بڑی خبر:اسلام آباد سے ایک اور سماجی کارکن لاپتہ،نام کیا ہے؟اورتعلق کس کس سے ہے؟جان کر آپ کے ہوش اڑ جائیں گے

اسلام آباد(مانیٹرنگ ڈیسک)پاکستان کے دارالحکومت اسلام آباد سے ایک اور کارکن لاپتہ ہوگیا ہے، ثمر عباس کے خاندان اور دوستوں کو شبہ ہے کہ انھیں حراست میں لیا گیا ہے۔ثمر عباس کا تعلق کراچی سے ہے، ان کے بھائی قمبر علی نے خبر رساں ادارے کو بتایا کہ ثمر تین جنوری کو کسی کام کے سلسلے میں اسلام آباد گئے تھے جہاں سے وہ موبائل اور انٹرنیٹ کے ذریعے رابطے میں تھے۔ہفتے کی رات دس بجے ان سے آخری بار رابطہ ہوا تھا جس کے بعد مسلسل کال کرتے رہے اور دوسرے روز دوپہر 12 بجے ٹیلیفون بند کردیا گیا۔

تفصیلات کے مطابق ثمر عباس کی گمشدگی کی اطلاع اسلام آباد پولیس کو نہیں دی گئی۔ثمر عباس کراچی میں جعفریہ ڈزاسٹر سیل، انصار برنی کے علاوہ سول پروگریسیو الائنس کے ساتھ سرگرم رہے ہیں۔قمبر علی کا کہنا ہے کہ اسلام آباد میں ان کا کوئی رشتے دار نہیں ہے اور وہ ایف آئی آر کے علاوہ ہائی کورٹ میں پٹیشن بھی دائر کریں گے۔ان کا مزید کہنا تھا ثمر گذشتہ تین سالوں سے سرگرم تھے جس طرح سلمان حیدر کو اٹھایا گیا ہے، ہوسکتا ہے اس وجہ سے کسی نے انھیں بھی اٹھایا ہو۔سول پروگریسیو الائنس کے رکن طالب عباس کا کہنا ہے کہ آرمی پبلک سکول پر حملے کے بعد سے ثمر عباس سرگرم رہے، اس کے علاوہ وہ خرم ذکی کے ساتھ کالعدم تنظیموں کے خلاف سرگرم بھی رہے ہیں۔طالب عباس کا کہنا ہے کہ ثمر عباس کی ایسی کوئی سرگرمی نہیں تھی جو قابل اعتراض ہو۔ وہ محب وطن شہری تھے اور ریاست مخالف سوچ نہیں رکھتے تھے۔اگر کوئی اقلیتوں یا پسے ہوئے طبقات کی بات کرتا ہے تو وہ ریاست مخالف ہرگز نہیں ہے۔(ی)