اس درخت سے ہر سال پانی کیوں برسنے لگتا ہے؟ پراسرار درخت کا راز۔۔۔۔ جسے آپ نے پہلے کبھی نہیں سنا ہوگا

لاہور: (ویب ڈیسک) یہ تو دیکھا اور سنا ہے کہ درخت پھل دیتے ہیں لیکن قدرت کا کرشمہ یہ بھی ہے کہ یورپ کے ایک ملک مونٹی نیگرو میں پانی برسانے والا درخت بھی موجود ہے۔ جی ہاں مونٹی نیگرو کے ایک گاؤں میں ایک ایسا درخت بھی موجود ہے جو ہر سال پانی برساتا ہے۔ ایسا کیوں ہوتا ہے؟ آئیے جانتے ہیں۔ درخت کے چشمہ بننے کی وجہ: مقامی افراد اور ماہرین کا کہنا ہے کہ صدیوں پرانے اس درخت کے نیچے ایک چشمہ موجود ہے۔ سردی کا موسم جب ختم ہوتا ہے اور بارش ہوتی ہے تو چشمے میں طغیانی آجاتی ہے جس کا نتیجہ یہ ہوتا ہے کہ پانی درخت کے تنے سے ہوتا ہوا اوپر چڑھ جاتا ہے اور پھر نیچے بہنے لگتا ہے۔ یہ منظر صرف ایک دو دن کے لئے ہی دیکھنے کو ملتا ہے جس سے سیاح لطف اندوز ہوتے ہیں۔