مراسلے میں کیا کیا لکھا تھا؟؟شیری مزاری پھٹ پڑیں،لفظ با لفظ بتا دیا

اسلام آباد(ویب ڈیسک) پاکستان تحریک انصاف کی مرکزی رہنما اور سابق وفاقی وزیر شیریں مزاری نے ایک بار پھر عمران خان کی حکومت کو گرانے میں امریکا کو ملوث قرار دیدیا۔ سوشل میڈیا پر وائرل ایک ویڈیو میں شیریں مزاری کو ایک انٹرویو کے دوران مبینہ امریکی مراسلے سے متعلق گفتگو کرتے سنا جا سکتا ہے۔

شیریں مزاری کہتی ہیں کہ اب میں سائفر میں جو الفاظ تھے وہ کوڈ کروں گی، If prime minister Imran Khan is not removed, he will become isolated with the US and we will have to take the issue head on. اس جملے کی وضاحت کرتے ہوئے شیریں مزاری کہتی ہیں کہ اب یہ دھمکی نہیں ہے ایک جمہوری طور پر منختب حکومت کو ہٹانے کی تو اور کیا ہے کہ اگر عمران خان کو نہیں ہٹایا گیا تو ہم خود ایکشن لیں گے۔ شیریں مزاری سائفر سے متعلق مزید کہتی ہیں کہ However, if the vote of no confidence succeeds, all will be forgiven. اس بارے میں شیریں مزاری نے وضاحت دیتے ہوئے کہا کہ یعنی انہیں پہلے سے پتہ تھا کون سی حکومت آئے گی ان کی کیا پالیسیز ہوں گی اور معافی کس چیز کی؟ سابق وفاقی وزیر کا کہنا تھا یہ سائفر واضح کرتا ہے کہ امریکا نے دباؤ ڈالا اور سوال اٹھتا ہے کہ اس وقت وزیراعظم تو عمران خان تھے تو یہ پیغام کس کو بھیج رہے تھے؟ یاد رہے کہ گزشتہ روز وزیراعظم شہباز شریف کی زیر صدارت ہونے والی قومی سلامتی کمیٹی کے اعلامیے میں واضح طور پر کہا گیا ہے کہ سابق حکومت کو گرانے کے لیے امریکی سازش کے کوئی ثبوت سامنے نہیں آئے۔