لاہور(ویب ڈیسک) آپ دنیا کے بارے میں بہت کچھ جانتے ہیں تو یہ آپ کی خام خیالی ہے کیونکہ سائنسدانوں کے مطابق ابھی تک انسان 80 فیصد تک اس دنیا میں موجود جانوروں، نوے فیصد تک سمندر کے اندر رہنے والی مخلوق اور ننانوے فیصد تک خوردبینی اجسام کے بارے میں کچھ بھی نہیں جانتا۔
سائنسدانوں کے مطابق ہر انسان کے جسم کی بو اسکی فطرت اور مزاج کے مطابق ہوتی ہے جیسے اگر کچھ افراد بہت غصے والے اور جھگڑالو طبعیت کے مالک ہیں تو ان کے جسم کی خوشبو ایسی ہی ہوگی جیسی تمام غصے والے لوگوں کی ہوتی ہے۔ اس حقیقت سے بہت کم لوگ واقف ہیں لیکن یہ حقیقت ہے کہ اگر انگور کے دانوں کو مائیکرو ویو اوون میں رکھا جائے تو یہ دانے آگ کے بال میں تبدیل ہو جاتے ہیں اور خطرناک بھی ثابت ہو سکتے ہیں اس وجہ سے بہتر یہی ہے کہ اس کو اوون میں نہ رکھا جائے۔ ماہرین کا کہنا ہے کہ جس طرح ہماری ناک بو کو سونگھ سکتی ہے اسی طرح ہماری زبان بھی مختلف چیزوں کی بو کو محسوس کر سکتی ہے اور زبان میں بھی ویسے ہی سیل اور دسیپٹر موجود ہوتے ہیں جو بو کو محسوس کر کے پیغام کو دماغ تک پہنچا سکتے ہیں۔ ماہرین کا کہنا ہے کہ اگر کوئی انسان کچھ بھول جائے اور اس کو یاد کرنا چاہتا ہو تو اس کو چاہئیے وہ آنکھیں بند کر لے اور سوچے تو اس سے اس کی دماغ کو ارتکاز کرنے میں مدد ملتی ہے اور اس کو بھولی ہوئی چیزیں بھی یاد آجاتی ہے۔ اگر آپ اپنے بزرگوں یا ماں باپ کو کوئی تحفہ دینا چاہتے ہیں تو آپ کو اس کے لیے ماہرین کی تحقیق کے مطابق کچھ خاص باتوں کا دھیان رکھنا پڑے گا۔ عمر کے ساتھ ساتھ انسان کی ترجیحات تبدیل ہو جاتی ہیں اور بڑی عمر کے افراد کو تحفے میں ایسی چیزیں زيادہ متاثر کرتی ہیں جس سے ان کی جذباتی وابستگی ہو، اس عمر کے لوگوں کو مہنگے تحائف کے بجائے ایسے تحائف دینا زیادہ بہتر ہوتا ہے جس سے ان کی یادیں جڑی ہوتی ہیں۔
عام طورپر یہ کہا جاتا ہے کہ انسانی جسم کے اعضا دوبارہ سے نہیں بڑھتے لیکن میڈیکل ماہرین کے مطابق کم عمر بچوں کی انگلیوں کی اگلی پوروں پر کوئی چوٹ لگ جائے یا کٹ جائيں تو وہ صرف آٹھ ہفتوں میں دوبارہ سے بڑھ سکتی ہیں لیکن ماہرین اس عمل کی کوئی وضاحت دینے سے قاصر ہیں اور اس کے ساتھ ان کا یہ بھی کہنا ہے کہ یہ عمل سو فیصد بچوں کے ساتھ ہونا یقینی نہیں ہے۔ انسان کا یہ ماننا ہے کہ جن افراد کا آئی کیو زیادہ ہوتا ہے وہ زيادہ ذہین ہوتے ہیں اور ایسا سوچنا بھی صحیح بھی ہے مگر کسی کی ذہانت اس کی کامیابی کی ضمانت ہے اس کے بارے میں ماہرین کی رائے مختلف ہے اور وہ انسان کی کامیابی کا سبب ذہنی ذہانت کو قرار دینے کے بجائے جذباتی ذہانت کو قرار دیتے ہیں۔