Categories
اسپیشل سٹوریز

ڈالر کی قیمت 160 روپے کرنے کی بھر پور کوشش۔۔۔۔۔۔ اسحاق ڈار کا اہم بیان سامنے آگیا

لندن ( ویب ڈیسک ) مسلم لیگ ( ن ) کے سینیٹر اور سابق وزیر خزانہ اسحٰق ڈار نے کہا ہے کہ وہ بہت جلد پاکستان جائیں گے جبکہ پاکستان کی معشیت کی بہتری کے لیے لندن سے حکومت کو مشورے دے رہا ہوں۔نجی ٹی وی کے پروگرام میں گفتگو کرتے ہوئے سابق وزیر خزانہ اسحٰق ڈار

نے کہا مسلم لیگ ( ن ) نے جب حکومت چھوڑی تھی تو پاکستان کی معیشت تاریخ کی بلند ترین سطح پر تھی، پی ٹی آئی کو ایک مستحکم معیشت ملی تھی لیکن پی ٹی آئی نے اپنی نااہلی سے ملک کی معیشت کو سخت نقصان پہنچایا۔انہوں نے کہا کہ ہماری حکومت مسائل پر قابو پانے کی کوشش کر رہی ہے لیکن اچانک کچھ نہیں ہو سکتا کہ پلک جھپکتے ہی سب ٹھیک ہوجائے، ہمارا مقصد مہنگائی روکنا ہے، پیٹرولیم مصنوعات کی قیمتوں سے متعلق اتحادیوں سے بات چیت شروع کردی ۔میں انشاء اللّٰہ جلد پاکستان آؤں گا، کوشش ہے ڈالر 160 روپے پر لے آئیں۔