معشیت کی ابتر صورتحال!! بزنس کمیونٹی نے شہباز حکومت کو خط لکھ کر بڑا مطالبہ کر دیا
لاہور: (ویب ڈیسک) ایف پی سی سی آئی نے حکومت سے شرح سود میں کمی کا مطالبہ کردیا اور کہا تحریک انصاف کی حکومت جاتے جاتے شرح سود میں ڈھائی فیصد اضافہ کرگئی۔ تفصیلات کے مطابق ایف پی سی سی آئی نے وزیراعظم شہبازشریف کو خط لکھ دیا ، جس میں شرح سود میں کمی کا مطالبہ کیا ہے۔ خط میں کہا گیا ہے کہ شرح سود میں اضافے سے پیداواری لاگت بڑھ گئی ہے، تحریک انصاف کی حکومت جاتےجاتےشرح سود میں ڈھائی فیصد اضافہ کرگئی، ایف پی سی سی آئی کا کہنا تھا کہ شرح سودمیں اضافہ کرتے وقت زمینی حقائق کو مدنظر نہیں رکھا گیا۔ دوسری جانب حکومتی ذرائع نے بتایا کہ آئندہ مانیٹری پالیسی میں کچھ نہ کچھ ریلیف دینےکی کوشش کریں گے، فیڈریشن اور چیمبرز صنعتی پہیہ تیز کرنے کا وعدہ کریں اور مصنوعی مہنگائی کی شرح میں کمی میں حکومت کاساتھ دیں۔ ذرائع کا کہنا ہے کہ صنعت کاروں تاجروں نےحکومت کو مہنگائی کمی کایقین دلایاہے، حکومت کاروبار چلانے میں ہرممکن تعاون کرے گی پاکستان میں اس وقت شرحِ سود خطےمیں سب سے زیادہ ہے۔