ملکی معیشت کے لیے اچھی خبریں آنا شروع۔۔۔!!! ڈالر 4 ماہ کی کم ترین سطح پر آگیا، سرمایہ کاروں میں خوشی کی لہر

کراچی (نیوز ڈیسک )روپے کے مقابلے میں ڈالر کی قدر میں کمی کا رحجان برقرار ہے۔ انٹربینک مارکیٹ میں ڈالر چار ماہ کی کم ترین سطح پر آ گیا۔تفصیلات کے مطابق کاروباری ہفتے کے پہلے روز ڈالر کی قیمت میں 15 پیسے کی واضح کمی ہوئی ہے۔ایکسچینج کمپنیسز ایسوسی ایشن کے مطابق اوپن

مارکیٹ میں ڈالر آج 155.60 روپے میں فروخت ہوا جو کہ جمعت 155.70 روپے میں دستیاب تھا۔اس بطرح انٹر بینک میں ڈالر 155.70 روپے میں فروخت ہوا۔رواں سال جون میں ڈالر 164 تک پہنچ گیا تھا اور گذشتہ چارہ ماہ کے دوران اس کی قیمت میں آٹھ روپے 40 پیسے کی کمی ہوئی۔ انٹر بینک اور مقامی اوپن کرنسی مارکیٹ میں گذشتہ ایک ہفتے کے دوران روپے کے مقابلے ڈالر کی قدر میں کمی کا رجحان رہا۔۔فاریکس ایسوسی ایشن آف پاکستان کی رپورٹ کے مطابق گذشتہ ایک ہفتے کے دوران انٹر بینک میں روپے کے مقابلے ڈالر کی قدر 7پیسے کم ہو گئی جس سے ڈالر کی قیمت خرید 155.82روپے سے کم ہو کر155.75روپے اور قیمت فروخت155.92روپے سے کم ہو کر155.85روپے ہو گئی اسی طرح مقامی اوپن کرنسی مارکیٹ میں روپے کے مقابلے ڈالر کی قدر میں 30پیسے کی کمی واقع ہوئی جس سے ڈالر کی قیمت خرید 155.80روپے سے کم ہو کر155.50روپے اور قیمت فروخت156.10روپے سے کم ہو کر155.80روپے ہو گئی ۔فاریکس ایسوسی ایشن کی ہفتہ وار رپورٹ کے مطابق زیر تبصرہ مدت میں یورو اور برطانوی پونڈ کی قدر میں بالترتیب 50،50پیسے کا اضافہ ریکارڈ کیا گیا جس سے یورو کی قیمت خرید 172.50روپے سے بڑھ کر173روپے اور قیمت فروخت174.50روپے سے بڑھ کر175روپے ہو گئی اسی طرح برطانوی پونڈ کی قیمت خرید 199.50ورپے سے بڑھ کر200روپے اور قیمت فروخت201.50روپے سے بڑھ کر202روپے کی بلند سطح پر جا پہنچی ۔