ناقابل یقین واقعات

لاہور (ویب ڈیسک) زندگی دلچسپ واقعات، دکھوں اور رعنائیوں سے بھری پڑی ہے۔ دنیا میں ہونے والے انوکھے واقعات ہمیشہ دلچسپی کا باعث بنتے ہیں۔ قارئین کی دلچسپی کے لئے دنیا بھر میں ہونے والے انوکھے حیرت انگیز اور دلچسپی سے بھرے واقعات میں چند ایک پیش خدمت ہیں تاکہ محظوظ ہونے کیساتھ ساتھ قارئین کی معلومات میں بھی اضافہ ہوتا رہے۔

1۔ دو سالہ ماڈل ایرا برائون کی عمر صرف دو سال ہے اور امریکہ میں ایک معروف ماڈل کے حوالے سے جانی جاتی ہے۔ اس کے والدین نے حال ہی میں امریکہ کے دو بڑے ناموں کے برانڈ کے کپڑوں کی ماڈلنگ کے لئے باقاعدہ معاہدے کئے ہیں۔ دو سالہ ایرا حقیقت میں ایک پیاری گڑیا کا عکس ہے۔ اس کے والدین کے مطابق ایرا کو نت نئے کپڑے پہن کر کیمرے کے سامنے پوز دینے میں قدرتی کمال حاصل ہے۔ وہ ایک لمحہ کے لئے بھی کیمرے سے خوفزدہ نہیں ہوتی۔

(2)  ۔تیر انداز… جس کے بازو نہیں ہیں میتھ سٹیٹسزمین ایک ایسا تیر انداز ہے جس کے دونوں بازو نہیں، بازوئوں سے محروم اس تیر انداز پر خدائی مہربانی دیکھنے کے قابل ہے کہ اسے باقاعدہ امریکی تیر انداز ٹیم میں شامل کیا گیا جس نے لندن اولمپک میں حصہ لیا۔ وہ پیدائشی طور پر بازوئوں سے محروم ہے لیکن اس نے اپنی اس معذوری کو کبھی بھی اپنی نشانہ بازی کے شوق میں حائل نہیں ہونے دیا وہ 16 برس کی عمر سے تیر اندازی کر رہا ہے۔ تیر کو کمان میں لگانے کے لئے میتھ کو اپنے پائوں استعمال کرنے پڑتے ہیں یہاں تک کہ کھانے پینے گاڑی چلانے کے لئے پائوں کا استعمال کرتا ہے۔

(3) ۔ الیکٹرونک کافی ٹیبل اگر آپ کے پاس کچھ پرانے کمپیوٹر ہیں تو آپ ان کی مدد سے کافی میز بنا کر ایک حیرت انگیر ایجاد کے مالک بن سکتے ہو۔ برازیل کے گیری سمتھ نے اپنے خراب کمپیوٹرز کے مدربورڈ نکال کر ان کو ایک بڑی لکڑی کی شیٹ پر ترتیب دیئے اور اس کے اوپر والے حصے پر ایک شیشہ نصب کر دیا۔ شیشہ کے اندر لگے مدر بورڈ ایسا منظر پیش کرتے ہیں جیسے کوئی ٹیکنالوجی کا شہر بسا ہو۔ اس پر کافی کا کپ رکھ کر ہو سکتا ہے کہ آپ کے ذہن میں کوئی نیا تخلیقی نظریہ جنم لے لے۔

(4) ۔ پیچھے سرکتی نیاگرا آبشار شمالی امریکہ میں کینیڈا اور ریاست ہائے متحدہ امریکہ کی سرحد پر واقع دنیا کی مشہور ترین آبشارواقع ہے جسے حسن فطرت کا عظیم شاہکار اور دنیا کے قدرتی عجائبات میں سے ایک سمجھا جاتا ہے۔ یہ دنیا میں سیاحوں کے پسندیدہ مقامات میں بھی شامل ہے۔ حال ہی میں آبشار پر رنگارنگ روشنیوں کا مظاہرہ کیا گیا ہے جس نے آبشار کی خوبصورتی کو مزید4 چاند لگا دیئے ہیں۔ قدرت کا یہ حسین و نادر نمونہ ہر سال ڈھائی فٹ سالانہ کے حساب سے پیچھے کو سرک رہا ہے یہ۔ ایک منٹ میں لاکھوں گیلن پانی یہاں سے گرتا ہے اس عظیم آبشار کو پیشہ ورانہ مہم جوؤں کے معروف خاندان سے تعلق رکھنے والے کرتب باز امریکہ کے نک ویلنڈا نے رسّے پر چلتے ہوئے کامیابی کے ساتھ پار کرچکے ہیں۔تیز ہوا اور نیاگرا آبشار سے نکلتے ہوئے پانی کا مقابلہ کرتے ہوئے انھوں نے امریکہ سے کینیڈا کے درمیان1800 فٹ یا550میٹر کی دوری 2 انچ موٹی رسّی پر طے کی۔یہ رسی نیاگرا آبشار سے150 فٹ کی اونچائی پر لگائی گئی تھی۔اپنے اس خطرناک کارنامے کے دوران ویلنڈا نے رسّے کے ساتھ ایک حفاظتی رسی باندھ رکھی تھی کیونکہ رسّے پر چلنے کے اس شو کو امریکی براڈکاسٹر اے بی سی نے اسپانسر کیا تھا اور انھوں نے ویلنڈا پر اس حفاظتی اقدام اپنانے کے لیے زور دیا تھا۔اس مظاہرے سے قبل ویلنڈا نے کہا کہ انھوں نے اس سے قبل کسی سہارے کے ساتھ رسی پر چلنے کا کام نہیں کیا ہے۔33 سالہ نک نے جیسے ہی یہ آبشار پار کیا انھیں کینیڈا کو باضابطہ طور پر اپنا پاسپور ٹ جمع کرنا پڑا۔ان کا کہنا ہے کہ نیاگرا آبشار کو اس طرح پار کرنے میں کل خرچ13 لاکھ امریکی ڈالر آیا ہے جن میں سرحد کے دونوں جانب رسی باندھنا اور اجازت نامہ حاصل کرنا اور حفاظتی اقدامات شامل ہیں۔(ش س م۔ ن)

 

اس خبر کے بارے میں اپنی رائے دیجئے

آپ اس خبر پر دوبارہ رائے نہیں دے سکتے - شکریہ

اپنی قیمتی رائے دینے کا شکریہ

Loading...
loading...