Categories
کھیل

معروف کھلاڑی میچ کے دوران دل کا دورہ پڑنے سے ہلاک!! مداح سوگ میں ڈوب گئے

انقرہ (نیوز ڈیسک )ترک نژاد جرمن باکسر موسیٰ یامک رنگ میں فائٹ کے دوران دل کا دورہ پڑنے سے ہلاک ہوگئے۔غیر ملکی میڈیا رپورٹس کے مطابق اپنے 8 مقابلوں میں ناقابل شکست رہنے والے جرمن باکسر موسیٰ یامک ہفتے کے روز جرمنی کے شہر میونخ میں یوگنڈا کے حمزہ ونڈیرا کا مقابلہ کرتے ہوئے دل کا دورہ پڑنے سے انتقال کر گئے۔

میڈیا رپورٹس کے مطابق فائٹ کے دوسرے راؤنڈ میں یامک کو ونڈیرا کے ساتھ فائٹ کے دوران مکا لگا تھا، جس کے بعد باکسر نے تیسرے راؤنڈ میں واپس لڑنے کی کوشش کی تاہم راؤنڈ شروع ہونے سے پہلے ہی وہ گرگئے تاہم جرمن باکسر کو فوری طبی امداد دی گئی اور ہسپتال منتقل کیا گیا تاہم وہ جانبر نہ ہو سکے۔ایک ترک عہدیدار نے ٹوئٹر پر باکسر کی موت کی خبر کی تصدیق کی جس کے بعد باکسنگ کی دنیا کے اسٹار سے محروم ہونے کے بعد بہت سے مداحوں کو صدمہ پہنچا۔ترک عہدیدار کا کے مطابق ہم نے اپنے ہم وطن موسیٰ یامک کو کھو دیا، الوکرا سے تعلق رکھنے والے باکسرنے یورپی اور ایشیائی چیمپئن شپ جیتی ، وہ دل کا دورہ پڑنے سے 38 سال کی عمر میں اس دنیا سے چلے گئے۔

Categories
کھیل

نئی تاریخ رقم، فیفا ورلڈ کپ میں پہلی بار خواتین ریفریز ذمہ داریاں نبھائیں گی

قطر(ویب ڈیسک) رواں سال قطر میں ہونے والے فیفا ورلڈکپ میں پہلی بار خواتین ریفریز ذمہ داریاں نبھائیں گی۔ غیر ملکی میڈیا رپورٹس کے مطابق فٹبال کی عالمی تنظیم فیفا نے قطر میں ہونے والے مینز فٹبال ورلڈکپ کیلئے پہلی بار 6 خواتین کو اپنے ریفریز کے مینل میں شامل کیا جس کی تصدیق بھی کردی گئی ہے۔

رپورٹس کے مطابق فرانس کی اسٹیفنی فراپارٹ، روانڈا کی سلیما مکانسانگا اور جاپان کی یوشیمی یاماشیتا کو مینز فٹبال ورلڈکپ کے 36 رکنی ریفریز کے اسکواڈ میں شامل کیا گیا ہے ۔ اس کے علاوہ برازیل کی نیوزا بیک، میکسیکو کی کیرن دیاز میڈینا اور امریکا کی کیتھرین نیسبت 69 رکنی اسسٹنٹ ریفریز کے اسکواڈ میں شامل ہیں۔ فیفا ریفریز کے سربراہ پیئرلوگی کولینا کا کہنا ہے کہ’ خواتین ریفریز کا انتخاب جنس کو مدنظر رکھے بغیر کیا گیا ہے، ان کے مطابق یہ ایک طویل عمل کا نتیجہ ہے جو کئی سال پہلے مردوں کے جونیئر اور سینیئر ٹورنامنٹس میں خواتین ریفریز کی تعیناتی کے ساتھ شروع ہوا تھا’۔ انہوں نے کہا کہ میں امید کرتا ہوں کہ مستقبل میں اہم مردوں کے مقابلوں کے لیے خواتین میچ آفیشلز کو معمول کے مطابق ذمہ داریاں دی جائیں گی۔ واضح رہے کہ مینز فٹبال ورلڈکپ میں پہلی بار خواتین ریفریز کو ذمہ داریاں سونپی گئی ہیں۔ یاد رہے کہ فیفا ورلڈ کپ رواں سال 21 نومبر سے 18 دسمبر تک قطر میں کھیلا جائےگا۔ادھر دوسری خبر کے مطابق امریکی خواتین فٹبالرز کو بلآخر مردوں کے برابر معاوضہ دینے کا فیصلہ کرلیا گیا ہے۔ غیر ملکی خبررساں ایجنسی کے مطابق امریکی ساکر فیڈریشن نے بدھ کو اعلان کیا کہ اس نے مردوں اور خواتین کی قومی ٹیم کو یکساں معاوضہ دینے کیلئے ایک معاہدہ کیا ہے، جس سے تنخواہوں کے متنازعہ فرق کو ختم کیا گیا ہے تنظیم نے اعلان کیا کہ نئے معاوضے کا معاہدہ 2028 تک چلیں گا جس کے مطابق فیفا ورلڈ کپ کی انعامی رقم بھی دونوں ٹیموں کو یکساں دی جائے گی۔ رپورٹس کے مطابق فروری میں امریکی ساکر کی گورننگ باڈی اور خواتین کی ٹیم نے تنخواہ کے تنازعہ کو حل کرنے کے لیے معاہدے کا اعلان کیا تھا تاہم اب فیڈریشن نے دونوں ٹیموں کو اگلے یونین کنٹریکٹ میں یکساں طور پر معاوضہ دینے اور اس سلسلے میں خواتین کی ٹیم کو 22 ملین ڈالرز (back pay) کے طور پر ادا کرنے پر اتفاق کیا ہے۔

