کرنے کے خواہشمند تھے اور اس کے لیے انہوں نے خود مکی

آرتھر سے رابطہ بھی کیا تھا تاہم مکی آرتھر نے اپنی مصروفیات کے باعث عہدہ سنھبالنے سے معذرت کر لی تھی۔ اس کے علاوہ جسٹس لینگر کا نام سامنے آ رہا تھا لیکن اطلاعات کے مطابق جسٹن لینگر جتنی رقم ایک سیشن میں حاصل کر لیتے ہیں اتنی انہیں پاکستان میں ایک ماہ میں بھی نہیں مل سکتی تو ایسی صورت میں وہ کیوں کر پاکستان آنے میں دلچسپی لیں گے۔ اسی طرح اینڈی فلاور کا نام بھی سامنے آ رہا ہے لیکن وہ بھی پورا سال لیگ کرکٹ میں مصروف رہتے ہیں اور بہت زیادہ معاوضہ حاصل کر لیتے ہیں جبکہ ٹام موڈی سے بھی اس طرح رابطہ نہیں کیا گیا جس طرح چیئرمین پی سی بی نجم سیٹھی نے مکی آرتھر سے کیا تھا۔ گزشتہ چند روز سے نجم سیٹھی یو اے ای میں آئی سی سی اور اے سی سی کی میٹنگز میں مصروف تھے لیکن اگلے ہفتے سے مینجمنٹ، کوچنگ اسٹاف اور سلیکشن کمیٹی کے حوالے سے معاملات واضح ہونا شروع ہو جائیں گے۔ نجم سیٹھی کی رائے تھی غیر ملکی کوچ ملکی سیاست سے الگ رہتا ہے اور ان کا اس حوالے سے ماضی کا تجربہ اچھا رہا اس لیے وہ اس بار بھی غیر ملکی کوچ رکھنے پر ہی زور دے رہے ہیں جبکہ قومی ٹیم کے سابق کپتان اور چیف سلیکٹر انضمام الحق اور عبوری چیف سلیکٹر شاہد آفریدی کی رائے ہے کہ پاکستانی ٹیم کا کوچ ملکی کھلاڑی ہی ہونا چاہیے۔ پی ایس ایل 8 کی افتتاحی تقریب کے حوالے سے اب تک ذرائع نے یہی تصدیق کی ہے کہ افتتاحی تقریب ملتان میں ہو گی، آج پی ایس ایل کے شیڈول کا باقاعدہ اعلان کر دیا جائے گا۔ ذرائع کا کہنا ہے امید یہی ظاہر کی جا رہی ہے کہ پی ایس ایل سے قبل ہی قومی ٹیم کے چیف سلیکٹر اور کوچنگ اسٹاف کا معاملہ حل ہو جائے گا کیونکہ پی ایس ایل کے فوری بعد پاکستانی ٹیم نے نیوزی لینڈ کے خلاف 5 ون ڈے اور 5 ٹی ٹوئنٹی میچز پر مشتمل سیریز کھیلنی ہے۔

Categories
کھیل

T20 ورلڈکپ 2024: پاک بھارت میچ کس ملک میں کھیلا جائے گا؟ سن کر آپ حیران رہ جائیں

دبئی: (ویب ڈیسک) انٹرنیشنل کرکٹ کونسل (آئی سی سی) نے ٹی ٹوئنٹی ورلڈکپ میچز کے لیے امریکا کے 3 شہروں کو شارٹ لسٹ کرلیا۔ میڈیا رپورٹس کے مطابق آئی سی سی کی جانب سے فلوریڈا، لاس اینجلس اور آکلینڈ کو شارٹ لسٹ کر لیا گیا ہے جب کہ ٹی ٹوئنٹی ورلڈکپ میں پاکستان اور بھارت کا میچ امریکا میں

ہی کرائے جانے کا امکان ہے۔ میڈیا رپورٹس کے مطابق آئی سی سی کے وفد نے دسمبر میں مختلف شہروں میں سہولیات کا جائزہ لیا تھا۔ آئی سی سی ٹی ٹوئنٹی ورلڈکپ کے امریکا اور ویسٹ انڈیز مشترکہ میزبان ہیں اس حوالے سے یو ایس اے کرکٹ کے صدر نے کہا کہ بھارت اور پاکستان کو امریکا میں کراؤڈ کی بہت سپورٹ ہے، ویسٹ انڈیز کے بجائے امریکا میں باکس آفس میچ ہونے کی امید ہے۔ میڈیا رپورٹس کے مطابق پاکستان اور بھارت کا میچ فلوریڈا میں ہونےکا امکان ہے۔ واضح رہےکہ امریکا اور ویسٹ انڈیز میں آئی سی سی مینزٹی ٹوئنٹی ورلڈکپ جون 2024 میں ہوگا۔

