شہباز شریف کا حکومتی بہتری کے لیے بڑا قدم،صدر مملکت ڈاکٹر عارف علوی سے ملنے کا فیصلہ

اسلام آباد(ویب ڈیسک)وزیراعظم شہباز شریف آج ایوان صدر مملکت ڈاکٹر عارف علوی سے ملاقات کریں گے۔ ذرائع کے مطابق وزیراعظم شہباز شریف دوپہر 2 بجے صدر عارف علوی سے ملاقات کریں گے۔ ذرائع کا بتانا ہے کہ وزیراعظم ملاقات میں چاروں صوبوں کے گورنرز کی تعیناتی اور گورنر پنجاب کو ہٹانے کی سمری پر بات کریں گے۔

ذرائع کا کہنا ہے کہ ملاقات میں مملکت کے امور اور قومی سلامتی کے معاملات پر بھی گفتگو ہو گی۔ ذرائع کے مطابق وزیراعظم اور صدر مملکت کی ملاقات میں تحریک عدم اعتماد کے بعد پیدا ہونے والی تلخی کم کرنے کی کوشش بھی کی جائے گی۔