Categories
کھیل

تمہاری یہاں آنے کی جرات کیسے ہوئی؟ بابراعظم اپنے ہی بھائی پر برہم۔۔۔ مگر کیوں ؟

لاہور (ویب ڈیسک ) پاکستان کے کپتان بابر اعظم کا اپنے بھائی محفوظ اعظم کو لاہور کے نیشنل ہائی پرفارمنس سینٹر (این ایچ پی سی) میں ٹریننگ کے لیے لانا موضوع بحث بن گیا ہے۔ کنڈیشنگ کیمپ سے پہلے محفوظ اعظم نے بابر اعظم کی نگرانی میں NHPC میں اپنی تربیت کی ویڈیوز اور

تصاویر شیئر کیں۔ صرف فرسٹ کلاس اور قومی کرکٹرز کو پاکستان کرکٹ بورڈ (پی سی بی) کی طرف سے فراہم کردہ جدید ترین سہولیات پر پریکٹس کرنے کی اجازت ہے۔ پی سی بی کے ایک معتبر ذریعے نے نیوز انڈین کو بتایا کہ ’بابر اپنے بھائی کے ساتھ تین سے چار دن پہلے سینٹر آیا تھا اور یہ کنڈیشنگ کیمپ شروع ہونے سے پہلے کی بات ہے، بعد میں اس کے بھائی نے بھی وہاں نیٹ پریکٹس کی جو کرکٹ بورڈ کے علم میں لایا گیا۔ پی سی بی نے اعتراف کیا کہ چونکہ کوئی بھی پاکستانی کھلاڑی اپنے کسی رشتہ دار یا دوست کو پریکٹس کے لیے نیشنل ہائی پرفارمنس سینٹر میں نہیں لا سکتا تھا اس لیے بابر کو شائستگی سے ان کے اس اقدام کے بارے میں بتایا گیا اور کہا گیا کہ وہ اسے نہ دہرائیں۔ ذرائع نے مزید کہا کہ بابر اعظم قومی کرکٹ ٹیم کے کپتان ہیں اور اس معاملے کو اس انداز میں نمٹا گیا جہاں انہیں شائستگی کے ساتھ صورتحال کے بارے میں یاد دلایا گیا اور وہ اس پر راضی ہیں.

Categories
کھیل

انتہائی شرمناک مطالبہ پر پوری کی پوری فٹ بال ٹیم فارغ

نیویارک(ویب ڈیسک) مریکہ میں ایک سکول نے انتہائی شرمناک مطالبہ کرنے پر اپنی فٹ بال ٹیم سے تمام کھلاڑیوں کو نکال دیا۔ ڈیلی سٹار کے مطابق ان طالبات کا تعلق نیویارک کے البانے ہائی سکول سے تھا جو گرمی کے موسم میں کھیل کے دوران یونیفارم میں شرٹ کی بجائے صرف بریزیئر پہننے کی اجازت دینے کا مطالبہ کر رہی تھیں۔

اجازت نہ ملنے پر طالبات نے احتجاجی مظاہرہ کیا۔ اس مظاہرے کے دوران طالبات نے اپنی سپورٹس یونیفارم میں شامل بریزیئر پہن رکھے تھے جس پر سکول انتظامیہ نے ان سب کو ٹیم سے باہر نکال دیا گیا۔ طالبات کا کہنا تھا کہ ”سکول کی انتظامیہ نے ہمیں اس لیے کھیل کے دوران صرف بریزیئر پہننے سے روک رکھا تھا کیونکہ ہمارے کوچ مرد تھے۔ “احتجاج کے دوران ایتھلیٹ طالبات کا اپنے کوچ اور سکول سٹاف کے ساتھ تلخ جملوں کا تبادلہ ہوا، جس کے بعد ان تمام طالبات کو ٹیم سے نکال دیا گیا۔ رپورٹ کے مطابق تمام کھلاڑیوں کو معطل کرنے کی وجہ سے آئندہ ہفتے ہونے والے کھیلوں کے ریجنل مقابلوں میں یہ سکول کسی کھیل میں بھی حصہ نہیں لے سکے گا۔

Categories
کھیل

باولنگ ایکشن پر تنقید، شعیب اختر نے وریندر سہواگ کو کھری کھری سنا دی

لاہور(ویب ڈیسک) سابق ٹیسٹ کرکٹر شعیب اختر نے سابق بھارتی اوپنر وریندر سہواگ کی جانب سے اپنے ایکشن کو غیر قانون قرار دینے پر بھارتی سٹار کو جواب دیا ہے۔ شعیب اختر نے کہا کہ اگر وریندر سہواگ کو آئی سی سی سے زیادہ معلومات ہے تو الگ بات ہے ورنہ وریندر سہواگ کو ایسی باتیں نہیں کرنی چاہئیں۔ان کا کہنا تھا کہ

