Categories
کھیل

کرکٹ میں نیا فارمیٹ “سکس ٹی ” متعارف کروا دیا گیا ، اس فارمیٹ کے حوالے سے چند دلچسپ معلومات جانیے

لاہور (ویب ڈیسک) کرکٹ ویسٹ انڈیز (سی ڈبلیو آئی) نے ٹی 10 کرکٹ کا نیا فارمیٹ ’6 ٹی‘ (Sixty) متعارف کروادیا۔ سی ڈبلیو آئی کا کہنا ہے کہ 10، 10 اوورز فی اننگز کے اس نئے فارمیٹ سے کھیل میں مزید تیزی آئے گی۔ کرکٹ ویسٹ انڈیز نے 6 ٹی کے دلچسپ قوانین جاری کردیے،

60 بالز فی اننگز کے میچ میں چَھٹی وکٹ گرنے پر اننگز تمام ہوجائے گی۔ 10 اوورز میں سے 2 پاور پلے اوور ہوں گے، پہلی 12 گیندوں پر دو چھکے لگا کر تیسرا پاور پلے اوور لیا جاسکتا ہے ۔ اننگز کی پہلی 30 گیندیں ایک اینڈ سے پھر دوسری 30 گیندیں اگلے اینڈ سے ہوں گی۔اگر مقررہ وقت تک 54 گیندیں نہ کروائی گئیں تو آخری 6 گیندوں کے لیے ایک فیلڈر کم ہوگا۔فینز ’مسٹری فری ہٹ‘ کے لیے ووٹ کریں گے، اس گیند پر بیٹر کو آؤٹ نہیں کیا جاسکے گا۔ویسٹ انڈیز میں ’6 ٹی‘ کا پہلا ایڈیشن 24 سے 28 اگست تک ہوگا، ایونٹ میں 6 ٹیمیں شریک ہوں گی۔کرکٹ ویسٹ انڈیز نے اعلان کیا ہے کہ ایونٹ میں دنیا بھر سے کھلاڑی ایکشن میں نظر آئیں گے۔