اسلام آباد(ویب ڈیسک) ‘امپورٹڈ حکومت نامنظور’ ہیش ٹیگ نے تاریخ رقم کردی ہے اور پاکستان میں یہ ہیش ٹیگ مسلسل نویں روز بھی ٹاپ ٹرینڈ کررہا ہے۔ پاکستان تحریک انصاف کی حکومت کے خاتمے کے ساتھ سماجی رابطوں کی ویب سائٹ ٹوئٹر پر ‘امپورٹڈ حکومت نامنظور’ ہیش ٹیگ بنایا گیا جس نے تاریخ رقم کردی ہے۔
پاکستان میں امپورٹڈ حکومت نامنظور ہیش ٹیگ مسلسل نویں روز بھی ٹاپ ٹرینڈ کررہا ہے اور اب تک اس ہیش ٹیگ پر 4 کروڑ 87 لاکھ سے زائد ٹوئٹس ہوچکے ہیں۔ صارفین اس ہیش ٹیگ پر کھل کر اپنے جذبات کا اظہار کررہے ہیں جبکہ چیئرمین پی ٹی آئی اور سابق وزیراعظم عمران خان نے اس ہیش ٹیگ میں حصہ لینے والوں کو سلام پیش کیا ہے۔ اس ٹرینڈ کو پاکستان کی تاریخ کا سب سے بڑا سوشل میڈیا ٹرینڈ قرار دیا جارہا ہے۔ نو روز گزرنے کے بعد بھی اس ٹرینڈ کو ہر سوشل میڈیا پلیٹ فارم پر استعمال کیا جا رہا ہے جس میں مبینہ غیر ملکی طاقت کی طرف سے پاکستان میں حکومت کی تبدیلی کی سازش کی بھرپور مذمت کی جا رہی ہے۔