لاہور: (ویب ڈیسک) آج ہم آپ کو اس اسٹوری میں بالی ووڈ کے ان چند نامور اداکاروں کے بارے میں بتانے جا رہے ہیں جو نماز اور اسلام سے خاصا لگاؤ رکھتے ہیں۔ پریانکا چوپڑا: بالی ووڈ اداکارہ اور سابقہ مس ورلڈ پریانکا چوپڑا کہتی ہیں کہ شام کے وقت جب اذان ہو رہی ہوتی ہے تو مجھے وہ لمحہ دن کا سب سے خوبصورت لمحہ لگتا ہے کیونکہ میں صرف اذان کی آواز سننے کیلئے چھت پر جا کر بیٹھ جاتی ہوں۔
انہوں نے بتایاکہ میرے گھر میں 6 مسجدوں سے اذان کی آواز آتی ہے جو مجھے ایک الگ ہی قسم کا سکون بخشتا ہے۔ کنگنا رناوت: کنگنا رناوت نے ایک میڈیا ٹاک کے دوران کہاکہ مجھے اذان کی آواز سے بہت پیار ہے،اچھی لگتی ہے یہ آواز سننے میں اور دنیا کا کوئی بھی مذہب ہو ہمیں اس کی عزت کرنے چاہیے ہمیشہ۔ سشمتا سین: سینئر بالی ووڈ اداکارہ اور سابقہ مس یو نیورس سشمتا سین کو کون نہیں جانتا یہ تو ہندو ہوتے ہوئے بھی کئی مرتبہ فیملی کے ساتھ اور میڈیا سے بات چیت کرتے ہوئے قرآن کی آیات پڑھ دیتی ہیں اور کہتی ہیں کہ اس سے سکون ملتا ہے ۔ سلمان خان: بھارتی فلم انڈسٹری کے دبنگ سپر اسٹار سلمان خان جو کہ ہندوستانی فلم انڈسٹری کی ریڑھ کی ہڈی سمجھے جاتے ہیں یہ ہیں تو مسلمان لیکن بھارت جیسے ملک میں رہ کر بھی وہ ہمیشہ سب کے سامنے اپنے مسلمان ہونے کا ثبوت کھل کر دیتے ہیں ۔ اب ہوا کچھ یوں کہ ان کی ایک ویڈیو منظر عام پر آئی جب وہ کسی تقریب میں شریک تھے اور خطاب کر رہے تھے تو اسی وقت ایک اور شخص بھی ان کے ساتھ اسٹیج پر موجود تھا اور عوام سے یہ بھی بات چیت کر رہا تھا تو جیسے ہی اذان شروع ہوئی تو سلمان خان نے اسے بات کرنے سے منع کر دیا کیونکہ دنیا جانتی ہے کہ اذان کے دوران کوئی بھی دنیاوی بات نہیں کرنے چاہیے بس اذان کو سننا چاہیے۔