Categories
کھیل

سابق آسٹریلوی کپتان مائیک کلارک کو ان کی گرل فرینڈ نے تھپڑ دے مارا

سڈنی: (ویب ڈیسک) آسٹریلوی صحافی نے دعویٰ کیا ہے کہ آسٹریلیا کی ٹیم کے سابق کپتان مائیکل کلارک گھریلو تشدد کا شکار ہوئے ہیں۔ آسٹریلوی صحافی پیٹرفورڈ نے کہا کہ مائیکل کلارک پر گھریلو تشدد کی ویڈیو سامنے آئی ہے جس میں کلارک کی دوست نے انہیں تھپڑ مارا۔ ویڈیو میں مائیکل کلارک کو دوست کے
ساتھ بحث کرتے دیکھا جا سکتا ہے اور جھگڑے میں کلارک کی دوسری قریبی دوست اور دیگر افراد مداخلت بھی کرتے ہیں جب کہ اس دوران کلارک کی دوست نے انہیں زور دار تھپڑ دے مارا۔ میڈیا رپورٹس کے مطابق یہ واقعہ 10 جنوری کو پیش آیا جس کی تحقیقات جاری ہیں تاہم اب تک اس واقعے میں کسی کو چارج نہیں کیا گیا۔

Categories
کھیل

ورلڈکپ جیتنے پر منفرد خراجِ تحسین، کسان نے مکئی کی فصل سے میسی کی تصویر بنا دی

قطر(ویب ڈیسک) قطر میں فیفا ورلڈکپ کی ٹرافی اٹھانے والی ارجنٹائن کے کپتان لیونل میسی کو ایک کسان نے منفرد انداز میں خراج تحسین پیش کیا ہے۔ ارجنٹائن سے تعلق رکھنے والے کسان نے مکئی کے کھیت میں فصل اُگاکر میسی کی تصویر بنائی اور ورلڈکپ جیتنے والے کپتان کو زبردست خراج تحسین پیش کیا۔ غیر ملکی میڈیا

رپورٹس کے مطابق ارجنٹائن کے صوبے کورڈوبا کے علاقے لاس کاندورز میں میکسی ملیانو نامی کسان نے مکئی کے کھیت میں 124 ایکڑ کے حصے پر اس خوبصورت طریقے سے فصل اگائی کہ فصل اگنے پر فضا سے دیکھنے پر وہ میسی کی شکل بن گئی۔ رپورٹس کے مطابق کسان نے میسی کی شکل بنانے کے لیے منفرد الگوراتھم کا استعمال کرتے ہوئے مخصوص جگہوں پر بیج ڈالے تاکہ مکئی اُگنے کے بعد جب اسے اونچے مقام سے دیکھا جائے تو وہ میسی کی شکل بن جائے۔ کسان کا کہنا ہے کہ یہ ورلڈکپ جیتنے کی خوشی میں میری جانب سے میسی اور ان کی ٹیم کو خراج تحسین ہے۔ واضح رہے کہ اس سے قبل فٹبال کے متوالوں نے ارجنٹائن کے ورلڈکپ جیتنے کے بعد میسی کے ٹیٹو بھی جسم پر بنوائے تھے۔

Categories
کھیل

شاہد آفریدی لڑکی سمجھ کر فون پر ۔۔۔۔ لالہ نے ماضی کا دلچسپ قصہ سنا دیا

لاہور: (ویب ڈیسک) سابق کپتان شاہد آفریدی کا ماضی میں شاہزیب خانزادہ کو دیا گیا ایک انٹرویو سامنے آیا ہے جس میں انہوں نے اعتراف کیا کہ وہ کسی لڑکے سے لڑکی سمجھ کر باتیں کرتے رہے۔ اس دلچسپ واقعے کا ذکر شاہد آفریدی نے اپنی کتاب گیم چینجر میں بھی کیا ہے تاہم ماضی میں شاہزیب خانزادہ

کو دیے گئے انٹرویو کے دوران جب لالہ سے اس دلچسپ واقعے سے متعلق سوال کیا گیا تو انہوں نے بتایا کہ اس وقت جب موبائل بہت مہنگے تھے اور وہ کسی لڑکی کو اتنا پسند کرنے لگے تھے کہ آسٹریلیا سے کارڈ خرید کر اس سے باتیں کرتے تھے۔ دوران انٹرویو شاہد نے بتایا کہ فون پر بات کرنے والے شخص کی آواز جو بظاہر لڑکی کی لگتی تھی وہ اتنی خوبصورت تھی کہ میں آسٹریلیا جیسے اتنے دور ملک سے بات کرتا تھا کیوں کہ اس وقت ہمارے پاس موبائل نہیں تھے لہٰذا کارڈ خرید کر ہوٹل میں بیٹھ کر فون ملاتے تھے اور گھنٹوں باتیں کرتے تھے۔ سابق کپتان کا کہنا تھا کہ جب وہ لڑکی عید والے دن مجھ سے گھر پر ملنے آئی تو پتا چلا کہ جس سے بات کرتا رہا وہ لڑکی نہیں لڑکا تھا جو لڑکی کی آواز بنا کر ان سے بات کرتا تھا۔ انہوں نے مزید بتایا کہ اس کے بعد میں نے اس لڑکے کو دوسرے کئی کھلاڑیوں کیلئے استعمال بھی کیا اور پھر کئی کھلاڑیوں نے اس لڑکے کو لڑکی سمجھ کر شادی کی پیشکش بھی کردی۔

