اسلام آباد (نیوز ڈیسک )ترین گروپ کے اراکین نے جہانگیر ترین کو کھل کر عمران خان کو بے نقاب کرنے کا مشورہ دیدیا ہے ۔نجی ٹی وی” دنیا نیوز “کے مطابق ترین گروپ کے رہنما راجہ ریاض کا کہناتھا کہ آئندہ ہفتے ترین گروپ کا لاہور میں اجلاس طلب کرنے کا فیصلہ کیا ہے ، اجلاس میں سیاسی فیصلے ، آئندہ کے لائحہ عمل کا اعلان کیا جائے گا ، ترین گروپ
سیاست میں فعال کردار ادا کر رہاہے۔جہانگیر ترین کی صحت بہتر ہے اور آئندہ ہفتے سیاسی سرگرمیاں شروع کر دیں گے ۔ جہانگیر ترین کی قیادت میں گروپ کا اجلاس آئندہ ہفتے بلانے کا فیصلہ کیا گیاہے ۔دوسری جانب جہانگیر ترین گروپ نے ن لیگ میں شمولیت پر غور شروع کردیا ۔تفصیلات کے مطابق جہانگیر ترین نے ن لیگ میں شمولیت کافیصلہ۔حمزہ شہباز کو ووٹ دینے والے ترین گروپ کے ایم پی ایز کا بھی ن لیگ میں شمولیت پر غورکررہے ہیں ۔ملتان سے تعلق رکھنے والے سلمان نعیم کی بھی ن لیگ میں شمولیت متوقع ہے تاہم راجہ ریاض نے تاحال شمولیت سے متعلق فیصلہ نہ کیا۔ ذرائع کے مطابق جہانگیر خان ترین (جے کے ٹی) ایک ہفتے کے اندر باضابطہ طور پر مسلم لیگ ن میں شامل ہو جائیں گے۔تاہم جہانگیر خان ترین کے میڈیا ایڈوائزر برائے جنوبی پنجاب غضنفر ریحان نے کہا کہ ترین کی مسلم لیگ ن میں شمولیت کی خبروں میں کوئی صداقت نہیں۔یاد رہے کہ عمران خان نے بیان دیتے ہوئے کہا کہ دونوں رہنماؤں کی پی ٹی آئی کے لیے بہت جدوجہد ہے، دونوں 11 سال قبل پارٹی میں آئے۔انہوں نے کہا کہ جہانگیر ترین پر چینی کمیشن بنانے پر اختلافات شروع ہوئے جب کہ علیم خان نے دریائے راوی میں 300 ایکڑ اراضی لے لی اور اس کو قانونی قرار دلوانا چاہتے تھے۔ان کا کہنا تھا کہ ان دونوں کے لیے کرپشن اہمیت نہیں رکھتی اس لیے یہ لوگ( ن) لیگ کے ساتھ جا کر بیٹھ گئے ۔اگر ان دونوں افراد کا میرا والا نظریہ ہوتا تو آج میرے ساتھ ہوتے۔علیم خان پر نیب کے بھی کیسز تھے جب کہ ان کا نام پنڈورا باکس میں بھی آیا تھا۔