وریندر سہواگ کو میرا بولنگ ایکشن غیر قانونی لگتا ہو گا لیکن پاکستان بھارت میں ایسا کسی اور کو نہیں لگتا، میرا بولنگ ایکشن آئی سی سی نے کلیئر کر دیا تھا۔انہوں نے کہا کہ میری رائے وریندر سہواگ کے بارے میں مختلف ہے، سہواگ ایک بہترین کھلاڑی اور بھارت کے بہترین اوپنر رہے ہیں، میں عمر کے اس حصے میں ہوں جہاں اپنی رائے کا اظہار دیکھ بھال کر کرتا ہوں، نہیں چاہتا کہ میری رائے سے کسی کی دل آزاری ہو۔ سابق سپیڈ اسٹار نے کہا کہ سہواگ عموماً ایسی باتیں کہہ جاتے ہیں لیکن میرے اچھے دوست ہیں، وریندر سہواگ کے الزامات میں نے نہیں سنے، میری ہمیشہ کوشش ہوتی تھی کہ آو¿ٹ کروں نہ کہ کسی بیٹر کو زخمی کروں۔انہوں نے کہا کہ میں چاہتا ہوں کہ اپنے بیانات سے بھارت اور پاکستان کے درمیان تعلقات کو بہتر کروں، میں پاکستان کا قومی ہیرو ہوں اس لیے میرے بارے میں وریندر سہواگ سوچ سمجھ کر بولیں۔ سابق فاسٹ بولر نے کہا کہ مجھے ٹنڈولکر کے باپ باپ ہوتا ہے اور بیٹا بیٹا والے بیان کے بارے میں کچھ نہیں معلوم، بنگلا دیش کو بیٹا کہنا ایک غلط بیان ہے جسے سن کر دکھ ہوتا ہے۔

Categories
کھیل

سابق کھلاڑیوں کی سنی گئی!!! پی سی بی نے پنشن میں کتنا اضافہ کر دیا ؟ ۔۔۔۔۔۔۔۔۔۔ سن کر آپ حیران رہ جائیں

لاہور: (ویب ڈیسک) پاکستان کرکٹ بورڈ (پی سی بی) نے ریٹائرڈ کھلاڑیوں کی پنشن میں اضافے کا اعلان کردیا۔ پی سی بی کی جانب سے جاری اعلامیے کے مطابق چیئرمین پی سی بی رمیز راجہ نے تمام سابق کھلاڑیوں کی پنشن میں فی کس ایک لاکھ روپے اضافے کا اعلان کردیا ہے۔ چیئرمین پی سی بی کا کہنا ہے کہ سابق کرکٹرز کی عزت ہی پی سی بی کی عزت ہے، مہنگائی کی شرح کے مطابق ریٹائرڈ کھلاڑیوں کی پنشن میں بھی سالانہ اضافہ کیا جائے گا۔

Categories
کھیل

ہمارے اور غیر ملکی خواتین کھلاڑیوں کے درمیان سب سے بڑا فرق کس چیز کا ہوتا ہے ؟ قومی خٰواتین کرکٹ ٹیم کی فاسٹ باؤلر فاطمہ ثنا کا بیان سامنےآگیا

لاہور (ویب ڈیسک) پاکستان ویمن کرکٹ ٹیم کی فاسٹ بولر فاطمہ ثناء کا کہنا ہے کہ سری لنکا کیخلاف سیریز کے لیے پُرجوش ہوں۔ ویمنز ورلڈکپ میں کھیلنے کا تجربہ اچھا رہا۔ میگا ایونٹ میں ورلڈ پلیئرز کے ساتھ کھیلنے اور سیکھنے کا موقع ملا۔ کوشش ہوگی کہ سری لنکا کیخلاف سیریز میں عمدہ

فارمنس کا مظاہرہ کرکے ٹیم کی جیت میں اہم کردار ادا کروں۔آئی سی سی ایمرجنگ کرکٹر آف دی ایئر فاطمہ ثناء نے بدھ کو نیشنل اسٹیڈیم کراچی میں پریس کانفرنس میں بات کرتے ہوئے کہا کہ ہمارے کھلاڑیوں کو فٹنس بہتر کرنے کی ضرورت ہے۔ غیر ملکی پلیئرز اور ہمارے کھلاڑیوں کے فٹنس لیول میں بہت فرق ہے کیونکہ غیر ملکی پلیئرز ڈائٹ پر زیادہ انحصار کرتے ہیں۔ایک سوال کے جواب میں انہوں نے کہا کہ اگر سینئر ویمن پلیئرز ابھی پرفارم نہیں کر پارہیں تو وہ اس کا بہتر جواب دے سکتی ہیں، لیکن میری کوشش ہوتی ہے کہ ہمیشہ بہتر پرفارم کروں اور جہاں بھی ٹیم کو میری ضرورت ہو اس کے لیے اچھی کرکٹ کھیلوں۔اس وقت فزیکل فٹنس کا جو معیار ہے کیا اس پر پاکستان ویمنز پلیئرز پورا اترتی ہیں؟ اس سوال کے جواب میں انہوں نے کہا کہ کیمپ اور پریکٹس کے دوران ہماری فٹنس پر بہت کام ہوتا ہے۔ رمضان میں بھی ہم نے فزیکل فٹنس کا بہت زیادہ خیال رکھا اور بھرپور پریکٹس کی ہے، کوشش ہے کہ فزیکل فٹنس کا جو معیار ہے اس پر پورا اتروں۔فاطمہ ثناء نے کہا کہ امید ہے کہ ٹیم کامن ویلتھ گیمز، ویمنز ٹی ٹوئنٹی ورلڈکپ، آسٹریلیا اور آئرلینڈ سیریز میں ورلڈ پلیئرز کو ٹف ٹائم دے گی۔ خیال رہے کہ پاکستان اور سری لنکا کے درمیان ٹی ٹوئنٹی سیریز کا پہلا میچ 24 مئی کو ساؤتھ اینڈ کلب کرکٹ اسٹیڈیم میں کھیلا جائے گا۔

Categories
کھیل

حکومت کا چیئرمین پی سی بی رمیز راجہ کے حوالے سے بڑا فیصلہ

لاہور(نیوز ڈیسک)مسلم لیگ (ن) کے رہنما رانا مشہود نے چند روز میں رمیز راجا کو چیئرمین پاکستان کرکٹ بورڈ(پی سی بی) کے عہدے سے ہٹائے جانے کا امکان ظاہرکردیا۔لاہورمیں میڈیا کے وفد سے گفتگو میں مسلم لیگ (ن) کے رہنما رانا مشہود نے کہا کہ پی ٹی آئی کی حکومت ختم ہونے کے بعد رمیز

