گورنر پنجاب کی طبیعت بگڑ گئی! اچانک کہاں منتقل کر دیا گیا؟
لاہور(مانیٹرنگ ڈیسک)گورنر پنجاب عمر سرفراز چیمہ کی طبیعت ناساز،ہسپتال منتقل کر دیا گیا ۔میڈیا رپورٹس کے مطابق گورنر پنجاب کے خاندانی ذرائع کا بتانا ہے کہ عمر سرفراز چیمہ کی طبیعت سحری کے وقت خراب ہوئی جس کے فوری بعد ان کے سٹاف کو اطلاع دی گئی۔عمر سرفراز چیمہ کو فوری طور پر سروسز ہسپتال منتقل کیا
گیا جہاں ڈاکٹرز نے انھیں ڈائریا تشخیص کیا جس کے بعد انہیں ڈرپ لگی ہوئی ہے۔ذرائع کا بتانا ہے کہ گورنر عمر سرفراز چیمہ کا سروسز ہسپتال میں طبی معائنہ جاری ہے اور ان کے مختلف ٹیسٹ کیے جا رہے ہیں تاہم ان کی صحت کے حوالے سے خطرے کی کوئی بات نہیں۔