آپ قومی اسمبلی میں واپس چلے جائیں کیونکہ ۔۔۔۔ سپریم کورٹ آف پاکستان کا تحریک انصاف والوں کو مشورہ

اسلام آباد (ویب ڈیسک) پاکستان تحریکِ انصاف کے قومی اسمبلی سے مرحلہ وار استعفوں کی منظوری کے خلاف درخواست کی سماعت کے دوران سپریم کورٹ نے ایک بار پھر پی ٹی آئی کو قومی اسمبلی میں واپسی کا مشورہ دے دیا۔چیف جسٹس پاکستان عمر عطاء بندیال کی سربراہی میں 2 رکنی بینچ نے

Almarah Advertisement

پی ٹی آئی کی درخواست کی سماعت کی۔چیف جسٹس پاکستان عمر عطاء بندیال نے ریمارکس دیے کہ عوام نے آپ کو 5 سال کے لیے منتخب کیا، پی ٹی آئی پارلیمنٹ میں اپنا کردار ادا کرے۔چیف جسٹس نے کہا کہ کروڑوں افراد اس وقت سیلاب سے بے گھر ہو چکے ہیں، ملک کی معاشی حالت بھی دیکھیں، پی ٹی آئی کو اندازہ ہے کہ 123 نشستوں پر ضمنی انتخابات کے کیا اخراجات ہوں گے؟چیف جسٹس پاکستان نے کہا کہ چیف جسٹس اسلام آباد ہائی کورٹ اطہر من اللّٰہ نے گہرائی سے قانون کا جائزہ لے کر فیصلہ دیا، اسپیکر کے کام میں اس قسم کی مداخلت عدالت کے لیے کافی مشکل کام ہے۔عدالت نے قرار دیا کہ اسپیکر کے مرحلہ وار استعفے منظور کرنے کی قانونی حیثیت ہے، بظاہر اسپیکر کے اختیار میں مداخلت سے آرٹیکل 69 متاثر ہو سکتا ہے، عدالت کو مطمئن کریں کہ ہائی کورٹ کے حکم میں کیا کمی ہے۔چیف جسٹس پاکستان کی سربراہی میں 2 رکنی بینچ نے سماعت غیر معینہ مدت کے لیے ملتوی کر دی۔