اسلام آباد(ویب ڈیسک) جمہوریہ چیک کی ماڈل ٹیریزا کو سپریم کورٹ سے بڑا ریلیف مل گیا، عدالت نے ہیروئین سمگلنگ کیس میں کسٹمز کی اپیل ابتدائی سماعت کے بعد خارج کردی ہے ۔ تفصیلات کے مطابق عدالت عظمیٰ میں ٹیریزا کی بریت کے خلاف کسٹمز کی اپیل کی سماعت ہوئی،
جسٹس اعجازالاحسن نے استفسار کیا کہ کیا ہیروئن سیمپل قانون کے مطابق لیب بھیجے گئے تھے؟۔وکیل کسٹمز نے استدعا کی کہ ٹرائل کورٹ نے سیمپلز کی ترسیل درست قرار دی تھی، ٹیریزا نے 23 اپریل کو چیک ری پبلک واپس جانا ہے، عدالت ماڈل ٹیریزا کا نام سٹاپ لسٹ میں ڈالے۔ جسٹس اعجاز الاحسن نے کہا کہ کیس بنتا ہوگا تو ہی نام سٹاپ لسٹ میں شامل کریں گے، اسلام آباد ہائیکورٹ کا ملزمہ کی بریت کا فیصلہ درست ہے۔ سپریم کورٹ نے کسٹمز کی اپیل خارج کردی۔واضح رہے کہ جمہوریہ چیک کی ماڈل ٹیریزا کو ہیروئن بیرون ملک لیجاتے ہوئے گرفتار کیا گیا تھا۔