راجا کو اعلیٰ ظرفی کا مظاہرہ کرتے ہوئے خود ہی پاکستان کرکٹ بورڈ(پی سی بی) کی سربراہی سے استعفیٰ دے دینا چاہیے تھا۔رانا مشہود نے کہا کہ آنے والے دنوں میں ان کوئی مستقبل نہیں دیکھ رہا،چیزیں جب ٹھیک ہوں گی تو پی س بی کا نیا چیئرمین بھی ضرور آئے گا۔ اس موقع پر رانا مشہود نے کھلاڑیوں کے روزگار کے لیے اسپورٹس ڈپارٹمنٹس کی ٹیموں کی بحالی کا بھی یقین دلایا۔دوسری جانب نیاز اللّٰہ نیازی کو ایڈووکیٹ جنرل اسلام آباد کے عہدے سے ہٹادیا گیاجس کا نوٹیفکیشن بھی جاری کردیا گیا جس کے مطابق جہانگیر جدون کو ایڈووکیٹ جنرل اسلام آباد مقرر کردیا گیا ہے،صدر مملکت نے نئے ایڈووکیٹ جنرل اسلام آباد کی تعیناتی کی منظوری دے دی ہے۔

Categories
کھیل

158 کلو میٹر فی گھنٹہ کی رفتار سے باؤلنگ کیسے ممکن ہوئی ؟شعیب اختر نے راز کی بات بتا دی

لاہور (ویب ڈیسک)پاکستان کے فخر اور لیجنڈ سابق ٹیسٹ کرکٹر شعیب اختر نے سو میل فی گھنٹہ کی رفتار سے باؤلنگ کروانے کی ٹریننگ کے بارے میں بتاتے ہوئے کہا کہ میں 157 اور 158 کلومیٹر فی گھنٹے کی رفتار سے ہمیشہ باؤلنگ کرتا تھا۔شعیب اختر نے کہا کہ 157 اور 158 کلومیٹر

فی گھنٹے کی رفتار سے تو کرنا تھا باؤلنگ لیکن 160 کلومیٹر فی گھنٹے کی رفتار سے نہیں کر پارہا تھا، میں نے اپنے ساتھ ٹائر کو باندھ کر بھاگنا شروع کیا لیکن ٹریننگ کم لگی۔اُنہوں نے کہا کہ پھر اسلام آباد میں رات کے وقت چھوٹی گاڑی کو کھینچنا شروع کیا لیکن وہ بھی کم لگا، پھر ٹرک کو تقریباً 5 میل کھینچ کر لے جانے کی ٹریننگ شروع کردی۔سابق فاسٹ باؤلر نے کہا کہ ورزش کرتے وقت میں نے ڈمبل کا وزن دو گنا اٹھانا شروع کردیا، میں نے 22 یارڈ پچ کی بجائے 26 یارڈ کی پچ پر باؤلنگ کروانا شروع کی، 26 یارڈ پر باؤلنگ کروا کر میں نے 150 کلومیٹر فی گھنٹہ کی رفتار سے باؤلنگ کروانے کا ہدف رکھا۔اُن کا کہنا تھا کہ میں نے نئے گیند کی بجائے پھٹے ہوئے پرانے گیندوں سے 26 یارڈز کی پچ پر باؤلنگ کروانا شروع کی، میں نے اپنے جسم کے میکینکس کے ساتھ تبدیلی کرنا شروع کی، 26 یارڈ کی پچ پر پریکٹس کرنے کے بعد میرا 22 یارڈ کی پچ پر رفتار بڑھ گئی۔شعیب اختر نے مزید کہا کہ 2003 ورلڈکپ میں ساتھی کھلاڑی کہہ رہے تھے کہ گیند بہت تیز آرہا ہے، بیٹرز کو نہ زخمی کردینا، میں نے ساتھی کھلاڑیوں کو کہا کہ میں ورلڈ کپ 2003 میں تیز رفتار گیند بازی کا ریکارڈ توڑ دوں گا۔واضح رہے کہ 2 روز قبل سابق بھارتی ٹیسٹ کرکٹر وریندر سہواگ نے قومی کرکٹ ٹیم کے سابق فاسٹ بولر شعیب اختر کے بولنگ ایکشن کو غیرقانونی قرار دے دیا۔

Categories
کھیل

سابق وزیر اعظم کے دوست اور کھیل کے میدان میں داست راست رہنے والے شخص کی اہم ادارے سے چھٹی کا امکان

لاہور(ویب ڈیسک) مسلم لیگ (ن) کے رہنما رانا مشہود نے چند روز میں رمیز راجا کو چئیرمین پاکستان کرکٹ بورڈ( پی سی بی) کے عہدے سے ہٹائے جانے کا امکان ظاہرکردیا۔ لاہورمیں میڈیا کے وفد سے گفتگو میں مسلم لیگ (ن) کے رہنما رانا مشہود نے کہا کہ پی ٹی آئی کی حکومت ختم ہونے کے بعد رمیز راجا کو

اعلیٰ ظرفی کا مظاہرہ کرتے ہوئے خود ہی پاکستان کرکٹ بورڈ(پی سی بی) کی سربراہی سے استعفیٰ دے دینا چاہیئے تھا۔ رانا مشہود نے مزید کہا کہ آنے والے دنوں میں ان کوئی مستقبل نہیں دیکھ رہا۔چیزیں جب ٹھیک ہوں گی تو پی س بی کا نیا چئیرمین بھی ضرور آئے گا۔ اس موقع پر رانا مشہود نے کھلاڑیوں کے روزگار کے لیے اسپورٹس ڈپارٹمنٹس کی ٹیموں کی بحالی کا بھی یقین دلایا۔

