معیشت سنبھل گئی۔۔۔ پاکستانی روپے نے ڈالر کو بلآخر شکست دیدی

کراچی (ویب ڈیسک) روپے نے ڈالر کو لگام ڈال ہی دی، کاروباری ہفتے کے تیسرے روز اوپن مارکیٹ میں ڈاکی کی قیمت میں 5 پیسے کی کمی ہو ئی ہے، کمپنیز ایکسچینج اور اوپن مارکیٹ میں آج ڈالر کا ریٹ 156.15 روپے پر فروخت ہو رہا ہے جو گزشتہ روز 156.20 روپے تھا۔

تفصیلات کے مطابق کمپنیز ایکسچینج ایسوسی ایشن کے مطابق اوپن مارکیٹ میں ڈالر آج 156.15 روپے میں فروخت ہورہا ہے جو گزشتہ روز 156.20 روپے میں ٹریڈ کر رہا تھا۔ اسی طرح انٹر بینک میں ڈالر 156.10 روپے میں فروخت ہورہا ہے۔2019 میں بھی ڈالر کی قیمت میں روپے کے مقابلے میں پیش رفت جاری رہی۔ جنوری میں ڈالر 138 روپے93 پیسے، فروری میں 138 روپے 90 پیسے اور مارچ میں 139 روپے10 پیسے پر ٹریڈ کررہا تھا۔ اپریل 2019 میں ڈالر چھلانگ لگا کر 141 روپے 50 پیسے پر آگیا۔ مئی میں 151 روپے اور جون میں تاریخ کی بلند ترین سطح 164روپے پر پہنچ گیا۔ جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔ اگست 2019 میں روپے نے ڈالر کا جم کر مقابلہ کیا اور ڈالر 157.20 روپے تک پہنچ گیا۔ ستمبر 2019 کے اختتام پر ڈالر کی قیمت میں مزید کمی واقع ہوئی اور یہ 156.40 روپے پر پہنچ گیا۔