سرگودھا کے قصبہ ساہیوال کے گائوں نوشہراں کھوکھراں میں نوجوان بیٹے نے بیوی کے کہنے پر حقیقی باپ کو پاگل کہہ کر گھر سے نکال باہر کیا جو لوگوں کے رحم وکرم پر زندگی گزرنے پر مجبور ہو گیا۔زرائع کے مطابق سرگودھا جھنگ روڈ کے قصبہ ساہیوال کے نوشہراں کھوکھراں کے نوجوان احمد شیر نے اپنے سگے باپ محمد عبداللہ کو پاگل کہہ کر گھر سے نکال باہر کیا جو لوگوں کے رحم وکرم پر زندگی گزرانے پر مجبور ہو گیا
جس نے میڈیا سے گفتگو کرتے ہوئے کہا کہ بتایا کہ وہ زمیندارہ کرتا اور اپنے بیٹے احمدشیر کی شادی بڑی دھوم دھام سے کرتے ہوئے اپنا رقبہ بیٹے کے نام کروا دیا اب میرے بیٹے احمد شیر نے بیوی کے ساتھ مل کر مجھے گھر سے نکال دیا اور ساری پراپرٹی پر قابض ہو گیا جبکہ بہو کا کہنا ہے تم پاگل ہو اس لئے بیٹیوں کے گھر جا کر رہو ،بوڑھے زمیندار محمد عبداللہ کا روتے ہوئے کہنا تھا کہ میں اپنی بیٹیوں کے گھر رہنے کی بجائے اللہ تعالیٰ سے موت کی دعا کو ترجیح دوں گا۔اس نے ڈپٹی کمشنر اور ڈی پی او سے اپیل کی کہ واقعہ کا نوٹس لیکر داد رسی کرتے ہوئے بیٹے اور بہو کے ظلم سے بچایا جائے اورمیرا رقبہ مجھے واپس دلوانے کے اقدامات کئے جائیں۔