جہاں جاؤ گے یہی استقبال ہوگا!!! ویناملک حکومت کیخلاف کھل کر سامنے آگئیں

لاہور: (ویب ڈیسک) پاکستان شوبز انڈسٹری کی بولڈ اور متنازع اداکارہ و میزبان وینا ملک موجودہ حکومت کے خلاف کھل کر سامنے آگئیں۔ وینا ملک نے گزشتہ روز حکومتی وفد پر مسجد نبویﷺمیں ہونے والی نعرے بازی کے واقعے پر اپنا ردعمل دیتے ہوئے کئی ٹوئٹس کی ہیں۔ایک ٹوئٹ میں انہوں نے کہاکہ جہاں جاؤ گے یہی استقبال ہوگا۔اداکارہ و میزبان نے ایک اور ٹوئٹ میں وفاقی وزیر اطلاعات مریم اورنگزیب کی ویڈیو شئیر کی اور ساتھ کیپشن میں لکھا کہ ڈوب کے مر جانا چاہیے ایسی ذلت اُٹھانے سے۔وینا ملک نے ایک اور ٹوئٹ میں اپنی ذاتی رائے کا اظہار کرتے ہوئے کہاکہ حق اور سچ کہنا ہر جگہ افضل ہے اور مسجدِ نبوی میں تو سچ ہی بولا گیا ہے، ہمت ہے تو پھر جاؤ اس سے بھی ذیادہ اچھا استقبال ھوگا۔واضح رہے کہ گزشتہ روز وزیراعظم شہبازشریف 13 رکنی وفد کے ہمراہ سعودی عرب کے 3 روزہ سرکاری دورے پر مدینہ منورہ پہنچے۔اس مو قع پر جب وزیر اعظم اور ان کا وفد روضہ رسول ﷺپر حاضری دینے پہنچا تو مسجد نبوی ﷺ کے احاطے میں کچھ افراد نے نعرہ بازی شروع کردی۔سوشل میڈیا پر وائرل ہونے والی ویڈیوز میں دیکھا جا سکتا ہے کہ کچھ افراد مریم اورنگزیب اور شازین بگٹی کو گھیرتے ہوئے ان کے خلاف چور ،چورکے نعرے لگا رہے ہیں۔