Categories
کھیل

چیئرمین پی سی بی رمیز راجہ کی چھٹی قریب۔۔۔۔ اندر خانے فیصلہ ہو گیا

لاہور(ویب ڈیسک) چیئرمین پی سی بی رمیز راجہ کی تعیناتی کو سامنے رکھتے ہوئے ن لیگی رہنما کا کہنا تھا کہ رمیز راجہ کا مستقبل اچھا دکھائی نہیں دے رہا ۔ن لیگی رہنما نے رمیز راجہ کو اشارہ دیتے ہوئے کہا کہ چیئرمین پی سی بی وقار کا مظاہرہ کرتے ہوئے خود ہی بورڈ سے الگ ہو جاتے ،

انہوں نے کہا سیاسی حالات بہتر ہوتے ہی بورڈ میں نیا چیئرمین لائینگے ۔رکن پنجاب اسمبلی رانا مشہود نے چیئرمین پاکستان کرکٹ بورڈ کو ہٹائے جانے کا عندیہ دیتے ہوئے رمیز راجہ کو خود مستعفی ہونے کا مشورہ دے دیا،رانا مشہود نے مزید کہا کہ کھلاڑیوں کو روزگار مہیا کرنے کے لیے ڈپارٹمنٹ اسپورٹس بحال کیے جا رہے ہیں۔اس سے قبل بھی یہ خبریں زیر گردش تھیں کہ وزیراعظم شہباز شریف نئے چیئرمین پی سی بی کیلئے گورننگ بورڈ کو 2 نام دیں گے اوربورڈ دونوں ناموں سے ایک نام تجویز کرے گا۔خیال رہے کہ سابق ٹیسٹ کرکٹر رمیز راجہ 13 ستمبر 2021 کو پی سی بی کے بلا مقابلہ چیئرمین منتخب ہوئے تھے۔ عمران خان حکومت کی تبدیلی کے بعد رمیز راجہ کے مستقبل پر بھی سوالات کھڑے تھے اور انہوں نے گزشتہ دنوں عہدے سے استعفیٰ نہ دینے کا فیصلہ کیا تھا۔

Categories
کھیل

ریٹائرمنٹ کے کئی سال بعد شعیب اختر کا باؤلنگ ایکشن غیر قانونی قرار دے دیا گیا

لاہور (ویب ڈیسک) سابق بھارتی ٹیسٹ کرکٹر وریندر سہواگ نے قومی کرکٹ ٹیم کے سابق فاسٹ بولر شعیب اختر کے بولنگ ایکشن کو غیرقانونی قرار دے دیا۔وریندر سہواگ نے بھارتی ڈیجیٹل شو پر بیٹھ کر شعیب اختر کے بولنگ ایکشن کو غیرقانونی قرار دیا۔وریندر سہواگ نے کہا ہے کہ شعیب اختر بولنگ

کے وقت اپنا ہاتھ چھپا کر بھاگتے تھے اور جھٹکا مارکر گیند کرواتے تھے۔انہوں نے مزید کہا کہ شعیب اختر کو بھی معلوم ہے کہ ان کا بولنگ ایکشن غیرقانونی تھا۔خیال رہے کہ 2020 میں بھی بھارتی کھلاڑی وریندر سہواگ نے شعیب اختر پر الزام لگایا تھا کہ شعیب اختر کا بھارت میں بزنس جڑا ہوا ہے وہ بھلا اس کے خلاف کیسے بولیں گے۔وریندر سہواگ کے جواب میں شعیب اختر نے کہا تھا کہ میں کسی کے بارے میں تنگ نظر نہیں ہوں، پیسہ اللّٰہ دیتا ہے، بھارت نہیں اور 40 سال سے مجھے اللّٰہ ہی پال رہا ہے۔سابق فاسٹ بولر نے یہ بھی کہا تھا کہ میں اتنا تنگ نظر نہیں ہوں جتنا وہ سمجھ رہے ہیں، سہواگ کے سر پر جتنے بال نہیں اس سے زیادہ میرے پاس پیسہ ہے۔

Categories
کھیل

انگلش ٹیم کا 15 سال بعد پاکستان پہنچے کا امکان!!! شائقین کے لیے بڑی خبر

لندن(نیوز ڈیسک) رواں سال ستمبر اور اکتوبر کے مہینے میں انگلینڈ کرکٹ ٹیم ٹی20 فارمیٹ کے اہم کھلاڑیوں کے بغیر پاکستان پہنچے گی۔میڈیا رپورٹ کے مطابق آسٹریلیا میں ہونے والے ورلڈ کپ سے قبل پاکستان انگلینڈ کی سات کی میزبانی کرے گا تاہم انگلش ٹیم ٹی20 فارمیٹ کے اہم کھلاڑیوں کے بغیر وطن پہنچے گی۔حکام کے


