حیران کن انکشاف

راولپنڈی (ویب ڈیسک) اسلام آباد میں سفاکی سے اپنی بیوی کو زندگی سے محروم کرنے والے سینئر صحافی ایاز امیر کے بیٹے شاہ نواز اور بہو سارہ کے حوالے سے مزید انکشافات سامنے آئے ہیں۔ذرائع کے مطابق ملزم شاہ نواز اور سارہ کا 18 جولائی کو چکوال میں نکاح ہوا تھا،

Almarah Advertisement

ملزم شاہ نواز کسی بھی قسم کا کاروبار یا نوکری نہیں کرتا تھا اور چکوال میں وراثتی دکانوں کے کرائے پر زندگی گزار رہا تھا۔ذرائع کا کہنا ہے کہ ملزم شاہ نواز کی پہلی بیوی نے شادی کے چند دن بعد ہی علیحدگی اختیار کر لی تھی، ملزم کی دوسری بیوی بھی شادی کے 6 ماہ بعد اسے چھوڑ گئی تھی۔ملزم شاہ نواز نے اے لیول میں مسلسل فیل ہونے کے بعد تعلیم ادھوری چھوڑ دی تھی، سارہ کے خاندان کو حال ہی میں اس کی شادی کا معلوم ہوا تھا۔ سارہ اور شاہ نواز کی باضابطہ شادی اور رخصتی کی بات دونوں خاندانوں میں چل رہی تھی۔ذرائع کے مطابق سارہ کے والد کینیڈا سے پاکستان پہنچیں گے، جبکہ تدفین تک سارہ کی میت پولی کلینک کے سرد خانے میں رہے گی۔واضح رہے کہ اسلام آباد پولیس نے سینئر صحافی ایاز امیر کو بھی ان کی بہو سارہ انعام کے کیس میں گرفتار کر لیا ہے۔مقامی عدالت نےملزم شاہ نواز کے والد ایاز امیر اور ان کی سابقہ اہلیہ کے وارنٹ گرفتاری جاری کیے تھے۔سارہ کے چچا نے ایاز امیر اور ان کی سابقہ اہلیہ پر سارہ کو زندگی سے محروم کروانے کا الزام لگایا تھا۔ذرائع کے مطابق ملزم شاہ نواز نے اپنی اہلیہ کو اپنی دیگر 2 شادیوں کے بارے میں نہیں بتایا تھا، وہ بیرونِ ملک مقیم سارہ سے حیلے بہانوں سے پیسے بھی منگواتا تھا، سارہ نے رقم کا تقاضہ کیا تو ملزم نے طیش میں آ کر بڑی سفاکی سے اسے زندگی سے محروم کر دیا۔