عوام کے لئے خوشخبری!!! کم آمدن والوں کے لئے بڑے پیکیج کا اعلان

کراچی: (ویب ڈیسک) سندھ حکومت نے آئندہ مالی سال کے بجٹ میں کم آمدن والے طبقے، کسانوں اور طلبا کے لیے ریلیف پیکج کا اعلان کیا ہے۔ سندھ حکومت آئندہ مالی سال کسانوں کو کھاد، بیجوں اور زرعی ادویات کی خریداری پر 3ارب روپے کی سبسڈی فراہم کرے گی۔ غریب گھرانوں کو مویشی پالنے پر

تفصیلات کے مطابق سندھ حکومت نے آئندہ مالی سال کے بجٹ میں کم آمدن والے طبقے، کسانوں اور طلبا کے لیے ریلیف پیکج کا اعلان کیا ہے۔ سندھ حکومت آئندہ مالی سال کسانوں کو کھاد، بیجوں اور زرعی ادویات کی خریداری پر 3ارب روپے کی سبسڈی فراہم کرے گی۔ غریب گھرانوں کو مویشی پالنے پر 5 کروڑ روپے، ماہی گیری کے فروغ پر 50کروڑ روپے کی سبسڈی دی جائے گی۔ زراعت پیشہ خواتین کیلیے بے نظیر ویمن ایگری کلچر ورکر پروگرام سے 50کروڑ روپے کی معاونت دی جائے گی۔ خصوصی افراد کو بااختیار بنانے پر 25کروڑخرچ ہوں گے۔ سندھ پیپلز سپورٹ پروگرام کے لیے بجٹ میں 15ارب روپے مختص کیے گئے ہیں۔ اولڈ ایج ہومز کی تعمیر نو پر 10کروڑ روپے، یتیم خانوں کی بہتری پر 10کروڑ روپے خرچ ہوں گے۔ آئندہ مالی سال سندھ حکومت باصلاحیت طلبا کو 1.2ارب روپے کے وظائف دے گی۔ حکومت سندھ نویں سے بارہویں جماعت تک رجسٹریشن، انرولمنٹ اور سالانہ فیس کی مد میں 2 ارب روپے کی معاونت فراہم کرے گی۔ سندھ میں صحت، زراعت اور تعلیم کے شعبوں کے لیے ڈیجیٹل پلیٹ فارم مہیا کرنے پر 50کروڑ روپے خرچ ہوں گے۔ بے نظیر ہاؤسنگ سیل کے تحت مستحق گھرانوں کی رہائشی سہولت کے لیے 2ارب روپے مختص کیے گئے ہیں۔ خیال رہے گزشتہ روز وزیر اعلیٰ سندھ نے صوبے میں سرکاری ملازمین کی تنخواہ میں 15فیصد ایڈہاک ریلیف الاؤنس کا اعلان کیا، ان کا کہنا تھا کہ پولیس کانسٹیبل کا گریڈ 5 سے اپ گریڈ کرتے ہوئے7 گریڈ کررہے ہیں، گریڈ ایک سے 16 کے سرکاری ملازمین کی بنیادی تنخواہ میں 33 فیصد اضافہ اور گریڈ 17 سے اوپر کے سرکاری ملازمین کے لیے 30 فیصد اضافہ کررہے ہیں، پنشن میں بھی 5 فیصد اضافہ کر رہے ہیں، اس وقت گریڈ ایک سے لے کر گریڈ 22 تک سندھ میں ملازمین کی پنشن باقی چاروں صوبوں اور وفاق سے زیادہ ہے، اضافے کے باوجود وفاق یا کسی صوبے میں تنخواہ اور پنشن زیادہ ہوئی تو ان کے برابر لائیں گے۔