مطابق جنوبی افریقہ کے خلاف ہوم سیریز کے اختتام کے محض 72 گھنٹے بعد 15 ستمبر کو پاکستان کے خلاف سیریز کے پہنچیں گے، جس کے بعد آسٹریلیا روانہ ہوں گی۔رپورٹ میں کہا گیا کہ ملٹی فارمیٹ کے کرکٹرز کو آرام کرنے کی غرض سے پاکستان کے خلاف سیریز میں عدم موجودگی کا امکان ہے۔گزشتہ سال نیوزی لینڈ کے بعد انگلینڈ کرکٹ ٹیم نے دورہ پاکستان کو منسوخ کیا تھا تاہم آسٹریلوی ٹیم کے دورے کے بعد انگلش بورڈ نے 7 ٹی20 انٹرنیشنل میچز کھیلنے کا اعلان کیا تھا۔انگلیںڈ کی ٹیم آسٹریلیا میں شیڈول ٹی20 ورلڈکپ کے بعد تین میچوں کی ٹیسٹ سیریز کے لیے دوبارہ پاکستان آئے گی۔دوسری جانب انگلینڈ کے نو منتخب ٹیسٹ کپتان بین اسٹوکس کا کہنا ہے کہ انگلش ٹیم کا شیڈول بہت مصروف ہے جس پر بورڈ کو نظرثانی کی ضرورت ہے۔

Categories
کھیل

ورلڈکپ 2003!!!! پاک بھارت میچ کے حوالے سے محمد کیف کے سنسنی خیز انکشافات

ممبئی: (ویب ڈیسک) بھارتی کرکٹ ٹیم کے سابق بلےباز محمد کیف نے انکشاف کیا ہے کہ 2003 کے پاک بھارت ورلڈکپ میچ کے دوران سچن ٹنڈولکر کیچ ڈراپ ہونے کے وقت عبدالرزاق مڈ آف پوزیشن سے بہت دور کھڑے تھے جس کے باعث سچن کو نئی زندگی ملی اور پاکستان کی ٹیم میچ میں واپس نہ آسکی۔ اسپورٹس ویب سائٹ کو انٹرویو دیتے ہوئے بھارتی کرکٹ ٹیم کے سابق بلےباز محمد کیف نے کہا کہ 2003 کے ورلڈکپ میچ کے دوران پاکستان کے پاس ٹنڈولکر کو آؤٹ کرنے کا موقع تھا تاہم عبدالرزاق مڈ آف پر گیند کو پکڑنے میں ناکام رہے جس کے باعث وسیم اکرم غصے میں تھے۔ کیف نے واقعے پر کھل کر بات کرتے ہوئے کہا کہ رزاق مڈ آف پر نہیں کھڑے تھے البتہ وہ بولرز کے بہت قریب تھے، اگر رزاق سچن کا کیچ لے لیتے تو میچ کا پانسہ پلٹ سکتا تھا۔ انہوں نے کہا کہ سچن اچھی بلےبازی کررہے تھے، میرا کردار ان کا ساتھ دینا تھا۔ مجھے ڈریسنگ روم سے ہدایات ملی تھیں کہ سچن اچھی فارم میں ہیں انہیں اٹیکنگ کرکٹ کھیلنے دیں۔ پاکستان کے خلاف اس میچ میں ٹنڈولکر اور کیف نے تیسری وکٹ کی شراکت میں 103 رنز کی پارٹنرشپ قائم کی تھی جبکہ کیف نے 60 گیندوں پر 35 رنز بنائے تھے اور میچ کو بھارت کے حق میں موڑ دیا تھا۔ واضح رہے کہ بھارتی ٹیم نے اس ورلڈکپ کے فائنل تک رسائی حاصل کی تھی تاہم آسٹریلیا کے ہاتھوں شکست کی حزیمت کا سامنا کرنا پڑا تھا۔

Categories
کھیل

2021 میں کس کھلاڑی نے کتنا کمایا ؟ حیران کن اعدادوشمار سامنے آگئے

لاہور: (ویب ڈیسک) دنیا میں سب سے زیادہ معاوضہ کمانے والی اسپورٹس شخصیات میں ایک مرتبہ پھر ارجنٹائن کے عالمی اسٹار فٹ بالر لیونل میسی سب پر بازی لے گئے ہیں۔ معروف امریکی جریدے ‘فوربز’ نے 2021 کے دوران سب سے زیادہ کمائی کرنے والے 10 کھلاڑیوں کی فہرست جاری کی ہے۔ اس فہرست میں باسکٹ بال کھیلنے والے چار، فٹ بال کے تین کھلاڑی اور ٹینس، باکسنگ اور امریکی فٹ بال کھیلنے والے ایک ایک اسٹار کا نام شامل ہے۔ لیونل میسی نے ایک سال کے دوران 13 کروڑ ڈالر کمائے ۔ ان کی سالانہ آمدنی میں ساڑھے سات کروڑ ڈالر وہ تھے جو انہوں نے فٹ بال کھیل کر حاصل کیے جب کہ ساڑھے پانچ کروڑ ڈالر اسپانسر شپ سے حاصل کیے۔ اس سے قبل فوربز نے 2019 میں بھی لیونل میسی کو سب سے زیادہ کمائی کرنےوالا کھلاڑی قرار دیا تھا۔ فوربز کی فہرست میں لیونل میسی کے حریف پرتگال کے فٹ بالر کرسٹیانو رونالڈو ساڑھے 11 کروڑ ڈالر کے ساتھ تیسرے نمبر پر ہیں جب کہ برازیلین فٹ بالر نیمار ساڑھے نو کروڑ ڈالر سالانہ آمدنی کے ساتھ چوتھے نمبر پر ہیں۔ باسکٹ بال کے امریکی کھلاڑی لیبرون جیمز فٹ بالر لیونل میسی کے بعد سب سے زیادہ معاوضہ کمانے والے کھلاڑی ہیں۔ لیبرون سمیت امریکہ کے تین باسکٹ بال کے اسٹار اس فہرست میں شامل ہیں۔ اسٹیفن کیوری پانچویں اور کیرون ڈیورنٹ چھٹے نمبر پر ہیں جن کی مجموعی آمدن نو کروڑ 20 لاکھ ڈالر سے زائد ہے۔ ٹینس اسٹار راجر فیڈر نو کروڑ ڈالر کی سالانہ آمدنی کے ساتھ ساتویں نمبر پر ہیں جب کہ معمولی فرق سے میکسیکو سے تعلق رکھنے والے پروفیشنل باکسنگ اسٹار کنیلو الوریز آٹھویں نمبر پر ہیں۔ امریکن فٹ بالر ٹام بریڈی آٹھ کروڑ 90 لاکھ ڈالر کے ساتھ نویں اور یونان سے تعلق رکھنے والے باسکٹ بالر گینس اینتیتو کونپو اس فہرست میں دسویں نمبر پر ہے۔

