اسمبلیاں 12 اگست کو تحلیل ہونگی مگر الیکشن کب ہونگے؟ اہم خبر

اسلام آباد( ویب ڈیسک) تازہ ترین خبروں کے مطابق الیکشن کمیشن آف پاکستان  نے واضح کردیا ہے کہ اگر 12 اگست کو اسمبلیاں تحلیل ہو گئیں تو 11 اکتوبر سے پہلے انتخابات منعقد ہو جائیں گے ۔

الیکشن کمیشن آف پاکستان کے اسپیشل سیکرٹری ظفر اقبال نے کہا ہے کہ 12 اگست کو مدت مکمل ہونے پر  اگر قومی و صوبائی اسمبلیاں تحلیل ہو گئیں تو 11 اکتوبر سے پہلے انتخابات منعقد کروا دیے جائیں گے ۔ ایک میڈیا بریفنگ کے دوران ظفر اقبال کا کہنا تھا کہ عام انتخابات پرانی حلقہ بندیوں پر ہونگے الیکشن کے لیے واٹر مارک والا پیپر خرید لیا گیا ہے  تمام اداروں سے الیکشن کمیشن رابطے میں ہے ۔ افسران کے حوالے سے عدلیہ سے رجوع کر لیا ہے اور الیکشن کمیشن الیکشن کے لیے مکمل طور پر تیار ہے ۔