بلیک بیری صارفین کے لیے بڑی خوشخبری آگئی، کمپنی نے آخری سمارٹ فون متعارف کرادیا،یہ کن خصوصیات کا حامل ہے؟ تفصیلات اس خبرمیں

لاس ویگاس(ویب ڈیسک) مشہور اسمارٹ فون کمپنی بلیک بیری نے اپنا آخری فون متعارف کرا دیا ہے۔لاس ویگاس میں کنزیومر الیکٹرونکس شو (سی ای ایس) کے دوران بلیک بیری نے مرکری نامی اسمارٹ فون پیش کیا۔

تفصیلات کے مطابق کمپنی کے چیف ایگزیکٹو نے اس بات کی تصدیق کی ہے کہ بلیک بیری مرکری اس مشہور کمپنی کا ڈیزائن اور تیار کردہ آخری اسمارٹ فون ہوگا۔یہ فون رواں سال کسی بھی وقت فروخت کے لیے پیش کیا جائے گا۔واضح رہے کہ کینیڈا کی اس کمپنی نے ستمبر میں اعلان کیا تھا کہ مالی مشکلات کے باعث وہ مزید اسمارٹ فونز تیار نہیں کرے گی اور اس طرح ایک عہد کا خاتمہ ہوگیا تھا۔بلیک بیری کسی زمانے میں موبائل فون کی دنیا میں راج کرنے والی کمپنی تھی مگر آئی فون اور اینڈرائیڈ فونز نے اس کی مقبولیت ختم کردی۔مستقبل میں یہ کمپنی اپنے فون خود بنانے کی بجائے دیگر کمپنیوں پر انحصار کرے گی۔مرکری بلیک بیری کے کیورٹی کی بورڈ کے ساتھ ہے جبکہ 4.2 انچ کی ٹچ اسکرین بھی ہے۔اس میں اینڈرائیڈ آپریٹنگ سسٹم دیا گیا ہے جبکہ فنگر پرنٹ ریڈر بھی اسپیس بار میں رکھا گیا ہے۔اسی طرح تھری جی بی ریم، اوکٹا کور کوالکوم پراسیسر، 3200 ایم اے ایچ بیٹری، یو ایس بی سی پورٹ اور 18 میگا پکسلز کا کیمرہ اس کے نمایاں فیچرز ہیں۔اس فون کی قیمت ابھی سامنے نہیں آئی تاہم یہ واضح ہے کہ اس کے بعد بلیک بیری کا دور ختم ہوجائے گا۔(ت)