ممنوعہ فنڈنگ کیس میں پی ٹی آئی کی بڑی کامیابی !!! بڑا مطالبہ مان لیا گیا

اسلام آباد(نیوز ڈیسک)ممنوعہ فنڈنگ کیس: پی ٹی آئی کو بڑی کامیابی مل گئی، بڑا مطالبہ مان لیا گیا۔تفصیلات کے مطابق الیکشن کمیشن نے پی ٹی آئی ممنوعہ فنڈنگ کیس کی سماعت کی، سماعت کے آغاز پر وکیل پی ٹی آئی انور منصور نے کمیشن کو آگاہ کیا کہ آج کی کاز لسٹ میں بھی فارن فنڈنگ لکھا ہوا ہے، ہمارا پہلے دن سے مؤقف ہے

کیس ممنوعہ فنڈنگ کا ہے فارن فنڈنگ کا نہیں۔چیف الیکشن کمشنر نے پی ٹی آئی ممنوعہ فنڈنگ کیس کو فارن فنڈنگ کیس نہ لکھنے کا حکم دیدیا۔چیف الیکشن کمشنر کا کہنا تھا کہ آپکا موقف درست ہے تب ہی ہدایات جاری کی ہیں،آئندہ کیس کو فارن فنڈنگ کیس نہ لکھا جائے۔انور منصور نے کہا کہ تحریک انصاف نے اکاؤنٹس میں ممنوعہ فنڈنگ کو قبول نہیں کیا، پارٹی اکاؤنٹس میں ممنوعہ فنڈنگ آئی بھی ہے تو واپس کردی گئی،جس اکاؤنٹ سے پیسے آئے تھے واپس کر دیئےتھے۔دلائل دیتے ہوئےانورمنصور خان کا مزید کہا کہ اس کیس میں الیکشن ایکٹ نہیں بلکہ پولیٹیکل پارٹیز آرڈر 2002لاگو ہوگا کیونکہ پی پی او کےتحت غیر ملکی حکومت،ملٹی نیشنل ،مقامی کمپنیاں آتی ہیں جبکہ الیکشن ایکٹ2017میں پاکستانیوں کے علاوہ کسی سے بھی فنڈز لینےپر ممانعت ہے۔الیکشن کمیشن آف پاکستان نے کیس کی سماعت پیر 20 جون تک ملتوی کر دی۔