Categories
کھیل

پاکستان کی معروف اسپورٹس پریزینٹر زینب عباس گر پڑیں، افسوسناک خبر آگئی

لاہور: (ویب ڈیسک) پاکستان کی معروف اسپورٹس پریزینٹر زینب عباس سے جنوبی افریقا کی ایس اے 20 لیگ میں چوکا روکتا فیلڈر ٹکرا گیا جس کے باعث وہ گر پڑیں۔ زینب عباس دنیا بھر میں مقبول ہیں جن کی شخصیت سے ناصرف ملکی بلکہ غیر ملکی افراد بھی متاثر ہیں، حال ہی میں آئی سی سی ٹی ٹوئنٹی ورلڈکپ

میں بطور پریزینٹر مداحوں کا دل جیتنے والی زینب ان دنوں جنوبی افریقا میں موجود ہیں۔ سپر اسپورٹس کی جانب سے شیئر کردہ ویڈیو میں دیکھا جاسکتا ہے کہ بیٹر نے جیسے ہی بلا گھمایا تو گیند ہوا میں اڑتی ہوئی باؤنڈری لائن کی جانب بڑھنے لگی، باؤنڈری پر کھڑی ایونٹ کور کرتی زینب نے کہا کہ ‘گیند سیدھا ہماری جانب آرہی ہے’۔ یہ الفاظ ابھی ان کے منہ میں ہی تھے کہ چوکا روکنے کے لیے آتا فیلڈر ان سے ٹکرا گیا جس کے باعث وہ گر پڑیں۔ گرنے کے فوراً بعد اٹھتے ہوئے زینب سے ساتھی پریزینٹر نے خیریت دریافت کی تاہم انہوں نے سنبھل کر مسکراتے ہوئے جواب دیا۔ بعدازاں زینب نے سپر اسپورٹس کی ویڈیو کو شیئر کرتے ہوئے لکھا کہ میں بچ تو گئی ہوں لیکن میں ہی جانتی ہوں کہ یہ کیسا احساس ہوتا ہے۔ خیال رہے کہ 10 جنوری کو زینب نے ٹوئٹر پر اعلان کیا تھا کہ وہ کرکٹ جنوبی افریقا کی جانب سے ہونے والی لیگ کے ابتدائی سیزن کی میزبانی کریں گی۔

Categories
کھیل

آسٹریلوی چینل کو شٹ اپ کال!! پی سی بی بابر کی حمایت میں کھل کر سامنے آگیا

لاہور: (ویب ڈیسک) پاکستان کرکٹ بورڈ (پی سی بی) نے قومی ٹیم کے کپتان بابر اعظم کے خلاف چلنے والی سوشل میڈیا مہم پر خاموشی توڑ دی۔ کرکٹ بورڈ نے آسٹریلوی اسپورٹس چینل فوکس نیوز کے بیان پر ردعمل دیتے ہوئے چینل کو شٹ اپ کال دی اور ناراضی کا اظہار کیا۔ پی سی بی نے
ٹوئٹر اکاؤنٹ پر آسٹریلوی چینل کی ٹوئٹ کو شیئر کرتے ہوئے کہا کہ ‘ہمارے میڈیا پارٹنر ہونے کی حیثیت سے آپ کو ان غیر مصدقہ اور سنجیدہ قسم کے الزامات کو نظر انداز کرنا تھا’۔ پی سی بی نے مزید لکھا ‘ حتیٰ کہ بابر اعظم نے اس گھٹیا الزام کا جواب دینا بھی مناسب نہیں سمجھا’۔ واضح رہے کہ سوشل میڈیا پر بابر اعظم کی ایک مبینہ ویڈیو وائرل ہے جس پر فوکس کرکٹ نے غیر اخلاقی ٹوئٹ کیا۔ بعدازاں فوکس کرکٹ نے اپنے ٹوئٹر اکاؤنٹ سے مذکورہ ٹوئٹ ڈیلیٹ کردی۔ خیال رہے کہ وائرل ویڈیو میں بابر اعظم کی ایک لڑکی کے ساتھ مبینہ گفتگو کو دکھایا گیا۔ ویڈیو کو یوٹیوب پر ڈیلیٹ کردیا گیا لیکن کئی یوٹیوبرز نے اس پر وی لاگ کرکے بابر اعظم کی ساکھ کو نقصان پہنچانے کی کوشش کی ہے۔