سپین میں اندھادھندفائرنگ۔۔۔افسوسناک خبرآگئی

میڈرڈ (نیوزڈیسک) سپین کی سپر مارکیٹ میں ایک مسلح شخص نے اندھا دھند فائرنگ کردی جس کےنتیجے میں کوئی شخص زخمی نہیں ہوا۔ پولیس حکام کا کہنا ہے کہ فائرنگ کرنے والا شخص قریب کا ہی رہائشی اور نفسیاتی مسائل کا شکار ہے۔ڈیلی میل کے مطابق حملہ آور نے گیسولین اور بارود سے بھری جیکٹ بھی پہن رکھی تھی اور وہ سپین کے شمال مغربی لگاﺅس ریجن میں واقع ایک سپر مارکیٹ میں داخل ہوا اور ہوائی فائرنگ شروع کردی۔

حملہ آور کی فائرنگ کے وقت متعدد لوگ سپر مارکیٹ میں موجود تھے۔پولیس حکام کا کہنا ہے کہ یہ واقعہ مقامی وقت کے مطابق دوپہر 2 بجے کے قریب پیش آیا جس کے نتیجے میں کوئی شخص زخمی نہیں ہوا۔ حملہ آور نفسیاتی مسائل کا شکار ہے اور سپر مارکیٹ کے قریب واقع ایک گھر میں رہائش پذیر ہے۔(خ.و)