Categories
کھیل

سابق کپتان کا سیاست میں آنے کا اعلان!!!کونسی پارٹی جوائن کریں گے؟ بڑا اشارہ دیدیا

کراچی(ویب ڈیسک) پاکستان کرکٹ ٹیم کے سابق ٹیسٹ کپتان راشد لطیف نے عملی طور پر سیاست میں آنے کا اعلان کردیا۔ راشد لطیف نے ایک انٹرویو میں کہا کہ موجودہ سیاسی حالات کو بغور دیکھ رہا ہوں، ابھی کام کرنے کی سکت ہے، کچھ کر سکتا ہوں، لہٰذا عین ممکن ہے کہ آئندہ دو سے تین سال میں آپ

مجھے سیاست میں دیکھیں۔53 سالہ راشد لطیف سے جب یہ سوال ہوا کہ وہ کس سیاسی جماعت کا حصہ بنیں گے؟ یا اپنی علیحدہ سیاسی جماعت بنانے کا ارادہ رکھتے ہیں تو ان کا کہنا تھا کہ سب جانتے ہیں، سب کو معلوم ہے کہ راشد لطیف کس سیاسی جماعت سے وابستگی رکھتا ہے، اس کے سیاسی نظریات کیا ہیں۔راشد لطیف نے مزید کہا کہ وہ پرانی جگہ اور لوگ چھوڑنے والے نہیں، وہ منشور کیساتھ چلنے والوں میں سے ہیں۔ خیال رہے کہ 1992 سے 2005 تک پاکستان کے لیے 37 ٹیسٹ اور 166 ون ڈے کھیلنے والے راشد لطیف نے حال ہی میں کشمیر پریمئیر لیگ کے ساتھ بطور ڈائریکٹر کرکٹ وابستگی اختیار کی ہے۔ انہوں نے بتایا کہ کشمیر پریمئیر لیگ کے ساتھ ان کا ایک سال کا معاہدہ ہے اور جلد وہ پاکستان سپر لیگ (پی ایس ایل) کی فرنچائز کراچی کنگز کے ساتھ دوبارہ وابستہ ہونے جارہے ہیں، جہاں وہ فرنچائز کے لیے نئے ٹیلنٹ کی تلاش اور دیگر دوسرے کاموں میں مصروف نظر آئیں گے۔دوسری جانب پاکستان سپر لیگ (پی ایس ایل) کی فرنچائز پشاور زلمی کے مالک جاوید آفریدی نے حالیہ معاشی بحران کے درمیان سری لنکا کرکٹ کو جذبہ خیر سگالی کے طور پر اسپانسر شپ کی پیشکش کی ہے ۔جاوید آفریدی نے ٹوئٹر پر بیان جاری کرتے ہوئے لکھا کہ ‘سری لنکا کے لوگ کرکٹ کو اتنا ہی پیار کرتے ہیں جتنا کہ ہم پاکستانی کرتے ہیں لیکن موجودہ صورتحال اتنی اچھی نہیں ہے جس سے لنکن کرکٹ شائقین کو تکلیف ہوئی ہوگی’۔پشاور زلمی کے مالک نے کہا کہ ‘لہٰذا میں سری لنکن کرکٹ کو عالمی کرکٹ کے میدان میں اپنی حیثیت کو برقرار رکھنے کے لیے اسپانسر کرنے کے لیے مکمل حمایت کرتا ہوں’۔

Categories
کھیل

کرکٹ کے میدانوں میں سوگ : نامور اسٹریلین کرکٹر کار حادثے میں جان بحق

میلبورن (ویب ڈیسک) کرکٹ آسٹریلیا کیلئے ایک اور بری خبر سامنے آگئی، آسٹریلین کرکٹ لیجنڈ اینڈریو سائمنڈز کار حادثے میں جان بحق ہوگئے۔امریکی میڈیا کے مطابق سابق کرکٹر اینڈریو سائمنڈز کی کار کو حادثہ ٹاونزول کے قریب پیش آیا۔آسٹریلین پولیس کا کہنا ہے کہ حادثہ رات 11بجے کے بعد ٹاونزول کے قریب پیش آیا۔

آسٹریلوی پولیس کے مطابق گاڑی میں 46 سالہ شخص سوار تھا جو زخموں کی تاب نہ لاسکا، ایک شخص نے متاثرہ شخص کو بچانے کی کوشش کی تھی۔آسٹریلین میڈیا کے مطابق اینڈریو سائمنڈز کی فیملی نے واقعے کی تصدیق کرتے ہوئے اظہار ہمدردی کرنے والوں کا شکریہ ادا کیا ہے ۔46 سالہ سائمنڈز نے 198 ون ڈے، 26 ٹیسٹ اور 14 ٹی ٹوئنٹی انٹرنیشنل میچز میں آسٹریلیا کی نمائندگی کی۔ اینڈریو سائمنڈز دو مرتبہ ورلڈ چیمپئن اسکواڈ کا حصہ بھی رہے۔انڈریو سائمنڈز شین وارن کے بعد اس سال انتقال کرجانے والے دوسرے آسٹریلوی کھلاڑی ہیں۔ واضح رہے کہ رواں سال 4 مارچ کو آسٹریلیا کے لیجنڈری لیگ اسپنر شین وارن بھی حرکت قلب بند ہوجانے کی وجہ سے انتقال کرگئے تھے۔

