اکثر افراد اپنی گاڑیوں کے پیچھے بندر کیوں لٹکاتے ہیں؟ ایسی وجہ جانیں جو آپ نے پہلے کبھی نہیں سُنی ہو گی

لاہور: (ویب ڈیسک) آپ نے سڑک پر بے شمار گاڑیاں گزرتے دیکھی ہوں گی اور اکثر گاڑیوں کے پیچھے بندر بھی لٹکے دیکھے ہوں گے، مگر کیا آپ نے کبھی سوچا کہ آخر لوگ اپنی گاڑیوں کے پیچھے روئی اور کپڑے سے بنا کوئی کھلونا یا بندر کیوں لٹکاتے ہیں؟ نہیں! چلیں تو آج ہم آپ کو اس بارے میں کچھ ایسی باتیں بتاتے ہیں جو آپ نے پہلے کبھی نہیں سُنی ہوں گی۔ دراصل گاڑی کے پیچھے بندر لٹکانے کی اصل بنیاد امریکہ سے شروع ہوئی، جہاں پر اگر کسی گاڑی سے روڈ پر ایکسیڈنٹ ہوتا تھا تو لوگ اپنی اُس گاڑی پر بندر یا اس طرح کا کوئی اور کھلونا لٹکا لیتے تھے۔ اِن لوگوں کا ماننا تھا کہ اِن کی گاڑی سے جن لوگوں کا ایکسیڈنٹ ہوا اور اِس دوران اگر وہ مر گئے تو اُن مردہ لوگوں کی روحیں اِس کھلونے سے کھیلیں گی اور انہیں معاف کر دیں گی۔ یہ لوگ اِس طرح گاڑی کے پیچھے بندر لٹکانے سے اپنے دل کو تسلّی دیتے ہیں، مگر دیکھتے ہی دیکتے یہ فیشن پوری دنیا میں پھیلتا گیا اور لوگوں نے اِسے کاپی کرنا شروع کر دیا۔ تاہم یہ فیشن پاکستان میں بھی اتنا کاپی ہوا کہ اب یہ یہاں بھی عام ہو گیا ہے، مگر اس کی اصل وجہ کسی کو معلوم ہی نہیں ہے۔ لیکن بحیثیتِ مسلمان ہم اس طرح کی باتوں پر ہرگز یقین نہیں رکھتے البتہ پاکستان میں بندر یا کوئی اور کھلونا گاڑی کے پیچھے لٹکانا یا رکھنا صرف ایک فیشن کی حد تک ہی محدود ہے، تاہم اسے دوسری گاڑیوں سے مختلف نظر آنے یا بچوں کو مانوس کرنے کے لئے استعمال کیا جاتا ہے۔