Categories
پاکستان

کاش عمران خان کو قائداعظم کا وہ فرمان بھی یاد آجاتا کہ ۔۔۔۔ مریم نواز نے عمران خان کو طعنہ دے ڈالا

لاہور(ویب ڈیسک) پاکستان مسلم لیگ (ن) کی نائب صدر مریم نواز نے سابق وزیر اعظم عمران خان کے قائد اعظم کے خطاب سے متعلق ٹوئٹ پر ردعمل کا اظہار کیا ہے۔ تفصیلات کے مطابق سماجی رابطوں کی ویب سائٹ پر جاری پیغام میں مریم نواز شریف نے کہا ’ آپ کی یادداشت 2018ءتک نہیں جاتی؟

جب آپ نے چند افسران کے ساتھ مل کر نواز شریف کے خلاف سازش کی، عوام کے مینڈیٹ پر دھاوا بولا ، ان افسران کو متنازعہ بنایا اور ان کے مستقبل تباہ کئے؟ قائداعظم کا یہ فرمان اس وقت یاد نہیں آیا؟ آپ کی سیاست آپ کے ہاتھ آنکھیں اور کانوں کی رخصتی کے ساتھ دفن ہو گئی۔‘ واضح رہے کہ پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے اپنے ایک بیان میں جنرل سید عاصم منیر کو آرمی چیف بننے پر مبارکباد پیش کرتے ہوئے کہا تھا کہ امید ہے نئی لیڈرشپ گزشتہ 8 ماہ میں قوم اور ریاست کے درمیان پیدا ہونے والی اعتماد کی کمی کو ختم کرنے کیلئے کام کرے گی۔‘