Categories
کھیل

مداح افسردہ : باکسر عامر خان نے رنگ کو الوداع کہہ دیا

لندن (ویب ڈیسک) پاکستانی نژاد برطانوی باکسر عامر خان نے ریٹائرمنٹ کا اعلان کر دیا۔سماجی رابطے کی ویب سائٹ ٹوئٹر پر اپنے پیغام میں باکسر عامر خان نے ریٹائرمنٹ کا اعلان اس طرح کیا کہ اب میرا گلوز اتارنے کا وقت آگیا ہے۔عامر خان نے کہا کہ مجھے اپنے 27 سالہ باکسنگ کیرئیر پر

فخر ہے۔ان کا کہنا تھا کہ اپنے مداحوں، دوستوں اور فیملی کا شکر گزار ہوں۔واضح رہے کہ باکسر عامر خان نے اپنے باکسنگ کیرئیر میں 34 فائٹس جیتیں جبکہ 6 میں انہیں شکست کا سامنا کرنا پڑا۔

Categories
کھیل

چیئرمین پی سی بی کے طور پر رمیز راجہ نے 6 ماہ میں کتنا پیسہ خرچ کیا ؟ اعداد وشمار سامنے آگئے

لاہور (ویب ڈیسک) چیئرمین پاکستان کرکٹ بورڈ (پی سی بی) رمیز راجا کے 6 ماہ کے اخراجات کی تفصیل سامنے آگئی۔پی سی بی نے اپنے چیئرمین کے 6 ماہ کے اخراجات کی تفصیل ویب سائٹ پر جاری کردی ہے۔دستاویزات کے مطابق رمیز راجا نے 6 ماہ میں 39 لاکھ 17 ہزار روپے کی رقم خرچ کی،

انہوں نے صرف وہیکل الاؤنس کی مد میں 5 لاکھ 77 ہزار روپے سے زائد رقم خرچ کی۔رمیز راجا نے 6 ماہ کے دوران موبائل، حفاظتی اقدامات اور میڈیکل کی مد میں 4 لاکھ 15 ہزار روپے لیے گئے۔دستاویزات کے مطابق اندرون ملک سفر پر 26 لاکھ 78 ہزار 985 روپے اور غیر ملکی دوروں پر 2 لاکھ 39 ہزار روپے سے زائد خرچ ہوئے۔پی سی بی حکام کے مطابق اخراجات کی تفصیلات جاری کرنا یا نہ کرنا چیئرمین رمیز راجا کا استحقاق ہے۔رمیز راجا کے اخراجات اپ ڈیٹ نہ کرنے پر گزشتہ روز میڈیا پر خبر چلی تھی، جس کے 24 گھنٹے بعد پی سی بی نے اخراجات کی تفصیل جاری کردی۔

Categories
کھیل

سرفراز کو کپتانی سے کیوں ہٹایا؟ احسان مانی نے بتا دیا

لاہور: (ویب ڈیسک) پاکستان کرکٹ بورڈ (پی سی بی) کے سابق چیئرمین احسان مانی نے عمران خان کی جانب سے پی سی بی کے فیصلوں میں مبینہ مداخلت کے دعوؤں کی وضاحت کردی۔ سابق چیئرمین پی سی بی احسان مانی نے ایک ویب سائٹ کو دیے گئے انٹرویو میں ان افواہوں کو بھی مسترد کر دیا کہ سرفراز احمد کو عمران خان کے مشورے پر ہٹایا گیا تھا۔ احسان مانی نے کہا کہ ایک بھی مثال ایسی نہیں تھی کہ عمران نے پی سی بی کے معاملات میں مداخلت کی ہو بلکہ تمام فیصلے میرٹ کی بنیاد پر کیے گئے۔ ان کا کہنا تھا کہ سرفراز کی ہی مثال لے لیں ان کی پرفارمنس گر رہی تھی اور انہیں کپتانی سے ہٹانے کا فیصلہ عمران خان کا بالکل بھی نہیں تھا ہم نے سرفراز کی جگہ رضوان کو ٹیم میں شامل کیا جو اب بھی غیرمعمولی کارکردگی دکھا رہا ہے۔ وسیم خان کو پی سی بی سیٹ اپ میں شامل کرنے کے حوالے سے بات کرتے ہوئے احسان مانی کا کہنا تھا کہ یہ ایک ضروری کام تھا کیونکہ ان کی پی سی بی پر مکمل کنٹرول برقرار رکھنے کی کوئی خواہش نہیں تھی۔ احسان مانی کا کہنا تھا کہ میں نے کئی اعلیٰ سطحی تنظیموں کے ساتھ کام کیا ہے اور مجھے پوری طرح معلوم ہے کہ کارپوریٹ گورننس کیسے کام کرتی ہے چیئرمین کا کردار بڑی تصویر سے متعلق ہے۔ ایک سمت متعین کرنا، حکمت عملی بنانا، اور کاروباری منصوبوں کی منظوری دینا۔ ان چیزوں کو نافذ کرنے کا اختیار چیف ایگزیکٹو کے پاس ہونا چاہیے۔ ان کا کہنا تھا کہ اس کے بعد وہ بورڈ کے سامنے پیش رفت کے بارے میں جوابدہ ہے جو اس نے خود بورڈ کے پیش کردہ منصوبوں کی بنیاد پر کی ہے۔