آج کی رات کٹے گی کیسے :شریف  خاندان پر آج کی رات بہت بھاری گزر رہی ہے ، مگر کیوں ؟ جانیے

اسلام آباد(ویب ڈیسک) اسلام آباد کی احتساب عدالت میں شریف خاندان کی کل ایک اور پیشی ہو گی، نواز شریف، مریم نواز اور کیپٹن صفدر پر فرد جرم عائد کی جائے گی، حسن اور حسین نواز کی طلبی کے اشتہار عدالت کے باہر بھی چسپاں کر دیئے گئے ہیں۔اس سے پہلے عدالت کی طرف انہیں مفرور ملزم بھی قرار دیا جا چکا ہے

تفصیلات کے مطابق عدالت نے سابق وزیر اعظم کی جانب سے گزشتہ سماعت پر ایک دن کے لئے حاضری سے استثنیٰ کی درخواست منظور کرتے ہوئے نواز شریف، مریم نواز اور کیپٹن صفدر پر فرد جرم عائد کرنے کے لئے 13 اکتوبر کی تاریخ مقرر کی تھی۔

مریم نواز اور کیپٹن صفدر کی پیشی پر جج احتساب عدالت نے کہا تھا کہ ایک ملزم آتا ہے تو دوسرا جاتا ہے، اس لئے غیرحاضر ملزمان کا کیس الگ کر ر ہے ہیں۔دوسری جانب، حسن نواز نے تصدیق کی ہے کہ ان کے والد میاں نواز شریف کا فی الحال پاکستان جانے کا پروگرام نہیں ہے۔

نواز شریف، حسن اور حسین نواز پارک لین اپارٹمنٹس، عزیزیہ سٹیل ملز اور آف شور کمپنیوں کے ریفرنسز میں جبکہ مریم نواز اور ان کے شوہر کیپٹن صفدر صرف پارک لین اپارٹمنٹس کے معاملے میں نامزد ملزم ہیں۔

عدالت کے باہر چسپاں کئے گئے اشتہار میں کہا گیا ہے کہ حسن اور حسین نواز اگر ایک ماہ کے اندر احتساب عدالت میں پیش نہ ہوئے تو اشتہاری قرار دے کر دائمی وارنٹ جاری کر دیئے جائیں گے۔کل شریف فیملی کے لیے ایک ہولناک دن ثابت ہونے کا وقی امکان ظاہر کیا جا رہا ہے (ذ،ع۔ع)